جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى «2026 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى

شينحۋا اگەنتتىگى، 12 - ايدىڭ 22 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى تاياۋدا «2026 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى. تولىق مازمۇنى تومەندەگىدەي:

2026 - جىل _ ”15 - بەسجىلدىق“ جوبانىڭ باستالاتىن جىلى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ 20 - قۇرىلتايى مەن پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، جاڭا جىل، كوكتەم مەرەكەسى كەزىندەگى ءتۇرلى قىزمەتتەردى ءبىر تۇتاس ويداعىداي ىستەپ، حالىق بۇقاراسىنىڭ مەرەكەنى شات - شادىمان، تىنىش وتكىزۋىنە كەپىلدىك ەتۋى كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن، قاتىستى ىستەردى تومەندەگىدەي ۇقتىرامىز.

ءبىرىنشى، قيىنشىلىعى بار بۇقارانىڭ ءوندىرىس، تۇرمىسىنا كوڭىل ءبولۋ كەرەك. ءار دارەجەلى پارتكومدار مەن ۇكىمەتتەر قۇتقارۋ، كومەكتەسۋ، سۇيەمەلدەۋ، ارالاپ حال سۇراۋ قىزمەتىن مۇقيات جاقسى ىستەپ، بۇقارا ءۇشىن شىنايى ناقتى ىستەر ىستەپ، قيىنشىلىقتارىن شەشۋى كەرەك. بەلگىلەمە بويىنشا كومەك قاراجاتىن دەر كەزىندە تولىق تاراتۋ كەرەك، شارت - جاعدايى بار جەرلەردىڭ كومەك قاراجاتىن الدىن الا تاراتۋىنا نەمەسە ءبىر رەتتىك تۇرمىستىق قوسىمشا قاراجاتتى ارتتىرۋىنا بولادى. ۋاقىتتىق قۇتقارۋ تەبىنىن ارتتىرىپ، تۇتقيىل تۋىلعان ىستەردەن، شۇعىل جاعدايدان قيىنشىلىققا تاپ بولعان بۇقارانىڭ نەگىزگى تۇرمىسىن دەر كەزىندە قامتاماسىزداندىرىپ، اپاتقا ۇشىراعاندارعا قاراتىلعان قىس پەن كوكتەمدەگى كومەكتەسۋ قىزمەتىن ويداعىداي ىستەۋ كەرەك. ەرەكشە قيىنشىلىعى بار قارتتار، مۇگەدەكتەر، قيىنشىلىق قىسپاعىندا قالعان بالالار قاتارلى قاۋىمنان حال سۇراۋدى جانە قامقورلىق جاساۋدى، كومەكتەسۋدى كۇشەيتۋ كەرەك. ”قاقاعان ايازدا مەيىر باعىشتاۋ“ ارناۋلى قۇتقارۋ ارەكەتىن ورىستەتۋ كەرەك. ەڭبەكاقىعا قارىزدار بولۋدى جونگە سالۋ قىسقى قيمىلىن ورىستەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋ سىندى زاڭعا قايشى ارەكەتتەرگە زاڭ بويىنشا سوققى بەرۋ كەرەك. كاسىپورىندارعا كومەكتەسۋ، سۇيەمەلدەۋ ساياساتىن تياناقتاندىرىپ، قارىز اقشانى كەشەۋىلدەتۋ ماسەلەسىن شەشۋ كەرەك. جۇمىستانۋى قىيىن بولعانداردىڭ جۇمىستانۋىنا كومەك بەرۋ كەرەك. يكەمدى جۇمىستانۋشىلار مەن جاڭا جۇمىستانعان قاۋىمنىڭ ەڭبەك ۇقىق - مۇددەسىن قامتاماسىزداندىرۋدى كۇشەيتۋ كەرەك. نەگىزگى ساتىداعى كادرلارعا، جۇمىسشى - قىزمەتكەرلەرگە، اسىرەسە، شارت - جاعدايى جاپالى وڭىرلەردە جانە شۇعىل، قيىن، قاتەرلى، اۋىر مىندەتتەردىڭ ءبىرىنشى شەبىندە قىزمەت ىستەپ جاتقان قىزمەتكەرلەرگە كوڭىل ءبولۋ، قامقورلىق جاساۋ كەرەك. تۇرمىسىندا قيىنشىلىعى بار پارتيا مۇشەلەرىنەن، ساقا پارتيا مۇشەلەرىنەن جانە ساقا كادرلاردان، قىزىل ارميانىڭ ساقا جاۋىنگەرلەرىنەن، جاپون شاپقىنشىلارىنا قارسى سوعىستاعى ساقا جاۋىنگەرلەرىنەن، ەرىكتىلەر ارمياسىنداعى ساقا جاۋىنگەرلەردەن، ارميادان بوساعان ساقا اسكەريلەردەن، ارميادان دەمالىسقا، زەينەتكە شىققان كادرلاردان، مۇگەدەك اسكەريلەردەن، قۇرباندار مەن اسكەريلەردىڭ وتباسىنداعىلاردان ىشكەرىلەي حال سۇراۋ كەرەك.

