ورتالىق اسكەري ىستەر كوميتەتى شاڭجياڭ اسكەري شەنىنە ءوسىرۋ سالتىن وتكىزدى

12 - ايدىڭ 22 - كۇنى ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى بەيجيڭدەگى 1 - تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شەن ءوسىرۋ سالتىنا قاتىناستى. سۋرەتتە: شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن وفيتسەرلەرمەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 12 - ايدىڭ 22 - كۇنى، بەيجيڭ (ءتىلشى مەي چاڭۋەي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 12 - ايدىڭ 22 - كۇنى بەيجيڭدەگى 1 - تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شەن ءوسىرۋ سالتىنا قاتىناستى.

تۇستەن بۇرىن ساعات 10 نان 30 مينۋت وتكەندە شەن بەرۋ سالتى ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى. ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە ءوسىرۋ بۇيرىعىن وقىدى. ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ شىڭمين شەن ءوسىرۋ سالتىن باسقاردى.

شي جينپيڭ شاڭجياڭ اسكەري شەنىنە وسىرىلگەن شىعىس بولىك سوعىس رايونىنىڭ سىليڭيۋانى ياڭ جىبينگە، ورتا بولىك سوعىس رايونىنىڭ سىليڭيۋانى حان شىڭيانعا بۇيرىق كۋالىگىن بەرىپ، ولاردى قۇتتىقتادى. شاڭجياڭ اسكەري شەنىن تاققان 2 وفيتسەر شي جينپيڭگە قۇرمەت ءبىلدىردى، سالتقا قاتىناسقان بارلىق جولداسقا قۇرمەت ءبىلدىردى، بۇكىل زالدان دۋ قول شاپالاق ءۇنى كوتەرىلدى.

شەن ءوسىرۋ سالتى اسقاق جۇڭگو حالىق ازاتتىق ارمياسىنىڭ ارميا انىمەن اياقتادى. وسىدان كەيىن شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن وفيتسەرلەرمەن توپتىق سۋرەتكە ءتۇستى.

ورتالىق اسكەري ىستەر كوميتەتىنىڭ مۇشەسى ليۋ جىنلي، اسكەري ىستەر كوميتەتى ورگانىنىڭ ءارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار قاتارلىلار شەن ءوسىرۋ سالتىنا قاتىناستى.