اۋىل شارۋاشىلىعى جانە اۋىل – قىستاق مينيسترلىگى 2026 – جىلعى حايۋاناتتار اۋرۋىنىڭ الدىن الۋ جانە كارانتيندەۋ، باقىلاۋ – باسقارۋ قىزمەتى جونىندە ورنالاستىرۋ جاسادى 

جۇڭگو اقپارات تورابىنىڭ 4 – ايدىڭ 3 – كۇنى بەرگەن حابارى. اۋىل شارۋاشىلىعى جانە اۋىل – قىستاق مينيسترلىگى تورابىنىڭ حابارلاۋىنشا، 4 – ايدىڭ 1 – كۇنى اۋىل شارۋاشىلىعى جانە اۋىل – قىستاق مينيسترلىگى 2026 – جىلى حايۋاناتتار اۋرۋىنىڭ الدىن الۋ جانە كارانتيندەۋ، باقىلاۋ – باسقارۋ قىزمەتى جونىندە ءماجىلىس اشىپ، قازىرگى اۋقىمعا ىشكەرىلەي تالداۋ جاساپ، جىلدىق باستى قىزمەتتەر جونىندە جالپى بەتتىك ورنالاستىرۋ جاساعان.

ماجىلىستە مىنالار اتاپ كورسەتىلدى: 2025 – جىلى ”14 – بەسجىلدىقتىڭ“ سوڭعى جىلى بولىپ، حايۋاناتتار اۋرۋىنىڭ الدىن الۋ، كارانتيندەۋ جانە حايۋاناتتاردى سويۋ تەحنيكاسى جاعىندا قولداۋ كورسەتەتىن ءار دارەجەلى ورگاندار پارتيا ورتالىق كوميتەتى مەن مەملەكەتتىك كەڭەستىڭ شەشىمدەرىن، ورنالاستىرۋلارىن باتىل ءارى دايەكتى اتقارىپ، اۋىل شارۋاشىلىعى جانە اۋىل – قىستاق مينيسترلىگىنىڭ قىزمەتتىك ورنالاستىرۋىن مۇقيات تياناقتاندىرىپ، بۇكىل تىزبەك بويىنشا جۇيەلى جونگە سالۋدى ۇزدىكسىز كۇشەيتىپ، باستى اۋرۋ تۇرلەرىنە ساياتىن حاۋىپ – قاتەردەن ساقتانۋدى دالمە – ءدال مىقتى ۇستاپ، حايۋاناتتار اۋرۋىنىڭ الدىن الۋ جانە كارانتيندەۋ، باقىلاۋ – باسقارۋ قىزمەتىندە كورنەكتى ونىمدىلىككە قول جەتكىزدى.

ماجىلىستە مىنالار باسا دارىپتەلدى: ساياسي تۇرعىنى اناعۇرلىم جوعارىلاتىپ، پارتيا 20 – قۇرىلتايى مەن 20 – قۇرىلتايدىڭ ءار جولعى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ورتالىقتىڭ 1 – ءنومىرلى قۇجاتىنداعى مال شارۋاشىلىعى مەن مال دارىگەرلىگى قىزمەتى جونىندەگى ورنالاستىرۋىنداعى تالاپتاردى قاتاڭ تياناقتاندىرۋ كەرەك. ورنىقتىلىق بارىسىندا ىلگەرىلەۋ سىندى قىزمەتتىڭ جالپى نەگىزگى اۋەنىندە تاباندى بولىپ، ساپانى جوعارىلاتۋ جانە ونىمدىلىكتى ارتتىرۋ نىساناسىنا نازاردى شوعىرلاندىرىپ، تومەنگى شەكتىك وي جەلىسى مەن جاڭالىق اشۋ وي جەلىسىن ورناتىپ، حايۋاناتتار ىندەتىنە ساياتىن اۋىر ماسەلەلەردەن، ادام مەن حايۋاناتتا بىردەي بولاتىن باستى اۋرۋلاردان جانە ۇنەمى كەزدەسەتىن، ءجيى تارالاتىن اۋرۋلاردان ساقتانۋدى ءبىرتۇتاس ىلگەرىلەتىپ، ىندەت تۋىلۋ حاۋپىن كۇش سالا تومەندەتۋ، مال شارۋاشىلىعىنىڭ جوعارى ساپالى دامۋىنا جانە مال دارىگەرلىگىنە ساياتىن الەۋمەتتىك دەنساۋلىق ساقتاۋ حاۋىپسىزدىگىنە كەپىلدىك ەتۋ كەرەك.

كەلۋ قاينارى: حالىق تورابى