ەكىنشى، بازار قامداۋىنىڭ ورنىقتى، ءتارتىپتى بولۋىنا كەپىلدىك ەتۋ كەرەك. كومىر، ەلەكتر، مۇناي، تابيعي گاز ءوندىرىسىن، تاسىمالىن قامتاماسىز ەتۋدى بار كۇشپەن ويداعىداي ىستەپ، حالىق تۇرمىسىنا پايدالانىلاتىن ەنەرگيامەن قامداۋعا، باعانى ورنىقتىرۋعا كەپىلدىك ەتىپ، بۇقارانىڭ قىستان قىسىلماي وتۋىنە كەپىلدىك ەتۋ كەرەك. استىق حاۋىپسىزدىگىنە پارتكوم مەن ۇكىمەت بىردەي جاۋاپتى بولۋ جانە ”كوجە قاتىققا“ قالا باستىعى جاۋاپتى بولۋ ءتۇزىمىن تياناقتاندىرىپ، بازاردى باقىلاۋ - تەكسەرۋدى، ساقتاندىرۋدى كۇشەيتىپ، قاتىناس، زات اينالىمىنىڭ ىركىلىسسىزدىگىنە كەپىلدىك ەتۋ قىزمەت مەحانيزمىنىڭ رولىن ساۋلەلەندىرىپ، استىق، ماي، ەت، جۇمىرتقا، ءسۇت، جەمىس - جيدەك، كوكونىس سياقتى تۇرمىستىق قاجەتتى بۇيىمدارمەن قامداۋدىڭ جەتكىلىكتى، باعانىڭ ورنىقتى بولۋىن قامتاماسىز ەتۋ كەرەك. ساپالى تاۋارلارمەن جانە قىزمەت وتەۋمەن قامداۋدى كەڭەيتىپ، كوپ نەگىزدى تۇتىنۋ ورتاسىندا جاڭالىق اشىپ، دەمالىس كەزىندەگى تۇتىنۋدىڭ كومەسكى كۇشىن تاسقىنداتۋ كەرەك. اس - سۋ قىزمەت وتەۋىندەگى ازىق - تۇلىك حاۋىپسىزدىگىن جانە بازاردا ساتىلاتىن ازىقتىق اۋىل شارۋاشىلىق ونىمدەرىنىڭ ساپا حاۋىپسىزدىگىن باقىلاۋ - باسقارۋدى كۇشەيتىپ، اس - سۋ حاۋىپسىزدىگىن بەرىك ساقتاۋ كەرەك. اس - سۋ، جاتىن ورىن، مەرەكەلىك بۇيىمدار سياقتى حالىق تۇرمىسىنداعى ءتۇيىندى سالالارداعى باعا، اقى الۋدى باقىلاۋ - باسقارۋ تەبىنىن ارتتىرىپ، باعانى دۇرمەكپەن ءوسىرۋ، باعا الدامشىلىعى سياقتى زاڭعا قايشى ارەكەتتەرگە قاتاڭ سوققى بەرۋ كەرەك. توراپ ساۋداسىن باقىلاۋ - باسقارۋدى كۇشەيتىپ، ساتۋدى جەبەۋ ارەكەتىن ارناعا ءتۇسىرۋ كەرەك. ارىز - شاعىم، اشكەرەلەۋ ارناسىن ىركىلىسسىزدەندىرىپ، تۇتىنۋشىلاردىڭ ارىز - ارمانىن دەر كەزىندە قابىلداۋ، ءبىر جاقتى ەتۋ كەرەك.

