سەگىز تاراۋ قۇجات جاريالاپ، ءتورت ءتۇرلى قاتەرلى ينفورماتسيانى ايقىن تۇراقتاندىردى 

جۋىردا مەملەكەتتىك ينتەرنەت ينفورماتسياسى كەڭسەسى، مەملەكەتتىك اقپارات – باسپا ءسوز باسقارماسى، وقۋ – اعارتۋ مينيسترلىگى قاتارلى سەگىز تاراۋ «ازامات جاسىنا تولماعانداردىڭ دەنساۋلىعىنا ىقپال جاساۋى مۇمكىن بولعان ينتەرنەتتىك ينفورماتسيالاردى تۇرگە ءبولۋ ءادىسىن» (تومەندە «ءادىس» قىسقارتىلىپ الىنادى) جاريالاعان، 3 – ايدىڭ 1- كۇنىنەن باستاپ اتقارىلادى. «ادىستە» ازامات جاسىنا تولماعانداردىڭ دەنساۋلىعىنا ىقپال جاسايتىن ينتەرنەتتىك ينفورماتسيالاردى تۇڭعىش رەت ەگجەي – تەگجەيلى تۇردە ءتورت ءىرى تۇرگە ءبولىپ، ينتەرنەتتى باقىلاۋ – باسقارۋ مەن جونگە سالۋعا ”ايقىن ءارى تۇجىرىم جاساۋعا بولاتىن“ شارت – جاعداي جاراتىپ، ازامات جاسىنا تولماعاندار ءۇشىن ينتەرنەت حاۋىپسىزدىگى قامالىن ازىرلەگەن.

«ءادىس» ازامات جاسىنا تولماعانداردىڭ دەنساۋلىعىنىڭ جەتىلۋ ەرەكشەلىگىن تياناق ەتە وتىرىپ، ءتورت ءتۇرلى جاقتان قاتەرلى ينفورماتسيالاردىڭ شەت – شەكاراسىن بەلگىلەگەن، ولار مىنالاردى قامتيدى:

ءبىرىنشى، ازامات جاسىنا تولماعانداردىڭ ناشار ارەكەتتەرگە ەلىكتەۋىن تۋدىرۋى نەمەسە سوعان جەتەلەۋى مۇمكىن بولعان ينفورماتسيالار، مۇندا جىنىستىق يشارات، ينتەرنەتتىك زورلىق – زومبلىق، اقىلعا سيىمسىز تۇردە جۇلدىزدارعا تابىنۋ، ولارعا ساۋعا سيلاۋ تاعىسىن - تاعىلار قامتىلادى؛

ەكىنشى، ازامات جاسىنا تولماعانداردىڭ قۇن كوزقاراسىنا كەرى ىقپال جاساۋى مۇمكىن بولعان مازمۇندار، مۇندا بايلىعىن كورسەتۋ جانە اقشاقۇمارلىق، قالىپسىز ەستەتيكا، ”وقىعاننىڭ پايداسى جوق“ دەگەن سياقتى قاتە كوزقاراستار قامتىلادى؛

ءۇشىنشى، ازامات جاسىنا تولماعانداردىڭ وبىرازىن ۇيلەسىمسىز پايدالانعان ينفورماتسيالار، مۇندا ازامات جاسىنا تولماعانداردان پايدالانىپ، الدىن الا جاسالعان جوسپار بويىنشا كەسكىن ءتۇسىرىپ پايدا تابۋ، ازامات جاسىنا تولماعانداردى كەلەكەلەۋ قاتارلى فورمالارمەن كورىلىمگە يە بولۋ قامتىلادى؛

ءتورتىنشى، ازامات جاسىنا تولماعانداردىڭ جەكەلىك ينفورماتسيالارىن ۇيلەسىمسىز اشكەرەلەۋ ارەكەتى، مۇندا ازامات جاسىنا تولماعانداردىڭ قامقورشىلارىنىڭ ماقۇلداۋىنان وتكىزبەي تۇرىپ، 14 جاسقا تولماعانداردىڭ ۇيرەنۋىنە، تۇرمىسىنا قاتىستى جاعدايلاردى جاريالاۋعا بولمايتىنى قامتىلادى.

كەلۋ قاينارى: حالىق تورابى