شي جينپيڭ پورتۋگاليانىڭ جاڭادان تاعايىندالعان زۇڭتۇڭى سەگۋروعا قۇتتىقتاۋ تەلەگرامماسىن جولدادى

شينحۋا اگەنتتىگى، 3 - ايدىڭ 9 - كۇنى، بەيجيڭ. 3 - ايدىڭ 9 - كۇنى مەملەكەت ءتوراعاسى شي جينپيڭ انتونيو روزە سەگۋروعا قۇتتىقتاۋ تەلەگرامماسىن جولداپ، ونىڭ پورتۋگاليا رەسپۋبليكاسىنىڭ زۇڭتۇڭى بولىپ تاعايىندالعاندىعىن قۇتتىقتادى.

شي جينپيڭ مىنالاردى اتاپ كورسەتتى: جۇڭگو مەن پورتۋگاليانىڭ ءداستۇرلى دوستىعىنىڭ تامىرى تەرەڭ. ديپلوماتتىق قارىم - قاتىناس ورناتقان 47 جىلدان بەرى ەكى ەل ءوزارا قۇرمەت ەتىپ، ءبىرىن - ءبىرى ءوزارا قولدادى، اۋمىن ماسەلەسىن ساياسي اقىل - پاراساتپەن ۇيلەسىمدى شەشىپ، سەرىكتەستىك رۋحتى ۇستانىپ، ءوزارا ءتيىمدى سەلبەستىكتى تەرەڭدەتىپ، حالىقارالىق ىستەردە تىعىز سايكەسىپ، ەكى جاقتى قارىم - قاتىناستى باستان - اياق اقاۋسىز، ورنىقتى دامىتتى. مەن جۇڭگو - پورتۋگاليا قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ سەگۋرومەن بىرگە قۇلشىنىپ، ستراتەگيالىق تىلدەسۋدى كۇشەيتىپ، جوعارى دەڭگەيدەگى ءوزارا سەنىمدىلىكتى بەكەمدەپ، جوعارى ساپالى سەلبەستىكتى جەبەپ، جۇڭگو مەن پورتۋگاليانىڭ جالپى بەتتىك ستراتەگيالىق ارىپتەستىك قارىم - قاتىناسىنىڭ مازمۇنىن ۇزدىكسىز بايىتىپ، ەكى ەل حالقى ءۇشىن ءتىپتى دە كوپ قۇت - ىرىس جاراتۋدى ءۇمىت ەتەمىن.