كەشە كەشتەن باستاپ ماي باعاسى ارزاندادى

مەملەكەتتىك دامۋ جانە رەفورما كوميتەتى تورابىنىڭ حابارىنا قاراعاندا، تاياۋ مەزگىلدەگى حالىقارالىق بازارداعى ماي باعاسىنىڭ تولقۋ اينالىمىنا نەگىزدەلگەندە، 12 – ايدىڭ 22 - كۇنى الدىڭعى 10 قىزمەت كۇنىندەگى ورتاشا باعا مەن الدىڭعى رەتكى باعا رەتتەۋدەن بۇرىنعى 10 قىزمەت كۇنىندەگى ورتاشا باعانىڭ سالىستىرما جاعدايىنا نەگىزدەلگەندە، قازىر اتقارىلىپ وتىرعان وڭدەلگەن جانار مايدىڭ باعا مەحانيزمى بويىنشا، 12 – ايدىڭ 22 - كۇنى ساعات 24 تەن باستاپ ەل ىشىندەگى بەنزين مەن سالەركانىڭ باعاسى (ولشەمدى ماي، تومەندە دە وسىلاي) ءار تونناسى جەكە - جەكە 170 يۋان جانە 165 يۋان ارزانداعان. وسى بويىنشا ەسەپتەگەندە، ءبىر ماي باگىن تولتىرا 50 ليتر 92 – ءنومىرلى بەنزين قۇيعاندا 6.5 يۋان اينالاسىندا از جۇمساۋعا بولادى.

وسىدان بۇرىن بيىل ەل ىشىندەگى ماي باعاسى 24 رەت رەتتەلىپ، جەكە – جەكە ”7 رەت جوعارىلادى، 11 رەت تومەندەدى، 6 رەت قالپىن ساقتادى“. ”10 قىزمەت كۇنى“ پرينسيبى بويىنشا، كەلەسى كەزەكتى رەتتەۋ ۋاقىتى 2026 – جىلى 1 – ايدىڭ 6 - كۇنى ساعات 24 بولادى.

الداعى بازارعا كوز جىبەرسەك، كاسىپتىك قايراتكەرلەر بىلاي دەدى: ” +OPEC “ دىڭ ءونىمدى ارتتىرۋدى ۋاقىتشا توقتاتۋىنا جانە وڭىرلىك ورنىقسىزدىققا بايلانىستى، روجدەستۆو مەرەكەسىندە مۇناي ىستەتۋ قاجەتى جوعارىلايدى، مەجەمەن كەلەسى كەزەكتى وڭدەلگەن جانار مايدىڭ باعاسىنىڭ جوعارىلاۋ ىقتيمالدىعى ءبىرشاما زور.

كەلۋ قاينارى: حالىق تورابى