14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ەكىنشى جالپى جيىنىن وتكىزدى

3 - ايدىڭ 9 - كۇنى مەملەكەتتىك 14 - كەزەكتى حالىق قۇرىلتايىنىڭ 4 - ءماجىلىسى بەيجيڭدەگى حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى جاۋ لىجي ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى.

سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

شينحۋا اگەنتتىگى، 3 - ايدىڭ 9 - كۇنى، بەيجيڭ. مەملەكەتتىك 14 - كەزەكتى حالىق قۇرىلتايىنىڭ 4 - ءماجىلىسى 3 - ايدىڭ 9 - كۇنى تۇستەن بۇرىن بەيجيڭدەگى حالىق سارايىندا ەكىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى. مەملەكەتتىك حالىق قۇرىلتايى تۇراقتى كوميتەتىنىڭ زاڭداردى اداقتاۋ قىزمەتىنىڭ جاعدايى جانە قاتىستى زاڭدار مەن قاۋلىلاردى ءبىر جاقتى ەتۋ پىكىرى جونىندەگى بايانداماسىن قارادى.

شي جينپيڭ، لي شياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ماجىلىسكە قاتىناستى.

مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى جاۋ لىجي ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى.

جاۋ لىجي باياندامادا بىلاي دەپ اتاپ كورسەتتى: 2025 - جىل وزگەشە ءبىر جىل بولدى. ءبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ۇيرەنىپ، دايەكتىلەندىرىپ، نازاردى اناعۇرلىم كەمەلدى جۇڭگوشا سوتسياليستىك زاڭمەن باسقارۋ جۇيەسىن قۇرۋعا، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا شوعىرلاندىرىپ، جۇڭگو ۇلگىسىندەگى وسىزامانداندىرۋ قۇرىلىسىن تىعىز ارقاۋ ەتىپ، مىندەتىن زاڭ بويىنشا اتقارىپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، ءار جاقتاعى قىزمەتتەردە تىڭ ىلگەرىلەۋشىلىكتەر مەن تابىستارعا قول جەتكىزدى. ءبىرىنشى، نەگىزگى زاڭدى اتقارۋ مەن باقىلاۋدى كۇشەيتىپ، مەملەكەتتى زاڭمەن جونگە سالۋدىڭ بىرلىگىن قورعادى. تۇراقتى كوميتەت ۇلتتار ىنتىماعى العاباسارلىعىن جەبەۋ زاڭى جوباسىن 2 رەت قارادى ءارى وسى رەتكى ءماجىلىستىڭ قاراۋىنا ۇسىنىپ، جۇڭحۋا ۇلتى ورتاق تۇلعا تانىمىن بەرىك ورناتۋ ءۇشىن زاڭمەن باسقارۋ نەگىزىن بەكەمدەدى. تايۋاندى قايتارىپ الۋدى ەسكە ءتۇسىرۋ كۇنىن بەلگىلەپ، ەكى جاعالاۋداعى باۋىرلاستاردىڭ ورتاق ۇلتتىق تاريحي ەستەمەسىن كۇشەيتتى. نەگىزگى زاڭعا ۇيلەسىمدىلىگىن تەكسەرۋ، ەستەلىككە الىپ تەكسەرۋ قىزمەتىنىڭ ساپاسىن جوعارىلاتىپ، نەگىزگى زاڭ رۋحىن، سوتسياليستىك زاڭمەن باسقارۋ رۋحىن ساۋلەلەندىردى. ەكىنشى، زاڭ شىعارۋ قىزمەتىن كۇشەيتىپ، جوعارى ساپالى زاڭ شىعارۋ ارقىلى رەفورما مەن دامۋعا قىزمەت وتەدى جانە ونى قامتاماسىزداندىردى. زاڭ شىعارۋ، وزگەرىس ەنگىزۋ، كۇشىنەن قالدىرۋ، ءتۇسىندىرۋدى ءبىر تۇتاس جوسپارلاپ، ءبىر جىلدان بەرى 40 زاڭ، زاڭدىق تۇسىندىرمە، قاۋلى جوباسىن قارادى، مۇنىڭ 24 ى ماقۇلداندى، بۇل 6 زاڭ جاساۋ، 14 زاڭعا وزگەرىس ەنگىزۋ سياقتىلاردى قامتيدى. ءۇشىنشى، باقىلاۋ مىندەتىن اتقارىپ، حالىق قۇرىلتايى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن تولىق ساۋلەلەندىردى. جيىنى 22 باقىلاۋ قىزمەتى جونىندەگى باياندامانى تىڭدادى جانە قارادى، 5 زاڭنىڭ اتقارىلۋ جاعدايىن تەكسەردى، 2 رەت ارناۋلى تاقىرىپتا پىكىر الۋعا، 11 ءتۇرلى ارناۋلى تاقىرىپتا تەكسەرۋ - زەرتتەۋ جۇرگىزۋگە ۇيىمداستىرىپ، ءبىر قاۋلى شىعاردى. ءتورتىنشى، ۋاكىلدەر قىزمەتىن تەرەڭدەتىپ جانە كەڭەيتىپ، حالىق قۇرىلتايى ۋاكىلدەرىنىڭ رولىن اناعۇرلىم ويداعىداي ساۋلەلەندىردى. جاڭادان وزگەرىس ەنگىزىلگەن ۋاكىلدەر زاڭىن جاپپاي دايەكتى اتقارىپ، ۋاكىلدەر قىزمەتىنىڭ قابىلەت قۇرىلىسىن ۇزدىكسىز كۇشەيتىپ، ۋاكىلدەرگە تىعىز سۇيەنىپ، ءتۇرلى قىزمەتتەردى ويداعىداي ىستەپ، ۋاكىلدەردىڭ مىندەتىن زاڭ بويىنشا وتەۋىن قولدادى جانە قامتاماسىزداندىردى. بەسىنشى، حالىق قۇرىلتايىنىڭ شەتەلدەرمەن بارىس - كەلىس جاساۋ ەرەكشەلىگى مەن ابزالدىعىن ساۋلەلەندىرىپ، مەملەكەتتىڭ ديپلوماتيالىق جالپى جاعدايىنا ىرىقتىلىقپەن قىزمەت وتەدى. التىنشى، وزىندىك قۇرىلىستى جاپپاي كۇشەيتىپ، مىندەتىن زاڭ بويىنشا اتقارۋ قابىلەتى مەن ورەسىن ۇزدىكسىز جوعارىلاتتى.