ءۇشىنشى، بۇقارانىڭ رۋحاني مادەنيەت تۇرمىسىن بايىتۋ كەرەك. ”كوكتەم مەرەكەسىندە نەگىزگى ساتىعا بارۋ“ تاقىرىبىنداعى تىلشىلىك قيمىلىن ورىستەتىپ، ءداۋىردىڭ كۇشتى ءۇنىن اسقاقتاتا شىرقاپ، ەكپىندەي ىلگەرىلەۋدىڭ كۇش - قۋاتىن تاسقىنداتۋ كەرەك. كوكتەم مەرەكەسى بىرلەسكەن ساۋىق كەشى سياقتى ادەبيەت - كوركەمونەر ويىن - ساۋىق قيمىلدارىن ويداعىداي وتكىزىپ، ”كوكتەم مەرەكەسىن شات - شادىمان وتكىزۋ“ نەگىزگى تاقىرىبىنداعى قيمىل، ”بەيزاتتىق مادەنيەت مۇرالارمەن كوكتەم مەرەكەسىن قۇتتىقتاۋ . جۇڭگو جىلىن سەزىنۋ“ تاقىرىبىندا نەگىزگى تاقىرىپتىق جالپىلاستىرۋ قيمىلىن ورىستەتۋ كەرەك. ”ءبىزدىڭ جۇڭگو ارمانىمىز − مادەنيەتتى سان مىڭداعان وتباسىنا جەتكىزۋ“، مادەنيەت، عىلىم - تەحنيكا، دەنساۋلىق ساقتاۋ بويىنشا ”ءۇشتى اۋىل - قىستاققا جەتكىزۋ“ سياقتى قيمىلداردى ورىستەتىپ، نەگىزگى ساتىنى ساپالى مادەنيەت ونىمدەرىمەن قامداۋ كەرەك. ارميا مەن حالىق بىرگە قۇرۋ قيمىلىن ورىستەتۋ كەرەك. ساياحات ونىمدەرىن بايىتىپ، ساياحات ساپاسى مەن ساياحات كەشىرمەلەرىن جوعارىلاتىپ، تۇتىنۋ ارقىلى حالىققا تيىمدىلىك جاساۋ شارالارىن العا قويۋ كەرەك. تاراۋلار ارا زاڭ اتقارۋ سەلبەستىگىن كۇشەيتىپ، مادەنيەت پەن ساياحات ءتارتىبىن قورعاۋ كەرەك.

