مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسى قىزمەت گرۋپپاسىن جىبەرىپ، كوپ جەردىڭ كەن بايلىعىن ۇرلاپ اشۋعا سوققى بەرۋ، جونگە سالۋ قىزمەتىن اشىق، جاسىرىن تەكسەردى

شينحۋا اگەنتتىگىنىڭ 12 ـ ايدىڭ 22 ـ كۇنى بەيجيڭنەن بەرگەن حابارى. ءتىلشىنىڭ مەملەكەتتىك كەن حاۋىپسىزدىگىن باقىلاۋ ـ باسقارۋ مەكەمەسىنەن ۇعىسۋىنشا، مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسىنىڭ ءبىرتۇتاس ورنالاستىرۋى بويىنشا، مەملەكەتتىك كەن حاۋىپسىزدىگىن باقىلاۋ ـ باسقارۋ مەكەمەسى، قوعام حاۋىپسىزدىگى مينيسترلىگى، جاراتىلىستىق بايلىق مينيسترلىگى، ەكولوگيالىق ورتا مينيسترلىگى، بازاردى باقىلاۋ ـ باسقارۋ باس مەكەمەسى، مەملەكەتتىك ەنەرگيا مەكەمەسى قاتارلى تاراۋلار باستاعان 6 ارناۋلى قىزمەت گرۋپپاسى تاياۋدا ەكى توپقا ءبولىنىپ، بۇكىل ەلدەگى 12 ءتۇيىندى رايونعا بارىپ، جاراقسىز كەن ۇڭگىرلەرىن تەكسەرىپ، پەشەتتەپ، كەن بايلىعىن ۇرلاپ قازۋ ارەكەتىنە قاتاڭ سوققى بەرىپ، اشىق، جاسىرىن تەكسەرۋ قىزمەتىن ورىستەتتى. قازىرگە دەيىن گۋاڭشي، حۋبەي، گۇيجوۋ، لياۋنيڭ، حىنان، حۋنان، فۋجيان قاتارلى جەرلەرگە اشىق، جاسىرىن تەكسەرۋ جۇرگىزىلدى.

وسى رەتكى اشىق، جاسىرىن تەكسەرۋدىڭ ءتۇيىنى ”جاپپاي تەكسەرىلدى مە، جوق پا، پەشەتتەۋدىڭ ءونىمى بولدى ما، جوق پا، سوققى بەرۋ پارمەندى بولدى ما، جوق پا، مەحانيزم كەمەلدى مە، جوق پا“ دەگەن ماسەلە توڭىرەگىندە ورىستەتىلىپ، قاراستى جەردىڭ جاۋاپكەرشىلىگىن ناقتىلاندىرۋدى ىلگەرىلەتىپ، ”ءبىر رەت“ ۇرلاپ قازۋدىڭ تۇتاس تىزبەكتى جاۋاپكەرشىلىگىن جاپپاي قاتايتتى.

قازىرگە دەيىن، بۇكىل ەل بويىنشا ءتۇرلى جاراقسىز كەن ۇڭگىرلەرىنەن جيىنى 96 مىڭ 666 سى تەكسەرىلىپ انىقتالىپ، تۇتاس تۇلعالىق بەكىتۋ مولشەرى % 92.72 كە جەتتى. وڭاۋ قىزمەتى ورىستەتىلگەننەن بەرى، جاراتىلىستىق بايلىق، قوعام حاۋىپسىزدىگى قاتارلى قاتىستى تاراۋلار كەن بايلىعىن ۇرلاپ اشۋ ارەكەتىنەن 568 ىن تەكسەرىپ ءبىر جاقتى ەتتى، 338 ادامعا اكىمشىلىك جازا بەردى، 102 دەلونى ءادىليا ورگاندارىنىڭ ءبىر جاقتى ەتۋىنە تاپسىردى، 403 ادامعا قىلمىستىق ىستەر جازاسىن بەردى. جەر - جەر تاعى دا مىندەتىن اتقارۋدا دارمەنسىزدىك ىستەگەن قاراستى جەردەگى ۇكىمەتتىڭ نەگىزگى جاۋاپتىلارىن جانە باقىلاۋ - باسقارۋ قىزمەتكەرلەرىن 31 ادام - رەت شاقىرىپ سويلەسىپ، 29 ادام – رەت پارتيا مەن ۇكىمەتتىڭ ءتارتىپ جازاسىن بەردى.

كەلەسى قادامدا مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسى اشىق، جاسىرىن تەكسەرۋ جۇرگىزۋدى ۇزدىكسىز ۇيىمداستىرىپ، جەر ـ جەردىڭ جاۋاپكەرشىلىكتى اناعۇرلىم ناقتىلاندىرۋىن ىلگەرىلەتىپ، كەن بايلىعىن قورعايدى جانە ءوندىرىس حاۋىپسىزدىگى قورعانىس شەبىن شىنايى بەكەمدەيدى.

كەلۋ قاينارى: حالىق تورابى