باياندامادا جاۋ لىجي بىلاي دەپ اتاپ كورسەتتى: ءبىز قىزمەتتە ءالى دە كەيبىر پارىقتار مەن جەتەرسىزدىكتەردىڭ ءومىر ءسۇرىپ وتىرعاندىعىن سەرگەكتىكپەن تانىپ، ۋاكىلدەر مەن ءار جاقتىڭ ۇسىنىس - پىكىرلەرىن كىشپەيىلدىكپەن تىڭداپ، حالىقتىڭ باقىلاۋىن سانالىلىقپەن قابىلداپ، قىزمەتتى ۇزدىكسىز كۇشەيتۋىمىز جانە جاقسارتاتۋىمىز كەرەك.

باياندامادا جاۋ لىجي بىلاي دەپ اتاپ كورسەتتى: 2026 - جىل _ ”15 - بەسجىلدىقتىڭ“ باستاما جىلى. مەملەكەتتىك حالىق قۇرىلتايى تۇراقتى كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جالپى بارىستىق حالىق دەموكراتياسىن دامىتىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، ورنىقتىلىق بارىسىندا ىلگەرىلەۋ ارقىلى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتىپ، ”15 - بەسجىلدىق“ جوبانىڭ تاماشا باستاماسىن جۇزەگە اسىرۋعا ءتيىستى ۇلەس قوسۋى كەرەك.

