بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.06 16:18 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 5 - كۇنى، بەيجيڭ. 11 - ايدىڭ 5 - كۇنى مەملەكەت ءتوراعاسى شي جينپيڭ فيجيدىڭ زۇڭتۇڭى لالابالاۋۋمەن جۇڭگو مەن فيجيدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىنا بايلانىستى ءوزارا قۇتتىقتاۋ تەلەگرامماسىن جولداپ، جۇڭگو مەن فيجيدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: فيجي − جاڭا جۇڭگومەن تۇڭعىش رەت ديپلوماتيالىق قارىم - قاتىناس ورناتقان تىنىق مۇحيتتاعى ارال ەلى. جۇڭگو مەن فيجي ديپلوماتيالىق قارىم - قاتىناس ورناتقان جارتى عاسىردان بەرى، حالىقارالىق جاعداي قالاي وزگەرسە دە، ەكى ەل باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، سەلبەسىپ تەڭ يگىلىككە كەنەلىپ، ءبىر - ءبىرىنىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدادى. تاياۋ جىلداردان بەرى ەكى جاقتىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋىنىڭ تابىسى مول بولىپ، ەكى ەل حالقىن يگىلىككە كەنەلتتى، جۇڭگو مەن فيجيدىڭ دوستىعى جۇرت جۇرەگىنە اناعۇرلىم تەرەڭ ۇيالادى.
شي جينپيڭ بىلاي دەپ باسا دارىپتەدى: مەن جۇڭگو - فيجي قارىم - قاتىناسىنىڭ دامۋىنا ايرىقشا ءمان بەرەمىن، لالابالاۋۋ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ەكى جاقتىڭ ساياسي سەنىمدىلىگىن كۇشەيتىپ، ءار سالاداعى سەلبەستىگىن كەڭەيتىپ، جۇڭگو مەن فيجيدىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايمىن.
لالابالاۋۋ مىنالاردى ءبىلدىردى: فيجي مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى − ەكى ەل قارىم - قاتىناسىنىڭ ماڭىزدى بەلەسى. ەكى ەل ءوزارا قۇرمەت ەتۋ، ورتاق مۇددە، سونداي - اق بەيبىتشىلىك پەن گۇلدەنۋگە دەگەن ورتاق ارمان نەگىزىندە، جالپى بەتتىك ستراتەگيالىق سەرىكتەستىك قارىم - قاتىناس ورناتىپ، سەلبەستىك سالاسىن ۇزدىكسىز كەڭەيتىپ، وڭىرلىك جانە حالىقارالىق سىن - سايىسقا توتەپ بەرۋگە ماڭىزدى ۇلەس قوستى. فيجي - جۇڭگو قارىم - قاتىناسى دامۋىنىڭ اناعۇرلىم تەرەڭ، ومىرشەڭدىك كۇشكە باي، بولاشاعىنىڭ اناعۇرلىم كەڭ بولاتىندىعىنا كامىل سەنەمىن.
سول كۇنى مەملەكەتتىك كەڭەستىڭ زۇڭليى لي چياڭ فيجيدىڭ زۇڭليى رامبۋكامەن ءوزارا قۇتتىقتاۋ تەلەگرامماسىن جولدادى. لي چياڭ مىنالاردى ءبىلدىر دەدى: جۇڭگو جاق جۇڭگو - فيجي قارىم - قاتىناسىنىڭ دامۋىنا ايرىقشا ءمان بەرەدى، فيجيمەن بىرگە قۇلشىنىپ، ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ءوزارا ءتيىمدى سەلبەستىكتى كەڭەيتىپ جانە تەرەڭدەتىپ، جۇڭگو مەن فيجيدىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتۋدى قالايدى.
رامبۋكا مىنالاردى ءبىلدىردى: فيجي جاق جۇڭگومەن جالپى بەتتىك ستراتەگيالىق سەرىكتەستىك قارىم - قاتىناستى قاستەرلەيدى، ەكى جاقتىڭ ءار سالاداعى سەلبەستىگى ەكى ەل حالقىنا ۇزدىكسىز شىنايى پايدا جەتكىزدى، فيجي جاق جۇڭگو جاقپەن تىعىز سەلبەسىپ، ەكى ەلدىڭ ءوزارا قۇرمەت ەتۋ، باياندى دوستىق، بىرگە دامۋ سەرىكتەستىك قارىم - قاتىناسىن تەرەڭدەتۋدى ءۇمىت ەتەدى.
كەلۋ قاينارى: حالىق تورابى