ءتورتىنشى، بۇقارانىڭ حاۋىپسىز، قولايلى ءجۇرىس - تۇرىسىنا كەپىلدىك ەتۋ كەرەك. جولاۋشىلار اعىنىن يكەمدى تۇجىرىمداۋدى كۇشەيتىپ، ءتۇيىندى وڭىرلەردەگى، ءتۇيىندى جەلىلەردەگى، قاۋىرت مەزگىلدەردەگى تاسىمال قۋاتىمەن قامداۋدى كۇشەيتىپ، كوكتەم مەرەكەسى كەزىندەگى تاسىمال قىزمەتىن ءبىر تۇتاس ويداعىداي ىستەپ، بۇقارانىڭ ءجۇرىس - تۇرىس قاجەتىن مۇمكىندىكتىڭ بارىنشا قاناعاتتاندىرۋ كەرەك. ماڭىزدى مەرەكە، دەمالىس كۇندەرى شاعىن تۇرپاتتى جولاۋشىلار اۆتوموبيلىنەن قاتىناۋ اقىسىن الماۋ ساياساتىن ويداعىداي تياناقتاندىرىپ، بوگەلگەن جولدى اشىپ ىركىلىسسىزدەندىرۋدى كۇشەيتىپ، زاريادتاۋ، ماي قۇيۋ، تاماقتانۋ، دارەتحانا سياقتى قىزمەت وتەۋ ساپاسىن جوعارىلاتۋ كەرەك. جۇمىس ىستەۋشىلەر، وقۋشىلار، ساياحاتشىلار سياقتى ءتۇيىندى جولاۋشىلار اعىنىنىڭ ءجۇرىس - تۇرىسىن قامتاماسىز ەتۋدى كۇشەيتىپ، اسكەريلەر، قازىر اسكەرلىك مىندەت وتەپ جاتقاندار جانە اسكەرلىك مىندەتتەن شەگىنگەن مۇگەدەك اسكەريلەر، ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قىزمەتكەرلەرى، قۇربانداردىڭ تۋىس - تۋعاندارى قاتارلى ءتۇيىندى قاۋىمنىڭ ءجۇرىس - تۇرىسىنا زاڭ بويىنشا الدىمەن قامقورلىق جاساۋ ساياساتىن قاتاڭ تياناقتاندىرۋ كەرەك. شۇعىل جاعدايعا توتەپ بەرۋ جوباسىن ساپالىلاندىرىپ، كەمەلدەندىرىپ، ناشار اۋا رايى، جولاۋشىلاردىڭ بوگەلۋى، قاتەرلى شىرعالاڭ سياقتى توسىن جاعدايلارعا ءونىمدى توتەپ بەرۋ كەرەك. جوعارى قارقىندى تاس جول، كوپىر، تۋنەل سياقتى نەگىزدىك قۇرىلعىلاردىڭ حاۋىپ - قاتەرىن، كومەسكى قاتەرىن ءبىر - بىرلەپ تەكسەرۋدى ىشكەرىلەي ورىستەتىپ، اراق ءىشىپ ماس بولىپ كولىك جۇرگىزۋ، ”ءۇشتى اسىرۋ، شارشاپ - شالدىعىپ كولىك جۇرگىزۋ“، زاڭسىز تيجاراتپەن شۇعىلدانۋ، اۋىل - قىستاقتا ”ەكىگە قايشىلىق جاساۋ“ سياقتى ارەكەتتەرگە قاتاڭ سوققى بەرىپ، ءجۇرىس - تۇرىستىڭ حاۋىپسىزدىگىنە كەپىلدىك ەتۋ كەرەك.

بەسىنشى، ءوندىرىس حاۋىپسىزدىگى جاۋاپكەرشىلىگىن تياناقتاندىرۋدى مىقتى يگەرۋ كەرەك. ءوندىرىس حاۋىپسىزدىگى جاۋاپكەرشىلىگىن قاتايتىپ، ناقتىلاندىرىپ، ءتۇرلى باقىلاۋ - باسقارۋ تۇزىمدەرىن قاتاڭ تياناقتاندىرىپ، جاۋاپكەرشىلىكتىڭ تياناقتانباۋى، حاۋىپسىزدىكتى تەكسەرۋدە فورماشىلدىققا سالىنۋ، رەتتەۋ - تۇزەتۋ، جونگە سالۋدا كوزدى كولەگەيلەۋ سياقتى قۇبىلىستاردى دەر