شي جينپيڭ تەلەگرامما جولداپ، مۋسەۆەنيدىڭ ۋگاندا زۇڭتۇڭى بولىپ تاعى دا سايلانعاندىعىن قۇتتىقتادى

شينحۋا اگەنتتىگىنىڭ 1 - ايدىڭ 24 - كۇنى بەيجيڭنەن بەرگەن حابارى. 1 - ايدىڭ 23 - كۇنى مەملەكەت ءتوراعاسى شي جينپيڭ يوۋەري مۋسەۆەنيگە تەلەگرامما جولداپ، ونىڭ ۋگاندا رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ۋگاندا ءداستۇرلى دوستار. تاياۋ جىلداردان بەرى، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، ءار سالاداعى ناقتى ىستەر سەلبەستىگىندە سۇبەلى جەتىستىكتەرگە قول جەتكىزىپ، حالىقارالىق جانە وڭىرلىك ىستەردە سايكەسۋى، سەلبەسۋى اسا ناتيجەلى بولدى. مۋسەۆەني زۇڭتۇڭ جۇڭگو حالقىنىڭ كونە دوسى، ەكى ەل قارىم - قاتىناسىنىڭ دامۋىن ىلگەرىلەتۋگە ۇزاق ۋاقىتتان بەرى كۇش سالىپ كەلەدى، جۇڭگو جاق مۇنى ايرىقشا القايدى. مەن جۇڭگو − ۋگاندا قارىم - قاتىناسىنىڭ دامۋىنا ايرىقشا ءمان بەرەمىن، مۋسەۆەني زۇڭتۇڭمەن بىرگە قۇلشىنىپ، ساياسي ءوزارا سەنىمدىلىكتى تەرەڭدەتىپ، ءداستۇرلى دوستىقتى جالعاستىرىپ، جۇڭگو − افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ جەتىستىكتەرىن ويداعىداي تياناقتاندىرىپ، جۇڭگو − ۋگاندا جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ىشكەرىلەي دامۋىن جەبەپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.