3 تاراۋ بىرلەسىپ «ينتەرنەت تەكشەسىنىڭ باعا ارەكەت ەرەجەسىن» جاريالادى

پارتيانىڭ 20 - قۇرىلتايى مەن 20 – كەزەكتى ءار رەتكى جالپى ءماجىلىسىنىڭ رۋحىن ىشكەرىلەي دايەكتى تياناقتاندىرىپ، تەكشە ەكونوميكاسىندا جاڭالىق اشۋ مەن اقاۋسىز دامۋدى ىلگەرىلەتۋ ءۇشىن، تاياۋدا مەملەكەتتىك دامۋ جانە رەفورما كوميتەتى، مەملەكەتتىك بازاردى باقىلاۋ - باسقارۋ باس مەكەمەسى، مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى «ينتەرنەت تەكشەسىنىڭ باعا ارەكەت ەرەجەسىن» ( تومەندە قىسقاشا «ارەكەت ەرەجەسى» دەلىنەدى ) بىرلەسىپ جاريالادى.

مەملەكەتتىك دامۋ جانە رەفورما كوميتەتى، بازاردى باقىلاۋ - باسقارۋ باس مەكەمەسى، مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى 2025 – جىلى 8 – ايدىڭ 23 – كۇنىنەن 9 – ايدىڭ 22 - كۇنىنە دەيىن «ارەكەت ەرەجەسى» جونىندە قوعامنان اشىق پىكىر الدى. ءار جاقتىڭ پىكىرىنە ساي، «ارەكەت ەرەجەسىنە» ىشكەرىلەي وزگەرىس ەنگىزىپ جانە ونى كەمەلدەندىرىپ، باعا ارەكەتىن ارناعا ءتۇسىرىپ، اشىق، جاريا بولۋدى ىلگەرىلەتىپ، ءار جاقتىڭ سايكەسۋىن كۇشەيتىپ، تاماشا تەكشە ەكولوگياسىن ورناتۋعا كۇش سالدى.

باعا باسەكەسى ءتارتىپتى ارناعا تۇسىرىلەدى. قازىر اتقارىلىپ وتىرعان زاڭ، زاڭدىق ەرەجەلەردەگى بەلگىلەمەلەرگە ساي، باقىلاۋ - باسقارۋ تالابىن اشالاپ، ناقتىلاندىرىپ، تەكشە تيجاراتشىلارى ءۇشىن، تەكشە ىشىندەگى تيجاراتشىلار ءۇشىن ايقىن باعا ارەكەتى جەتەكشىلىگىن ورناتىپ، ساپاسى جاقسى، باعاسى لايىقتى، ءتيىمدى باسەكە قالىپتاستىرۋدى ىلگەرىلەتەدى.

تيجاراتشىلاردىڭ دەربەس باعا بەلگىلەۋ ۇقىعىن قورعايدى. تەكشە ىشىندەگى تيجاراتشىلاردىڭ دەربەس باعا بەلگىلەۋ ۇقىعىن قورعاۋ بەلگىلەمەسىن كەمەلدەندىرىپ، تەكشە تيجاراتشىلارىنىڭ تەكشە ىشىندەگى تيجاراتشىلاردىڭ باعا ارەكەتىنە ۇيلەسىمسىز شەك قويۋىنا نەمەسە ۇيلەسىمسىز شارت قويۋىنا بولمايتىندىعىن ايقىندادى.

تۇتىنۋشىلاردىڭ زاڭدى ۇقىق – مۇددەسىن قورعايدى. اشىق باعا قويۋ ءتۇزىمىن تياناقتاندىرىپ، يكەمدى باعا بەلگىلەۋ، پارىقتى باعا بەلگىلەۋ قاتارلى ەرەجەلەردى جاريا ۇستاۋدى ىلگەرىلەتىپ، قۇپيا سيفردى باسپاي تولەۋ، مەرزىمىن اۆتوماتتى ۇزارتۋ، اقشانى اۆتوماتتى تارتۋ قاتارلى قىزمەت وتەۋدى ارناعا ءتۇسىرىپ، تۇتىنۋشىلاردىڭ جاعدايدان حاباردار بولۋ ۇقىعىن، تاڭداۋ ۇقىعىن اناعۇرلىم ويداعىداي قورعايدى.

ۇعىسۋعا قاراعاندا، «ارەكەت ەرەجەسى» 2026 – جىلى 4 – ايدىڭ 10 - كۇنىنەن باستاپ اتقارىلىپ، تيجاراتشىلارعا قاجەتتى جۇيەلى رەتتەۋ ۋاقىتى قالدىرىلادى. 3 تاراۋ نەگىزگى تەكشە تيجاراتشىلارىن «ارەكەت ەرەجەسىنىڭ» ءتۇرلى باقىلاۋ - باسقارۋ تالاپتارىنا ساي ءوزىن - ءوزى تەكسەرۋگە ۇيىمداستىرىپ، باعا ارەكەتىن سانالى تۇردە ارناعا ءتۇسىرىپ، ساياساتتىڭ تياناقتانۋىن شىنايى ويداعىداي يگەرەدى.

كەلۋ قاينارى: حالىق تورابى