كەزىندە تۇزەتىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. كونە تۇرعىن ءۇي، ءزاۋلىم عيمارات، مەكتەپ سىرتىنداعى تاربيەلەۋ، ءوتىمدى كورىنىس تۇيىندەرى، ساۋدا سارايى، بازار، قوناق ءۇي، حالىقتىق تۇسەلحانا، اسحانا، قارتتاردى كۇتىمگە الۋ قۇرىلىمى، قامبا سياقتى ءتۇيىندى ورىندارداعى ءورت اپاتىنىڭ كومەسكى قاتەرىن تەكسەرۋ، جونگە سالۋدى كۇشەيتۋ كەرەك. تورسىلداق، كەن، جانار گاز، قۇرىلىس جۇرگىزۋ، حيميا ونەركاسىپ ءوندىرىسى، بالىق شارۋاشىلىعى كەمەلەرى سياقتى سالالارداعى حاۋىپ - قاتەر كومەسكى قاتەرىن تەكسەرۋ، جونگە سالۋدى ىشكەرىلەي جۇرگىزۋ كەرەك. ساياحاتقا ساياتىن قۇرىلعى - جابدىقتاردى تەكسەرۋدى، قورعاۋدى ويداعىداي ىستەپ، جولاۋشى تاسىمال اسپالى جولى، ءىرى تۇرپاتتى ويىن - ساۋىق قۇرىلعىلارى، جاڭادان گۇلدەنگەن حاۋىپ - قاتەرى جوعارى ويىن - ساۋىق نىساندارى سياقتىلاردىڭ حاۋىپسىزدىگىن باسقارۋدى كۇشەيتۋ كەرەك. كورمە، كورمەگە قويىپ ساتۋ، ادەبيەت - كوركەمونەر ويىندارى، بۇتحانا جارمەنكەسى، شىراق ساۋىعى، ساليوت ساۋىق كەشى، شىراق سالتاناتى سياقتى كولەمدى بۇقارالىق قيمىلداردىڭ حاۋىپ - قاتەرىن باعالاۋ جانە حاۋىپسىزدىكتى باسقارۋ - مەڭگەرۋدى كۇشەيتۋ كەرەك. تومەن تەمپەراتۋرالى جاڭبىر، قار، مۇز جانە سەڭ اپاتىن، ورمان، جايلىم ءورت اپاتىن باقىلاۋ، ساقتاندىرۋ، حاۋىپ - قاتەردى ەسكەرتۋ جانە شۇعىل ءبىر جاقتى ەتۋدى كۇشەيتۋ كەرەك. حاۋىپسىزدىك ۇگىت - تاربيەسىن كەڭىنەن ورىستەتىپ، بۇقارانىڭ حاۋىپسىزدىك ساقتىق تانىمى مەن حاۋىپ - قاتەردەن ساقتانۋ، ءوزىن - ءوزى قۇتقارۋ ونەرىن جوعارىلاتۋ كەرەك. ءتۇيىندى جۇقپالى اۋرۋلاردى باقىلاۋ - تەكسەرۋدى، تىزگىندەۋدى كۇشەيتىپ، جۇقپالى اۋرۋلاردى ەمدەۋ قىزمەتىن ويداعىداي ىستەۋ كەرەك.

التىنشى، قوعامدىق جالپى جاعدايدىڭ ورنىقتىلىعىن بار كۇشپەن قورعاۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ءتۇرلى قايشىلىقتار مەن داۋ - شارلارعا جانە حاۋىپ - قاتەرلەرگە، كومەسكى قاتەرلەرگە تور جايۋ فورماسىندا ءبىر - بىرلەپ تەكسەرۋ جۇرگىزىپ، باسشى كادرلاردىڭ تومەنگە بارىپ ارىز - ارمان قابىلداۋ تەبىنىن ارتتىرىپ، جان - جاقتى جونگە سالۋ ورتالىعىنىڭ رولىن تولىق ساۋلەلەندىرىپ، ءتۇرلى ورنىقسىزدىق فاكتورلارىن وركەن كۇيىندە شەشۋگە، نەگىزگى ساتىنىڭ ءبىرىنشى شەبىندە شەشۋگە قۇلشىنۋ كەرەك. ”ۇرلىق، توناۋشىلىق، الدامشىلىق“، ”سارى الاپات، قۇمار ويناۋ، ەسىرتكى تۇتىنۋ“، ”ازىق - تۇلىك، ءدارى - دارمەك شىرعاسى“ سياقتى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرۋ كەرەك. اماندىق ساقتاۋ كومەسكى قاتەرى مەن قالتارىس تۇيىندەرىن جاپپاي ءبىر - بىرلەپ تەكسەرىپ، دۋماندى ساۋدا شەڭبەرى، ساياحات كورىنىس رايونى، الەۋمەتتىك قاتىناس مەتروسى، پويەز بەكەتى، اۋەجاي، مەكتەپ شيپاحاناسى، باقشا الاڭى سياقتى ادامدار شوعىرلانعان ورىنداردىڭ حاۋىپسىزدىك ساقتىعىن كۇشەيتىپ، قارۋ - جاراق، وق - ءدارى، قاتەرلى جارىلعىش زاتتار، شەكتەلگەن پىشاق سياقتى ءتۇيىندى زاتتاردىڭ حاۋىپسىزدىگىن باسقارۋدى كۇشەيتۋ كەرەك. قوعامدىق شارلاۋدى، قورعانۋدى باسقارۋ - مەڭگەرۋدى كۇشەيتىپ، قوعام حاۋىپسىزدىگى، قارۋلى ساقشى بولىمدەرىنىڭ بىرلەسىپ شارلاۋ جۇرگىزۋىن تياناقتاندىرىپ، توسىن وقيعالارعا توتەپ بەرۋ، ءبىر جاقتى ەتۋ جوباسىن كەمەلدەندىرىپ، زورلىقتى كۇش، لاڭكەستىك شابۋىلدارىنىڭ تۋىلۋىنان، ۇشقارى وقيعالاردىڭ تۋىلۋىنان قاتاڭ ساقتانۋ كەرەك. قوعامدىق پىكىرگە قاداعالاي نازار اۋدارىپ، حاۋىپ - قاتەرگە تۇجىرىم جاساۋ جانە توتەپ بەرۋ، ءبىر جاقتى ەتۋ قىزمەتىن بەلسەندى، ورنىقتى ىستەۋ كەرەك.

جەتىنشى، ”ءتورت ءتۇرلى بۇرىس ستيلدى“ ۇزدىكسىز تۇزەتىپ، جاڭا سالت ورناتۋ كەرەك. جۇڭحۋا ۇلتىنىڭ تاڭداۋلى ءداستۇرىن ساۋلەلەندىرىپ، وتباسى تاربيەسىن، وتباسى سالتىن قاتايتىپ، ۇقىپتى، ۇنەمشىل بولۋدى دارىپتەپ، ەسكى سالت - سانانى وزگەرتۋدى ىلگەرىلەتىپ، قوماقتى قالىڭمال، ورىنسىز باسەكەلەسۋ، اسپا - توك اس بەرۋ سياقتى ناشار ادەتتەردى تەجەۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، مەرەكەلىك وتكەلدى قاداعالاپ، بەلگىلەمەگە قايشى ءىشىپ - جەۋ، بەلگىلەمەگە قايشى تارتۋ - تارالعى، اقشا قابىلداۋ، توي - تومالاق، ءولىم - ءجىتىم ىستەرىن بەلگىلەمەگە قايشى وتكىزىپ، ورايدان پايدالانىپ مال - مۇلىك جيناۋ سياقتى ماسەلەلەردى قاتاڭ تەكسەرىپ، شىرىكتەسۋدى بىرگە تەكسەرىپ، بىرگە جونگە سالۋدى تەرەڭدەتىپ، بۇرىس ستيلدەردىڭ قايتا ورشۋىنەن ساقتانۋ كەرەك. پارتيا، ۇكىمەت ورگاندارى تارتا تۇرمىس كەشىرۋ تالابىن قاتاڭ تياناقتاندىرىپ، استا - توك ىسىراپشىلدىقتان قاتاڭ ساقتانۋ كەرەك. دۇرىس ساياسي ناتيجە كوزقاراسىن بەرىك ورناتىپ جانە امالياتتا