حالىقارادا التىن باعاسى تاعى دا جاڭا دەڭگەيگە جەتتى

ا ق ش – نىڭ نيۋ – يورك تاۋار ايىرباسى بيرجاسىنداعى كەسىكتى بۇيىم تۇرىندەگى التىننىڭ باعاسى 12 – ايدىڭ 21 – كۇنى تاعى دا جاڭا دەڭگەيگە جەتكەن. مۇنىڭ ىشىندە، ايىرباس تەبىندى بولعان 2026 – جىلعى 2 – ايعا دەيىنگى التىن تۇرىندەگى كەسىكتى بۇيىمداردىڭ ايىرباس بارىسىنداعى باعاسى ءار ۋنتسياسىنا 4430 ا ق ش دوللارىنان اسقان.

لوندونداعى ناقتى زات تۇرىندەگى التىننىڭ باعاسى جەرگىلىكتى ۋاقىت بويىنشا 12 – ايدىڭ 22 – كۇنى ءار ۋنتسياسىنا 4400 ا ق ش دوللارىندىق كەزەڭنەن اسىپ، تاريحتاعى جاڭا دەڭگەيدى جاراتقان.

بلۋمبەرگ اگەنتتىگى جاريالاعان ساراپتاۋ ماقالاسىنىڭ كوزقاراسىنشا، گەوساياسي شيەلەنىسكەن جاعدايدىڭ ۋشىعا ءتۇسۋى، ا ق ش فەدەرالدىق قورى ءوسىمدى تومەندەتۋى مۇمكىن دەگەن بازارداعى بولجام التىن باعاسىنىڭ كۇرت قىمباتتاۋىنىڭ باستى سەبەبى.

مۇنان سىرت، ماقالادا ايتىلۋىنشا، ءار ەلدىڭ ورتالىق بانكەلەرىنىڭ التىندى ۇزدىكسىز ساتىپ الۋى، سونداي – اق، التىن ايىرباسى بيرجاسىنداعى ايىرباس قورىنا (ETF) قارجىنىڭ اعىلۋى دا التىن باعاسىن جوعارىلاتۋعا سەبەپ بولعان. بلۋمبەرگ اگەنتتىگى جيناقتاعان ساندى مالىمەتكە قاراعاندا، التىننىڭ قولداۋىنا يە بولعان ETF قورىنا بەس اپتا بويى قاراجات اعىلعان.

كەلۋ قاينارى: حالىق تورابى