ترامپ الىپ كەمە قۇراماسىنىڭ يرانعا اتتانعانىن ايتتى

شينحۋا اگەنتتىگىنىڭ 1 ـ ايدىڭ 28 ـ كۇنى ۆاشينگتوننان بەرگەن حابارى. ا ق ش زۇڭتۇڭى ترامپ 1 ـ ايدىڭ 28 ـ كۇنى الەۋمەتتىك جەلىدە بىلاي دەدى: الىپ كەمە قۇراماسى يرانعا بارا جاتىر، ءوز بورىشىن تەز ارادا وتەۋگە دايىندالىپ بولدى. ول تاعى يراننىڭ كەلىسسوز ۇستەلىنىڭ الدىنا تەز وتىرۋىن ءۇمىت ەتەتىندىگىن ايتتى.

ترامپ بىلاي دەدى: بۇل ”ابراحام لينكولين“ اتتى اۆياماتكا باستاعان كەمە قۇراماسى ”ۆەنەسۋەلاعا جىبەرىلگەن كەمە قۇراماسىنان دا ۇلكەن“. اتالعان كەمە قۇراماسى ”دايىندالىپ بولدى، ءوز بورىشىن جەدەل اتقارۋدى قالايدى.“

ول تاعى يراننىڭ كەلىسسوز ۇستەلىنىڭ الدىنا تەز وتىرۋىن ءارى ”ءارقايسى جاقتارعا ءتيىمدى كەلىسىم“ جونىندە كەلىسسوز وتكىزۋىن ءۇمىت ەتەتىندىگىن ايتتى. ول يراندا يادرو قۇرالى بولماۋى كەرەك دەگەندى باسا دارىپتەدى.

ترامپ يراننان ”كەلىسىمگە كەلۋدى“ تالاپ ەتتى ءارى يران جاق وسىدان بۇرىن كەلىسىمگە كەلە الماعاندىقتان، ا ق ش بىلتىر يرانعا سوققى بەرۋ ارەكەتىن قوزعادى دەدى. ول ”كەلەسى جولعى سوققى ءتىپتى دە سۇراپىل بولادى“ دەپ قۇقاي كورسەتتى.

ا ق ش ۇزاق ۋاقىتتان بەرى يراننىڭ يادرو جوسپارىنىڭ شىنايى ماقساتى يادرولىق قارۋلاردى دامىتۋ دەپ قارۋدا. يران ءوزىنىڭ يادرو قيمىلىن بەيبىتشىلىك ماقساتىنا عانا پايدالاناتىندىعىن ايتۋدا.

كەلۋ قاينارى: حالىق تورابى