جاۋ لىجي باياندامادا بۇدان بىلايعى ءبىر جىلداعى مىندەتتەر جونىندە ورنالاستىرۋ جاسادى: نەگىزگى زاڭنىڭ جاپپاي دايەكتى اتقارىلۋىن ىلگەرىلەتىپ، نەگىزگى زاڭعا قاتىستى زاڭ - تۇزىمدەردى كەمەلدەندىرىپ، نەگىزگى زاڭنىڭ زاڭ شىعارۋداعى وزەكتى ورنى مەن فۋنكتسياسىن جاپپاي ساۋلەلەندىرۋ؛ جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىرىپ، نازاردى ”15 - بەسجىلدىق“ جوبانىڭ دايەكتى اتقارىلۋىن قامتاماسىزداندىرۋعا شوعىرلاندىرىپ، ءتۇيىندى سالالاردا، جاڭادان گۇلدەنگەن سالالاردا، شەتەلگە ساياتىن سالالاردا زاڭ شىعارۋدى كۇشەيتىپ، زاڭ شىعارۋ ساپاسىن كۇش سالا جوعارىلاتۋ؛ باقىلاۋ قىزمەتىنىڭ باعىتتامالىلىعى مەن ونىمدىلىگىن ونان ارى كۇشەيتىپ، ەكونوميكالىق، قوعامدىق دامۋعا تۇساۋ بولىپ وتىرعان كورنەكتى قايشىلىقتار مەن ماسەلەلەردى شەشۋدى ىلگەرىلەتىپ، ءار جاقتاعى قىزمەتتەردىڭ زاڭمەن باسقارىلۋىن ىلگەرىلەتۋ؛ ۋاكىلدەردىڭ مىندەتىن زاڭ بويىنشا وتەۋىنە قىزمەت وتەپ جانە ونى قامتاماسىزداندىرىپ، ۋاكىلدەردىڭ حالىق بۇقاراسىمەن تىعىز بايلانىس جاساۋىنا قولداۋ كورسەتىپ، حالىق تىلەگىن، حالىقتىڭ اقىل - پاراساتىن كەڭەس جوبالاردا، ۇسىنىستاردا جانە قاراۋ سوزدەرىندە اناعۇرلىم ويداعىداي اڭىس ەتۋ؛ حالىق قۇرىلتايىنىڭ سىرتپەن بارىس - كەلىسىن بەلسەنە ورىستەتىپ، حالىق قۇرىلتايىنىڭ فۋنكتسيالىق قىزمەت جاۋاپكەرشىلىگىن تياناق ەتىپ، شەتەل پارلامەنتتەرىمەن، حالىقارالىق جانە وڭىرلىك پارلامەنت ۇيىمدارىمەن اۋىس - كۇيىستى، سەلبەستىكتى كۇشەيتۋ؛ ”ءتورت ورگان“ قۇرىلىسىن تىڭعىلىقتى ىلگەرىلەتىپ، جاڭا داۋىردەگى حالىق قۇرىلتايى قىزمەتىنىڭ دەڭگەيىن جوعارىلاتۋ كەرەك.

​ەڭ جوعارى حالىق سوتى مەكەمەسىنىڭ باستىعى جاڭ جۇن ەڭ جوعارى حالىق سوتى مەكەمەسىنىڭ قىزمەت بايانداماسىندا بىلاي دەپ اتاپ كورسەتتى: 2025 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەڭ جوعارى حالىق سوتى مەكەمەسى نەگىزگى زاڭ مەن زاڭداردا جۇكتەلگەن مىندەتىن ادالدىقپەن اتقارىپ، جۇڭگو ۇلگىسىندەگى وسىزامانداندىرۋ قۇرىلىسىنا جوعارى ساپالى ءادىليالىق قىزمەت وتەۋگە كۇش سالىپ، ءتۇرلى قىزمەتتەردە تىڭ ىلگەرىلەۋشىلىككە قول جەتكىزدى. ەڭ جوعارى حالىق سوتى مەكەمەسى 29 مىڭ 154 دەلونى تاپسىرىپ الىپ، 31 مىڭ 958 دەلونى ءبىر جاقتى ەتتى، بۇل سايكەس مەزگىلدەگىدەن جەكە - جەكە %16.5، %1.8 تومەن بولدى. بۇكىل ەلدەگى ءار دارەجەلى سوت مەكەمەلەرى سوت جۇرگىزۋ، اتقارۋ دەلولارىنان 37 ميلليون 486 مىڭىن قابىلداپ، 36 ميلليون 200 مىڭىن قاراپ اياقتاتتى، بۇل سايكەس مەزگىلدەگىدەن جەكە - جەكە %10.8، %8.9 ارتتى.

نازاردى ادىلدىك پەن ادىلەتتىلىككە بويسۇنۋعا شوعىرلاندىردى، جاڭ جۇن 2025 - جىلعى قىزمەتتەردى ەسكە الىپ بىلاي دەدى: جوعارى ساپالى ءادىليا ارقىلى جوعارى دەڭگەيدەگى حاۋىپسىزدىك قامتاماسىز ەتىلدى؛ جوعارى ساپالى ءادىليالىق قىزمەت وتەۋ ارقىلى جوعارى ساپالى دامۋعا قىزمەت وتەلدى؛ جوعارى ساپالى ءادىليا ارقىلى جوعارى ساپالى تۇرمىس قورعالدى؛ جوعارى ساپالى ءادىليا ارقىلى جوعارى دەڭگەيدەگى ەسىك اشۋعا دەم بەرىلدى؛ ءادىليالىق ۇقىق اينالىمى ارناعا ءتۇسىرىلدى؛ ءار جاقتىڭ باقىلاۋى سانالىلىقپەن قابىلداندى.