ايگىلەپ، تياناقتاندىرۋدى مىقتى يگەرە وتىرىپ قول ۇشىمەن توتەپ بەرۋ، ساندى مالىمەتتەرمەن كوز بوياۋشىلىق ىستەۋ، تەكسەرىپ وتكىزىپ الۋدا ات ءۇستى ىستەۋ سياقتى ماسەلەلەردى كۇش سالا تۇزەتۋ كەرەك. قۇجات، جيىنداردىڭ سانى كوپ، ونىمدىلىگى ناشار بولۋ، قىزمەتتى قورىتىندىلاۋ جانە ىلگەرىلەتۋ دەگەن اتپەن نەگىزگى ساتىعا بەتالدى مىندەت جىبەرۋ، ماتەريال الۋ، باقىلاۋ - تەكسەرۋ، باعالاۋ جانە تەكسەرۋ - زەرتتەۋ تىم كوپ، تىم ءجيى بولۋ سياقتى قۇبىلىستاردى باتىل جونگە سالىپ، نەگىزگى ساتىنىڭ اۋىرتپالىعىن اۋىرلاتۋدان ساقتانۋ كەرەك. پارتيا مۇشەلەرى، كادرلار پارتيانىڭ داڭقتى ءداستۇرى مەن تاڭداۋلى ستيلىن سانالى تۇردە ساۋلەلەندىرىپ، ەرەكشە ۇقىق يدەياسى مەن ەرەكشە ۇقىق قۇبىلىسىنا قارسى تۇرىپ، تاماشا پارتيا ستيلى ارقىلى قوعامدىق ستيلدى، حالىقتىق ستيلدى العا باسۋعا، ىزگىلىككە باستاۋى كەرەك.

سەگىزىنشى، كەزەكشىلىك، شۇعىل جاعدايعا توتەپ بەرۋ قىزمەتىن مۇقيات جاقسى ىستەۋ كەرەك. 24 ساعات ارناۋلى ادام كەزەكشىلىك ىستەۋ جانە باسشى كادرلار قىزمەت ورنىندا بانگە جەتەكشىلىك ەتۋ، سىرتقا شىعىپ تىزىمگە الدىرۋ سياقتى تۇزىمدەردى قاتاڭ اتقارىپ، باقىلاۋ - تەكسەرۋدى كۇشەيتىپ، جاۋاپكەرشىلىكتى ساتىلار بويىنشا ناقتىلاندىرۋ كەرەك. تومەنگى شەكتە ويلاۋ مەن حاۋىپ - قاتەر تانىمىن بەرىك ورناتىپ، كەزەكشىلىك كۇشتەرىن عىلمي ورنالاستىرىپ، شۇعىل جاعدايعا توتەپ بەرۋ جوباسى جاتتىعۋىن كۇشەيتىپ، ءتۇرلى توسىن وقيعالارعا شۇعىل توتەپ بەرۋ، ءبىر جاقتى ەتۋ دايىندىعىن ويداعىداي ىستەپ، توسىن وقيعالارعا جەدەل ءۇن قوسۋعا، ءونىمدى، ءتارتىپتى ءبىر جاقتى ەتۋگە كەپىلدىك ەتۋ كەرەك. بۇقاراعا تىكەلەي قىزمەت وتەيتىن ورىندار مەرەكە كەزىندە كەزەكشىلىك مىندەت وتەۋدى ۇيلەسىمدى ورنالاستىرىپ، قىزمەت وتەۋ ساپاسىنا كەپىلدىك ەتۋمەن بىرگە، فورماشىلدىق ماسەلەسىنىڭ تۋىلۋىنان ساقتانۋى كەرەك. نۇسقاۋ سۇراۋ، مالىمدەۋ ءتۇزىمىن قاتاڭ اتقارىپ، كەشىكتىرىپ مالىمدەۋگە، مالىمدەمەي قويۋعا، وتىرىك مالىمدەۋگە، جاسىرۋعا باتىل تيىم سالۋ كەرەك.

جەر - جەر، تاراۋلار ساياسي دەڭگەيدى جوعارىلاتىپ، ۇيىمدىق باسشىلىقتى كۇشەيتىپ، جاڭا جىل، كوكتەم مەرەكەسى كەزىندەگى ءتۇرلى قىزمەتتەردى مۇقيات ورنالاستىرىپ، تياناقتاندىرىپ، وسى ۇقتىرۋدىڭ رۋحىنىڭ ناقتى تياناقتانۋىنا كەپىلدىك ەتۋى كەرەك.