قالاي ازىقتانسا دەنساۋلىققا ەڭ جاقسى بولادى؟ مينيستر 3 ءتۇرلى ۇسىنىس بەردى 

اۋىل شارۋاشىلىعى جانە اۋىل – قىستاق مينيسترلىگىنىڭ مينيسترى حان جۇن 3 – ايدىڭ 9 - كۇنى 14 – كەزەكتى مەملەكەتتىك حالىق قۇرىلتايىنىڭ 4 – ماجىلىسىندە ەكىنشى كەزەكتى ”مينيسترلەر دالىزىندە“ مىنانى ءبىلدىردى:

· تۇتىنۋشىلار قۇرساعىن تويعىزىپ قانا قويماي، نەعۇرلىم جاقسى تاماقتانۋى قاجەت

حالىق جۇرتشىلىعىنىڭ تۇرمىس دەڭگەيىنىڭ جوعارىلاۋىنا بايلانىستى، تۇتىنۋشىلاردىڭ اۋىل شارۋاشىلىعى ونىمدەرىنە بولعان تالابى تەك قۇرساقتى تويعىزۋ ەمەس، نەعۇرلىم جاقسى تاماقتانۋعا، حاۋىپسىز تاماقتانۋعا، دەنساۋلىققا پايدالى تاماقتانۋعا قاراي ويىستى. الدا اۋىل شارۋاشىلىعىن ىلگەرىلەتۋدە ءونىم مولشەرىن نەگىز ەتۋدەن ءونىم مولشەرى مەن ساپاعا بىردەي ءمان بەرۋگە قاراي بۇرىلىس جاساۋ، اۋىل شارۋاشىلىعى ونىمدەرىنىڭ ساپاسىن اناعۇرلىم جوعارىلاتىپ، ساپاسى اناعۇرلىم جوعارى، اناعۇرلىم ءدامدى، قۇرامى تەڭگەرىمدى بولعان اۋىل شارۋاشىلىعى ونىمدەرىمەن كوبىرەك قامداۋ كەرەك.

· تۇتىنۋشىلار مايدى تۇتىنۋدى ۇيلەسىمدى مولشەردە ازايتىپ، بۇرشاقتى، ءسۇتتى تۇتىنۋدى ارتتىرعانى ءجون

قازىر ەلىمىزدە تۇرعىندار ازىقتىق تۇتىنۋ بارىسىندا مايدى كوپ تۇتىنادى، بۇرشاق پەن ءسۇتتى تۇتىنۋى ءبىرشاما از، مايدان پايدالانۋدا كىسى باسىنا تۋرا كەلەتىن مولشەرى عىلىمي ازىقتانۋ تىزىمدىگىندە كورسەتىلگەن مولشەردەن %40 اسىپ كەتكەن، ءسۇت ونىمدەرىن تۇتىنۋدىڭ كىسى باسىنا تۋرا كەلەتىن مولشەرى دۇنيە جۇزىلىك ورتاشا ورەنىڭ ۇشتەن بىرىندەي عانا، تۇيە بۇرشاق پەن بۇرشاقتان جاسالعان ازىقتىقتاردى تۇتىنۋ مولشەرى كورسەتىلگەن مولشەردىڭ %60 ىنە دە جەتپەگەن. مايدى از تۇتىنىپ، بۇرشاقتى، ءسۇتتى تۇتىنۋ مولشەرىن ۇيلەسىمدى ارتتىرعان ءجون.

· كوكونىس، مال ەتى مەن قۇس ەتى، سۋ ونىمدەرى قاتارلى ءتۇيىندى ونىمدەرمەن ەل ىشىندە قامداۋعا كەپىلدىك ەتىلەدى

كوپ جىلدان بەرى كۇش سالۋدىڭ، وتە – موتە، 2021 – جىلدان باستاپ اتقارىلعان تۇقىم شارۋاشىلىعىن گۇلدەندىرۋ ارەكەتى بويىنشا ۇزدىكسىز كۇش سالۋدىڭ ارقاسىندا، ءبىز ”جۇڭگو استىعىن“ ەگۋدە نەگىزىنەن ”جۇڭگو تۇقىمىن“ قولدانۋدى ىسكە اسىردىق، كوكونىس، مال ەتى مەن قۇس ەتى، سۋ ونىمدەرى قاتارلى ءتۇيىندى تۇردەگى ونىمدەرمەن ەل ىشىندە قامداۋعا دا كەپىلدىك ەتىلدى. ەلىمىز ءونىم مولشەرى جوعارى، ءونىم ساپاسى جاقسى، ءتوزىمدى تۇقىمداردى جەتىلدىرۋدە كەلەلى ناتيجەگە قول جەتكىزدى، كەلەسى قادامدا جاڭا كەزەكتى تۇقىم سورتىن جاڭالاۋدى جەدەلدەتەدى.

كەلۋ قاينارى: حالىق تورابى