بەيجيڭ ساقشى جاعىنىڭ جوعارى مەكتەپ بىتىرەتىن وقۋشىلارعا ەسكەرتۋى: مىناداي قىلمىستىق ايلا - شارعىلاردان ساقتانۋ كەرەك 

وقىتۋشىلار مەن وقۋشىلاردىڭ ەكونوميكالىق جاقتاعى قىلمىستىق ىستەردەن ساقتانۋ تانىمى مەن قابىلەتىن اناعۇرلىم كۇشەيتۋ، بارشا وقىتۋشىلار مەن وقۋشىلاردىڭ ”اقشا قاپشىعىن“ شىنايى قورعاۋ ءۇشىن، 4 – ايدىڭ 10 – كۇنى بەيجيڭ قالالىق قوعام حاۋىپسىزدىگى مەكەمەسىنىڭ ەكونوميكالىق جاقتاعى قىلمىستىق ىستەردى تەكسەرۋ ۇلكەن اترەتى، ىشكى حاۋىپسىزدىكتى قورعاۋ ۇلكەن اترەتى بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىمەن، جۇمىسقا ادام قابىلداۋشى كاسىپورىندارمەن بىرگە بەيجيڭ پەيلي كاسىپتىك شۋەيۋانىنا بارىپ، بارشا وقىتۋشىلار مەن وقۋشىلارعا ەكونوميكالىق جاقتاعى قىلمىستىق ىستەردەن ساقتانۋ زاڭىن ۇگىتتەۋ جونىندە ”مازمۇنى مول“ ساباق ۇسىندى.

قيمىل بارىسىندا، قوعام حاۋىپسىزدىگى حالىق ساقشىلارى جوعارى مەكتەپتى تاۋىسىپ قوعام قويناۋىنا قادام تاستاۋ الدىندا تۇرعان بىتىرەتىن جىلدىقتاعىلارعا باسا ءمان بەرىپ، ”جۇمىسقا قابىلداۋ الدىندا كۋرسقا قاتىناسۋشىلارعا“ قارىز بەرۋ الدامكوستىگى، تۇرعىن ءۇيدى مايعا بەرەتىن ”زاڭسىز دەلدال“، كرەديت كارتۋچكاسىنا ساياتىن الدامكوستىك قاتارلى زاڭعا قايشى قىلمىستىق ىستەردىڭ تۇرلەرىن توڭىرەكتەي وتىرىپ، ناقتى دەلولار ارقىلى ەكونوميكالىق جاقتاعى قىلمىس وتكىزەتىندەردىڭ ايلا – شارعىسىنا تۇسىنىكتى تۇردە ىشكەرىلەي تالداۋ جاساپ، وقۋشىلارعا جوعارى ءوسىمدى قارىزدىڭ شىرعاسىنا ىلىنۋدەن، ەكونوميكالىق جاقتاعى قىلمىستىق ىستەردىڭ تۇزاعىنا تۇسۋدەن ساق بولۋدى، بايىپتى تۇتىنۋ جانە قارجىلاندىرۋ كوزقاراسىن ورناتۋدى، ەكونوميكالىق جاقتاعى قىلمىستىق ىستەرگە سوققى بەرۋ مەن ودان ساقتانۋعا ساياتىن قوعامدىق باسقارۋ ىستەرىنە ىرىقتىلىقپەن قاتىناسۋدى ەسكەرتتى. سونىمەن بىرگە، وقۋشىلاردىڭ قاتىناسۋ بەلسەندىلىگىن جوعارىلاتۋ ءۇشىن، قيمىل بارىسىندا دەلوعا تالداۋ جاساۋ، سۇراۋعا جاۋاپ قايتارۋ قاتارلى باسقىشتار ارناۋلى ورنالاستىرىلعان ءارى مەكتەپ اۋلاسىندا ۇگىتتەۋگە قاتىناسۋ اۋماعى اشىلعان، تۇيتكىلدى تۇيىندەر تۋرالى كەڭەس بەرۋ، ۇگىتتىك بۇيىمداردى تاراتۋ، ويىنعا قاتىناستىرۋ ارقىلى ءتۇسىندىرۋ قاتارلى فورمالار قولدانىلىپ، كوپتەگەن وقىتۋشىلار مەن وقۋشىلاردى بەلسەندى قاتىناسۋعا باۋراعان. وسىنداي ”بەتپە - بەت“ ۇگىتتەۋ ءتاسىلى مەكتەپتەردەگى بارشا وقۋشىلاردىڭ ەكونوميكالىق جاقتاعى قىلمىستىق ىستەرگە بولعان تانىمىن كۇشەيتۋمەن بىرگە، وقىتۋشىلار مەن وقۋشىلاردىڭ الدامكوستىكتى پارىقتاۋ مەن ودان ساقتانۋ قابىلەتىن اناعۇرلىم جوعارىلاتقان.

كەلۋ قاينارى: حالىق تورابى