شي جينپيڭ بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتادى جانە ولاردان شىنايى حال سۇرادى

شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى. ”1 - مامىر“ حالىقارالىق ەڭبەكشىلەر مەرەكەسى كەلۋ بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتادى جانە ولاردان شىنايى حال سۇرادى.

شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋدىڭ جاڭا جورىعىندا قالىڭ ەڭبەكشى بۇقارا پارتيانىڭ توڭىرەگىنە تىعىز ىنتىماقتاسىپ، قايراتتانا شايقاسىپ، العا باسىپ، باتىلدىقپەن جاڭالىق اشىپ، جاسامپازدىق جاراتىپ، پارتيا مەن مەملەكەت ىستەرىنىڭ دامۋىنا ماڭىزدى ۇلەس قوستى.

شي جينپيڭ بىلاي دەپ باسا دارىپتەدى: بيىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، ”15 - بەسجىلدىق“ باستالعان جىل. قالىڭ ەڭبەكشى بۇقارانىڭ ەڭبەك ەرلەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، قاجىرلىلىقپەن ىستەپ، ناقتى ىستەپ، كاسىپتى قۇرمەتتەپ، ۇلەس قوسىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ بارىسىندا نەگىزگى كۇشتىك رولىن ساۋلەلەندىرىپ، قوجايىندىق كەلبەتىن ايگىلەۋىن ءۇمىت ەتەمىن. ءار دارەجەلى پارتكومدار مەن ۇكىمەتتەر قالىڭ ەڭبەكشى بۇقارانىڭ زاڭدى ۇقىق - مۇددەسىن شىن مانىندە قورعاپ، ولاردىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، قالىڭ ەڭبەكشى بۇقارانى ايبىندى جوبانى جۇزەگە اسىرۋ جولىندا قاجىماي - تالماي كۇرەس جۇرگىزۋگە جۇمىلدىرۋى، جىگەرلەندىرۋى كەرەك.