جاڭ جۇن باياندامادا مىنالاردى ءبىلدىردى: 2026 - جىلى حالىق سوتى مەكەمەلەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، زاڭمەن باسقارۋ جونىندەگى سەنىمدى بەكەمدەپ، زاڭمەن باسقارۋ مەن رەفورمانىڭ، دامۋدىڭ، ورنىقتىلىقتىڭ ءوزارا سايكەسۋىنە، قوعامدىق ادىلدىك پەن ادىلەتتىلىكتى قامتاماسىزداندىرۋعا جانە جەبەۋگە اناعۇرلىم ءمان بەرىپ، جاڭا داۋىردەگى سوت جۇرگىزۋ قىزمەتىن كۇشەيتىپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا پارمەندى ءادىليالىق قىزمەت وتەيدى جانە قامتاماسىزدىق ازىرلەيدى. مىندەتىن ادالدىقپەن اتقارىپ، جالپى جاعدايعا قىزمەت وتەۋدى، حالىق ءۇشىن ءادىليا جۇرگىزۋدى ىشكەرىلەي، ناقتى ىستەپ، دۇرىس جولدان جازباي، جاڭالىق اشىپ، ءادىليادا ءادىل بولۋ ءتۇزىلىس، مەحانيزمنى اقاۋسىزداندىرادى؛ قاتاڭ باسقارىپ، تەرەڭ سۇيىسپەنشىلىك ورناتىپ، اۋىر مىندەت ارقالاي الاتىن جاڭا داۋىردەگى سوت مەكەمەسىنىڭ قۇرىش قوسىنىن سومداپ، زەيىن - زەردەنى، كۇش - قۋاتتى شوعىرلاندىرىپ، ناقتى ىستەپ، جاۋاپكەرشىلىك ارقالاپ، اناعۇرلىم جوعارى دەڭگەيدەگى سوتسياليستىك زاڭمەن جونگە سالىناتىن مەملەكەت قۇرۋعا تىڭ دا اناعۇرلىم زور ۇلەس قوسادى.

ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ ەڭ جوعارى حالىق پروكۋراتۋراسىنىڭ قىزمەت بايانداماسىندا بىلاي دەپ اتاپ كورسەتتى: 2025 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەڭ جوعارى حالىق پروكۋراتۋراسى رەفورمانى ونان ارى جاپپاي تەرەڭدەتۋمەن، جۇڭگو ۇلگىسىندەگى وسىزامانداندىرۋ اياق الىسىن ىلگەرىلەتۋمەن بەلسەنە توعىسىپ، جالپى جاعداي ءۇشىن قىزمەت وتەۋگە، حالىق ءۇشىن ءادىليا جۇرگىزۋگە، زاڭمەن جونگە سالۋ ءۇشىن جاۋاپكەرشىلىك ارقالاۋعا تاباندى بولىپ، پروكۋراتۋرالىق باقىلاۋدى كۇشەيتىپ، ءاربىر دەلونى جوعارى ساپامەن، ءونىمدى تۇردە ويداعىداي ىستەپ، شي جينپيڭ زاڭمەن جونگە سالۋ يدەياسىنىڭ پروكۋراتۋرا امالياتىن ۇزدىكسىز ىلگەرىلەتىپ، ءتۇرلى پروكۋراتۋرا قىزمەتىندە تىڭ تابىستارعا قول جەتكىزدى. بۇكىل ەلدەگى پروكۋراتۋرا ورگاندارى 3 ميلليون 467 مىڭ ءتۇرلى دەلونى ءبىر جاقتى ەتتى، مۇنىڭ ىشىندە ەڭ جوعارى حالىق پروكۋراتۋراسى 8151 دەلونى ءبىر جاقتى ەتتى.

