ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى، مەملەكەتتىك تەمىر جول باسقارۋ مەڭگەرمەسى بىرگە پويەز بەلەتىن ساتۋ جۇمىسىنا قاتىسقان ءۇشىنشى جاق تەكشەلەردەن 7 تەكشەنىڭ جاۋاپتىلارىن شاقىرىپ اڭگىمەلەستى 

حالىق گازەتىنىڭ ءتىلشىسى جين شين 4 – ايدىڭ 12 – كۇنى بەيجيڭنەن حابارلايدى. ءتىلشىنىڭ ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، ينتەرنەت حاۋىپسىزدىگى زاڭى، «ءتۇيىندى ينفورماتسيالىق نەگىزدىك قۇرىلعىلاردىڭ حاۋىپسىزدىگىن قورعاۋ ەرەجەسىندەگى» قاتىستى بەلگىلەمەلەرگە ساي، ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى، مەملەكەتتىك تەمىر جول باسقارۋ مەڭگەرمەسى بىرگە، شيەچىڭ، تۇڭچىڭ، چۇينا - ىر، فەيجۋ، مەيتۋان، جىشيڭ پويەز بەلەتى، تەز پويەز باسقارۋشىسى قاتارلى پويەز بەلەتىن ساتۋ جۇمىسىنا قاتىسقان ءۇشىنشى جاق تەكشەلەردەن 7 تەكشەنىڭ جاۋاپتىلارىن شاقىرىپ اڭگىمەلەسىپ، قاتىستى تەكشەلەردەن ينتەرنەت حاۋىپسىزدىگىنە قاتىستى زاڭ – تۇزىمدەردەگى تالاپتاردى قاتاڭ تياناقتاندىرۋدى، اۆتوماتتى پروگراممادان پايدالانىپ، زور كولەمدە، جوعارى جيىلىكتە بەلەتكە تالاسۋ ارەكەتىن ورىستەتۋ ارقىلى تەمىر جول 12306 تەكشەسىنىڭ حاۋىپسىزدىك تەكسەرۋ شارالارىنا كەدەرگىلىك جاساماۋدى، تەمىر جول 12306 تەكشەسىنىڭ حاۋىپسىز، ورنىقتى جۇمىس ىستەۋىنە كەدەرگىلىك جاساماۋدى جانە وعان زيان جەتكىزبەۋدى تالاپ ەتكەن.

الدا، قاتىستى تاراۋلار تەحنيكالىق باقىلاۋدى كۇشەيتەدى، ەگەر تەحنيكالىق تاسىلدەردى قولدانىپ، تەمىر جول 12306 تەكشەسىنىڭ حاۋىپسىزدىگىنە كەدەرگىلىك جاساعان جانە زيان جەتكىزگەن ارەكەت بايقالسا، ينتەرنەت حاۋىپسىزدىگى زاڭى، «ءتۇيىندى ينفورماتسيالىق نەگىزدىك قۇرىلعىلاردىڭ حاۋىپسىزدىگىن قورعاۋ ەرەجەسى» قاتارلى زاڭ – تۇزىمدەر بويىنشا قاتاڭ تەكسەرىپ ءبىرجاقتى ەتەدى.

كەلۋ قاينارى: حالىق تورابى