شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن تەلەفوندا سويلەستى

شينحۋا اگەنتتىگى، 1 - ايدىڭ 26 - كۇنى، بەيجيڭ. 1 - ايدىڭ 26 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن تەلەفوندا سويلەستى.

شي جينپيڭ ۆيەتنام كوممۋنيستىك پارتياسى 14 - قۇرىلتايىنىڭ ءساتتى وتكىزىلگەنىن جانە سۋليننىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا تاعايىندالعانىن قۇتتىقتاپ، مىنانى ءبىلدىردى: باس شۋجي سۋلين جولداس باستاعان ۆيەتنام كوممۋنيستىك پارتياسى ورتالىق كوميتەتىنىڭ باسشىلىعىندا، ۆيەتنامنىڭ ۆيەتنام كوممۋنيستىك پارتياسىنىڭ 14 - قۇرىلتايىندا العا قويىلعان ءتۇرلى نىسانالار مەن مىندەتتەردى، ءسوز جوق، ورىنداپ، ”ەكى 100 جىلدىق“ كۇرەس نىساناسىن ەرتەرەك جۇزەگە اسىراتىندىعىنا سەنەمىن. جۇڭگو مەن ۆيەتنام جولدى وزگەرتپەۋگە، مۇراتتى وزگەرتپەۋگە تاباندى بولىپ، ىنتىماقتاسا سەلبەسىپ، دامۋدى ىلگەرىلەتىپ، كوركەم بولاشاققا قول ۇستاسا قادام تاستاۋى كەرەك.

شي جينپيڭ مىنالاردى باسا دارىپتەدى: قازىر جۇڭگو جاپپاي سوتسياليستىك وسىزاماندانعان قۇدىرەتتى ەل قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا قاراي قادام تاستاۋدا، ۆيەتنام دا ۇلت دامۋىنىڭ جاڭا عاسىرىن باستادى. ءبىز، ءسوز جوق، سەنىمدى بەكەمدەپ، دۇرىس جولدان جازباي، جاڭالىق اشىپ، ءتۇرلى حاۋىپ - قاتەر مەن سىن - سايىستان ساقتانىپ جانە ونى شەشىپ، سوتسياليزم ىستەرىن بىرگە قورعاپ، جۇڭگو - ۆيەتنام قارىم - قاتىناسىنىڭ ساياسي قاسيەتىن ماڭگى ساقتاۋىمىز كەرەك. ەكى جاق پارتيانى، مەملەكەتتى جونگە سالۋ تاجىريبەلەرىن اۋىستىرۋدى، ءوزارا ۇلگى الۋدى ۇزدىكسىز كۇشەيتىپ، جوعارى جىكتەگىلەردىڭ ديدارلاسۋى، نازاريالىق زەرتتەۋ - تالقىلاۋ، كادرلاردى تاربيەلەۋ سياقتى مەحانيزمدەردەن ويداعىداي پايدالانىپ، پارتيانىڭ بيلىك جۇرگىزۋ ورەسى مەن مەملەكەتتى جونگە سالۋ قابىلەتىن ۇزدىكسىز جوعارىلاتۋى كەرەك. ەكى جاق دامۋ ستراتەگياسىن ۇشتاستىرۋدى كۇشەيتىپ، جوعارى دەڭگەيدەگى ءوزارا ءتيىمدى سەلبەستىكتى تەرەڭدەتىپ، ەكى ەل حالقىنا اناعۇرلىم كوپ باقىت جاراتىپ، سوتسياليستىك وسىزاماندانۋعا بىرگە قادام تاستاۋى كەرەك. ەكى جاق حالىقارالىق جانە وڭىرلىك ىستەردەگى سايكەسۋدى، سەلبەسۋدى كۇشەيتىپ، زورەكەرلىككە جانە توپقا ءبولىنىپ قارسىلاسۋعا بىرگە قارسى تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋى كەرەك.

سۋ لين جۇڭگو كوممۋنيستىك پارتياسى ورتالىق كوميتەتىنىڭ تەلەگرامما جولداپ ۆيەتنام كوممۋنيستىك پارتياسى 14 - قۇرىلتايىنىڭ جەڭىسپەن اشىلعاندىعىن قۇتتىقتاعانىنا، باس شۋجي شي جينپيڭنىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانعاندىعىنا ىزگى تىلەك بىلدىرگەنىنە العىس ايتىپ، ۆيەتنام 14 - قۇرىلتايدىڭ باستى جەتىستىكتەرىن ءتۇيىندى تۇردە تانىستىرىپ، مىنالاردى ءبىلدىردى: ۆيەتنام جاڭا جورىقتا جۇڭگومەن تىزە قوسا وتىرىپ، ”التىنى ونان ارى ورىنداۋ“ تالابى بويىنشا، سوتسياليستىك كورشى ەلدەر اراسىنداعى دوستىق سەلبەستىكتى ۇزدىكسىز تەرەڭدەتۋدى قالايدى. جۇڭگونىڭ دامۋى ۆيەتنامنىڭ دامۋىنا باستان - اياق شابىت جانە باعالى تاجىريبە ازىرلەدى. ۆيەتنام ءبىر جۇڭگو ساياساتىنا تاباندى بولىپ، باس شۋجي شي جينپيڭ العا قويعان ادامزاتتىڭ تاعدىرلاس ورتاق تۇلعاسى ۇستانىمى مەن ”ءبىر بەلدەۋ، ءبىر جول“ باستاماسىن، سونداي - اق 4 ءىرى دۇنيە جۇزىلىك باستامانى ۇزدىكسىز قولدايدى، جۇڭگو جاقپەن ساياسي سەنىمدىلىكتى كۇشەيتىپ، ديپلوماتيا، مەملەكەت قورعانىسى جانە قوعام حاۋىپسىزدىگى سەلبەستىگىن جەبەپ، ءار سالاداعى ناقتى سەلبەستىكتى تەرەڭدەتىپ، ەكى ەل حالقىنىڭ دوستىق سۇيىسپەنشىلىگىن جەتىلدىرىپ، كۇردەلى دە قۇبىلمالى حالىقارالىق جاعدايدا سايكەسۋدى كۇشەيتىپ، كوپ جاقتىلىقتى دارىپتەۋدى قالايدى، قورعانىمپازدىققا قارسى تۇرىپ، ۆيەتنام مەن جۇڭگونىڭ تاعدىرلاس ورتاق تۇلعاسىن قۇرۋدى ىلگەرىلەتەدى.

شي جينپيڭ مەن سۋلين ءوزارا كوكتەم مەرەكەسى بايلانىسىمەن سالەم جولداپ، ەكى ەل حالقىنىڭ باقىتتى، امان - ەسەن بولۋىن تىلەدى.