يىڭ يۇڭ 2025 - جىلعى قىزمەتتەردى ەسكە الىپ بىلاي دەدى: جالپى تۇلعالىق مەملەكەت حاۋىپسىزدىگى كوزقاراسى دايەكتىلەندىرىلىپ، اناعۇرلىم جوعارى دەڭگەيدەگى تىنىش جۇڭگو قۇرىلىسى ىلگەرىلەتىلدى؛ جاڭا دامۋ ۇستانىمى تولىق، دۇرىس، جان - جاقتى دايەكتىلەندىرىلىپ، جوعارى ساپالى دامۋعا قىزمەت وتەلدى؛ حالىق تۇرمىسىن باستى ورىنعا قويۋعا تاباندى بولىنىپ، حالىقتىڭ ۇقىق - مۇددەسى زاڭ بويىنشا قورعالدى؛ پروكۋراتۋرالىق باقىلاۋ كۇشەيتىلىپ، ادىلدىك پەن ادىلەتتىلىك جەبەلدى؛ باقىلاۋدى قابىلداۋ تانىمى كۇشەيتىلىپ، پروكۋراتۋرا ۇقىعىنىڭ باستان - اياق زاڭمەن جونگە سالۋ ارناسىندا جۇرگىزىلۋىنە كەپىلدىك ەتىلدى؛ پارتيانىڭ ساياسي قۇرىلىسى ءبىر تۇتاس باسشىلىققا الىنىپ، ىسىلعان پروكۋراتۋرا قوسىنى قۇرىلىسى شىنايى كۇشەيتىلدى.

يىڭ يۇڭ باياندامادا بىلاي دەپ اتاپ كورسەتتى: 2026 - جىلى بۇكىل ەلدەگى پروكۋراتۋرا ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ زاڭمەن جونگە سالۋ يدەياسىن ىشكەرىلەي ۇيرەنىپ، دايەكتىلەندىرىپ، زاڭمەن جونگە سالۋ مەن رەفورمانىڭ، دامۋدىڭ، ورنىقتىلىقتىڭ ءوزارا سايكەسۋىنە، قوعامدىق ادىلدىك پەن ادىلەتتىلىكتى قامتاماسىز ەتۋگە جانە جەبەۋگە اناعۇرلىم ءمان بەرىپ، مەملەكەتتىڭ زاڭدىق باقىلاۋ ورگانىنىڭ مىندەتىن ويداعىداي اتقارادى. پارتيانىڭ پروكۋراتۋرا قىزمەتىنە شارتسىز باسشىلىعىنا باستان - اياق تاباندى بولىپ، جوعارى ساپالى دامۋ مەن جوعارى دەڭگەيلى حاۋىپسىزدىككە اناعۇرلىم ويداعىداي قىزمەت وتەپ، پروكۋراتۋرانى حالىق ءۇشىن جۇرگىزۋدى تەرەڭدەتىپ، ناقتىلاندىرىپ، پروكۋراتۋرالىق باقىلاۋدى كۇشەيتىپ، الەۋمەتتىك يگىلىك ارىز - شاعىمىن كۇشەيتىپ، پروكۋراتۋرا قوسىنى قۇرىلىسىن ۇزدىكسىز كۇشەيتەدى.

ءماجىلىس تاعى مەملەكەتتىك حالىق قۇرىلتايى تۇراقتى كوميتەتىنىڭ زاڭدى اداقتاۋ قىزمەتىنىڭ جاعدايى جانە قاتىستى زاڭدار مەن قاۋلىلاردى ءبىر جاقتى ەتۋ پىكىرى جونىندەگى باياندامانى قارادى.

ماجىلىسكە قاتىناسۋعا ءتيىستى ۋاكىل 2878 ادام، قاتىناسقان ۋاكىل 2760 ادام، قاتىناسپاعان ۋاكىل 118 ادام، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

ءماجىلىستى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي حۇڭجۇڭ باسقاردى.

ءماجىلىستىڭ اتقارۋشى ءتوراعالارى يۇي ۋەيگو، ۋاڭ نيڭ، ۋاڭ ۋەيجۇڭ، ۋاڭ جۇڭلين، ۋاڭ شياۋحۇي، ۋاڭ حاۋ، بايىنچاۋلۋ، فىڭ فەي، ليۋ ي - لياڭ، دۋ جياحاۋ، لي شيۋليڭ، ياڭ شياۋچاۋ، ۋ شياۋجۇن، جاڭ شىڭمين، چىن شياۋجياڭ، لين ۋ، جوۋ زۋ - ي، جاۋ ي - دى، ني يۋەفىڭ، حۋاڭ ليشين، حۋاڭ چياڭ، حۋاڭ چۋپيڭ، لو شۋگاڭ ءتوراعالار مىنبەسىنىڭ اتقارۋشى ءتوراعالار ورنىنان ورىن الدى.