جۇڭگو مەملەكەتتىك كەڭەسىنىڭ بايانداماسى: جاڭاشا شىرىكتەسۋ مەن كومەسكى شىرىكتەسۋدى جىلدىق باقىلاۋ تۇيىنىنە ەنگىزدى

جۇڭگو اقپارات اگەنتتىگىنىڭ 12 – ايدىڭ 22 – كۇنى بەيجيڭنەن بەرگەن حابارى. «مەملەكەتتىك كەڭەستىڭ 2024 ـ جىلعى ورتالىق مەجە ەسەبىنىڭ اتقارىلۋى مەن باسقا دا قازىنالىق كىرىس ـ شىعىستى قازىنالىق باقىلاۋدا بايقالعان ماسەلەلەردى رەتتەۋ ـ تۇزەتۋ احۋالى جونىندەگى بايانداماسى» 12 – ايدىڭ 22 - كۇنى 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنىلدى. باياندامادا مىنالار اتاپ كورسەتىلدى: جۇڭگو مەملەكەتتىك فينانستى باقىلاۋ - باسقارۋ باس مەكەمەسى ”كولەڭكە جارناگەر“، ۇكىمەت پەن ساۋدانىڭ ”اينالمالى ەسىگى“ قاتارلى جاڭاشا شىرىكتەسۋ مەن كومەسكى شىرىكتەسۋدى جىلدىق باقىلاۋ تۇيىنىنە ەنگىزدى.

بايانداماعا نەگىزدەلگەندە، 2025 – جىلى 9 – ايدىڭ ايعا دەيىن، «مەملەكەتتىك كەڭەستىڭ 2024 – جىلعى ورتالىق مەجە ەسەبىنىڭ اتقارىلۋى جانە باسقا دا قازىنالىق كىرىس – شىعىس جونىندەگى قازىنالىق باقىلاۋ قىزمەت بايانداماسىندا» تاباندا اتقارىپ، تاباندا تۇزەتۋ تالاپ ەتىلگەن 2186 ماسەلەنىڭ %98 ى تۇزەتىلىپ بولدى؛ ساتىعا ءبولىپ تۇزەتۋ تالاپ ەتىلگەن 1299 ماسەلەنىڭ، جالعاستى تۇزەتۋ تالاپ ەتىلگەن 753 ماسەلەنىڭ ۋاقىت كەستەسى مەن جول كارتاسىن جاسادى. قاتىستى جەرلەر، تاراۋلار جانە ورىندار تۇزەتكەن ماسەلە سوماسى ءبىر تريلليون 40 ميلليارد يۋان حالىق اقشاسى بولىپ، 1090 نەشە ءتۇرلى ءتۇزىمدى بەلگىلەپ جانە كەمەلدەندىرىپ، 3420 نەشە ادامدى ءبىر جاقتى ەتتى. كەلەلى ماسەلەلەردى رەتتەۋ ـ تۇزەتۋ جالپى تۇلعالىق جاقتان ءساتتى ىلگەرىلەپ، ەكونوميكانىڭ جوعارى ساپالى دامۋىنا ءتيىمسىز ءتۇزىلىس ـ مەحانيزم ماسەلەلەرى شەشىلدى.

باياندامادا قازىنالىق باقىلاۋدا بايقالعان ماسەلەلەردى رەتتەۋ ـ تۇزەتۋ جاعدايى مەن قازىنالىق باقىلاۋ ۇسىنىسىنىڭ تياناقتانۋ جاعدايى جونىندە ناقتى حابارلاندىرۋ جاسالدى. حالىق تۇرمىسى سالاسىنداعى كەيبىر بىلىقپالىقتاردىڭ بۇقارانىڭ باقىت سەزىمىنە، تابىس سەزىمىنە ىقپال جاساۋ ماسەلەسىنە قاراتا، باياندامادا بىلاي دەلىندى: ادام كۇشى بايلىعى جانە قوعامدىق قامتاماسىزداندىرۋ مينيسترلىگى ج ك پ 19 ـ قۇرىلتايىنان بەرگى قازىنالىق باقىلاۋدا تەكسەرىپ انىقتالعان ءتۇيىندى دەلولاردى ماڭدايشالىق اسىپ قۋزاپ، قوعامدىق قامسىزداندىرۋ قورىن الداپ الۋدى جونگە سالۋدى ۇزدىكسىز ورىستەتىپ، قوعامدىق قامسىزداندىرۋ قورىن باقىلاۋ ەرەجەسىن جاساۋ قىزمەتىن ىلگەرىلەتتى. دەنساۋلىق ساقتاۋ جانە سالاماتتىق، بازاردى باقىلاۋ ـ باسقارۋ قاتارلى تاراۋلار ەمدەۋ، ءدارى ـ دارمەك سالاسىنداعى شىرىكتەسۋ مەن بۇرىس ستيلدەردى شوعىرلى جونگە سالۋدى تەرەڭدەتتى.

جاڭاشا شىرىكتەسۋ مەن كومەسكى شىرىكتەسۋدىڭ ءتۇرىن جاڭالاۋى ماسەلەسى جونىندە باياندامادا بىلاي دەپ اتاپ كورسەتىلدى: مەملەكەتتىك فينانستى باقىلاۋ - باسقارۋ باس مەكەمەسى ”كولەڭكە جارناگەر“، ۇكىمەت پەن ساۋدانىڭ ”اينالمالى ەسىگى“، سونداي - اق تەكسەرىپ بەكىتۋ ۇقىعى، تەكسەرۋ ۇقىعى، جازا بەرۋ ۇقىعىنان پايدالانىپ ۇقىعىن مايعا بەرۋ قاتارلى جاڭاشا شىرىكتەسۋ مەن كومەسكى شىرىكتەسۋدى جىلدىق باقىلاۋ تۇيىنىنە ەنگىزدى. جۇڭگو اكتسيانى باقىلاۋ ـ باسقارۋ كوميتەتى قىزمەتتەن بوساعانداردىڭ كاسىپپەن شۇعىلدانۋ جاعدايىن مەرزىم بويىنشا ىزىنە ءتۇسىپ، ماڭىزدى الەۋمەتتىك ۇقىقتىڭ پاكتىك حاۋىپ ـ قاتەرىن تەكسەردى.

باياندامادا بىلاي دەلىندى: كەلەسى قادامدا قازىنالىق باقىلاۋ مەكەمەسى ىزىنە ءتۇسىپ قۋزاۋ ـ تەكسەرۋدى ۇزدىكسىز كۇشەيتىپ، رەتتەۋ ـ تۇزەتۋدىڭ ەرەجەگە ۇيلەسۋىن، تىڭعىلىقتى، ءونىمدى بولۋىن ىلگەرىلەتىپ، رەتتەۋ ـ تۇزەتۋ ونىمدىلىگىن جونگە سالۋ ونىمدىلىگىنە اينالدىرادى.

كەلۋ قاينارى: حالىق تورابى