700 ميلليون توننا! ەلىمىز كەن ىزدەۋدە كەلەلى جەتىستىككە قول جەتكىزدى

ءتىلشىنىڭ 11 – ايدىڭ 6 – كۇنى گانسۋ ولكەلىك جاراتىلىستىق بايلىق مەڭگەرمەسىنەن ۇعىسۋىنشا، گانسۋ ولكەسى پيڭلياڭ قالاسى كۇڭتۇڭ وڭىرىنەن ءىرى تيپتى ماگني قورىتىلاتىن دولوميت كەنى بايقالعان، بايلىق قاينارىنىڭ جالپى مولشەرى 700 ميلليون توننا، بۇل اتالعان رايوننىڭ كەن بايلىعىن بارلاۋ جاعىندا كەلەلى جەتىستىككە قول جەتكىزگەنىن كورسەتەدى.

مەجەلەۋگە قاراعاندا، اشىق ورىننان قازىپ الۋعا بولاتىن ماگني قورىتىلاتىن دولوميت كەنىنىڭ انىقتالعان جالپى مولشەرى 700 ميلليون توننادان اسادى، مۇنان سىرت، جان – جاقتى پايدالانۋعا بولاتىن قۇرىلىسقا پايدالاناتىن دولوميتتىڭ مولشەرى 300 ميلليون توننادان اسادى. اتالعان دولوميت كەنى مەتال ماگنيدى قورىتۋدا پايدالانىلاتىن ماڭىزدى شيكىزات بولۋدان سىرت، وتقا ءتوزىمدى ماتەريال، مەتاللۋرگيا ەرىتكىشى، اينەك جانە فارفور قاتارلى ونەركاسىپ سالاسىندا دا پايدالانۋعا بولادى، بايلىقتى جان – جاقتى پايدالانۋ كومەسكى قۋاتى وتە زور.

كەلۋ قاينارى: حالىق تورابى