«شي جينپيڭ جانە ءبىرىنشى شەپتەگى جۇمىسشى - قىزمەتكەر دوستارى» باسپادان شىعىپ تاراتىلدى

شينحۋا اگەنتتىگى، 1 - ايدىڭ 26 - كۇنى، بەيجيڭ. جۇڭحۋا مەملەكەتتىك باس جۇمىسشى ۇيىمى ۇيىمداستىرىپ قۇراستىرعان «شي جينپيڭ جانە ءبىرىنشى شەپتەگى جۇمىسشى - قىزمەتكەر دوستارى» جۋىقتا جۇڭگو جۇمىسشى باسپاسىنان باسىلىپ شىعىپ، بۇكىل ەلدە تاراتىلدى.

بۇل كىتاپتا 23 تىلشىلىك ەستەلىگى ارقىلى شي جينپيڭ جولداستىڭ حىبەي جىڭديڭدا، فۋجياندا، جىجياڭدا، شاڭحايدا جانە ورتالىققا بارىپ قىزمەت ىستەگەننەن بەرى، قۇرىلىس ورىندارىنا، زاۆود - كەن سەحتارىنا، كەمەجايلارعا ىشكەرىلەي بارىپ، ءبىرىنشى شەپتەگى جۇمىسشى - قىزمەتكەرلەرمەن شىنايى بارىس - كەلىس جاساپ، جۇمىسشى - قىزمەتكەرلەردىڭ ءوندىرىسى مەن تۇرمىسىنا كوڭىل ءبولىپ، قامقورلىق جاساپ، ولاردى ۇزدىكسىز جاڭالىق اشۋعا، جاسامپازدىق جاراتۋعا شابىتتاندىرعان اسەرلى اڭگىمەلەرى باياندالعان. بۇل كىتاپتىڭ باسپادان شىعۋى قالىڭ پارتيالى كادرلاردىڭ شي جينپيڭ جولداستىڭ باستان - اياق قالىڭ جۇمىسشى - قىزمەتكەرلەرمەن بىرگە ويلايتىن، بىرگە ىستەيتىن حالىقتىق سۇيىسپەنشىلىگىن اناعۇرلىم ويداعىداي ءتۇسىنىپ، ءجۇز ميلليونداعان جۇمىسشى - قىزمەتكەرلەردى جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە اقىل - پاراساتى مەن كۇش - قۋاتىن ارناۋ ءۇشىن ىنتىماقتاستىرۋعا، جۇمىلدىرۋعا ءتيىمدى.