شينجياڭنان 4 كوماندا فۋتبولدان مەملەكەت بويىنشا اۋداندار اراسىندا وتكىزىلەتىن چەمپيوندار جارىسىنا قاتىناسادى 

انار بۇلت \ شينجياڭ گازەتىنىڭ ءتىلشىسى حۋاڭ شيڭ حابارلايدى. 12 – ايدىڭ 19 – كۇنى، مەملەكەتتىك دەنە تاربيە باس مەڭگەرمەسى بۇقارالىق دەنە تاربيە مەڭگەرمەسى مەن جۇڭگو فۋتبول بىرلەستىگى جەتەكشىلىك ەتكەن، جۇڭگو فۋتبولدى دامىتۋ قورى، گۋاڭشي جۋاڭزۋ اۆتونوميالى رايوندىق دەنە تاربيە مەكەمەسى، گۇيلين قالالىق حالىق ۇكىمەتى وتكىزەتىن 2025 – جىلعى ”بۇكىل حالىقتىق دەنە شىنىقتىرۋ، سالاماتتى جۇڭگو“ اتىندا فۋتبولدان مەملەكەت بويىنشا اۋداندار اراسىندا وتكىزىلەتىن چەمپيوندار جارىسى گۋاڭشيدىڭ گۇيلين قالاسىندا باستالدى. شينجياڭنان 4 فۋتبول كومانداسى وسى رەتكى جارىسقا قاتىناسادى، ولار: ءۇرىمجى قالاسى سايباق رايونىنىڭ، تولى اۋدانىنىڭ، شىحىزى قالاسىنىڭ جانە ۋجياچۇي قالاسىنىڭ ۋاكىلدەر كومانداسى.

وسى رەتكى فۋتبولدان مەملەكەت بويىنشا وتكىزىلەتىن چەمپيوندار جارىسىنا قاتىناساتىن كوماندالار مەملەكەت بويىنشا 940 نەشە اۋدان دارەجەلى اكىمشىلىك رايوندارداعى ون مىڭعا جۋىق كوماندا اراسىنان، نەگىزگى ساتىداعى 30 مىڭ رەتتەن استام جارىس جانە ولكە دارەجەلى شەشۋشى جارىس ارقىلى سارالانىپ شىققان. سانشي، جيلين، جياڭسۋ، انحۇي، شاندۇڭ، حىنان، حۋنان، گۋاڭشي، حاينان، يۇننان، چيڭحاي، شينجياڭ قاتارلى 12 ولكە (اۆتونوميالى رايون) مەن شينجياڭ ءوندىرىس – قۇرىلىس بيڭتۋانىنان اۋداندار اراسىنداعى ولكە دارەجەلى شەشۋشى جارىستا جەڭىپ شىققان 24 كوماندا مەن وسى كوماندالاردىڭ قۇرامىنداعى جارىسقا قاتىناساتىن 335 فۋتبولشى الدا 5 كۇن ىشىندە 56 رەت جارىسقا تۇسەدى.

كەلۋ قاينارى: حالىق تورابى