ديڭ شۋەشياڭ تۇركىمەنستاندا ساپاردا بولىپ، ءتوراعا شي جينپيڭنىڭ ەرەكشە ۋاكىلى رەتىندە گاز الابىن قايتا گۇلدەندىرۋ 4 - مەرزىمدىك نىسانىنىڭ جۇمىس باستاۋ سالتىنا قاتىناسادى، جۇڭگو - تۇركىمەنستان سەلبەستىك كوميتەتىنىڭ 7 - رەتكى ءماجىلىسىن وتكىزەدى

«حالىق گازەتى»، 4 - ايدىڭ 13 - كۇنى، بەيجيڭ. سىرتقى ىستەر مينيسترلىگىنىڭ مالىمدەمەشىسى 4 - ايدىڭ 13 - كۇنى مىنانى جاريالادى: تۇركىمەنستان جاقتىڭ ۇسىنىسى بويىنشا، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 4 - ايدىڭ 15 - كۇنىنەن 17 - كۇنىنە دەيىن تۇركىمەنستاندا ساپاردا بولىپ، ءتوراعا شي جينپيڭنىڭ ەرەكشە ۋاكىلى رەتىندە گاز الابىن قايتا گۇلدەندىرۋ 4 - مەرزىمدىك نىسانىنىڭ جۇمىس باستاۋ سالتىنا قاتىناسادى. تۇركىمەنستاندا ساپاردا بولعان كەزدە، زۇڭليدىڭ ورىنباسارى ديڭ شۋەشياڭ جۇڭگو - تۇركىمەنستان سەلبەستىك كوميتەتىنىڭ جۇڭگو جاق ءتوراعاسى رەتىندە تۇركىمەنستان جاقپەن بىرگە كوميتەتتىڭ 7 - رەتكى ءماجىلىسىن باسقارىپ اشادى.