ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىندا سويلەنگەن ءسوز

شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى. 5 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 9 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىندا سويلەنگەن ءسوز» اتتى ماڭىزدى ماقالاسى جاريالانادى.

ماقالادا مىنالار باسا دارىپتەلدى: بەس جىلدىق جوبانى جاساۋ جانە اتقارۋدىڭ ءبىزدىڭ ماڭىزدى ساياسي ابزالدىلىعىمىز ەكەندىگىن جەتە تانۋىمىز كەرەك. بەس جىلدىق جوبانى جاساۋ جانە اتقارۋ پارتيانىڭ باسشىلىعىن جۇزەگە اسىرۋعا پايدالى، كۇشتى شوعىرلاندىرىپ ءىرى ىستەردى تىندىرۋعا پايدالى، ستراتەگيالىق ماسەلەلەردى بولجامپازدىقپەن يگەرۋگە پايدالى، ىستەردىڭ ۇلاسپالىلىعىن ساقتاۋعا پايدالى. بەس جىلدىق جوبانى جاساۋ جانە اتقارۋ − ساياسي سيپاتى، ساياسات سيپاتى وتە كۇشتى قىزمەت، ۇزاق ۋاقىتتىق اماليات بارىسىندا پارتيامىز مول تاجىريبەلەر جاراتتى، توپتادى. باستىلارى مىنالار: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ، ءىس جۇزىندىكتى شىعار ءتۇيىن ەتۋگە تاباندى بولۋ، بۇكىل ەل ءبىر تۇتاس جۇيە دەگەنگە تاباندى بولۋ، دەموكراتيانى ساۋلەلەندىرۋگە، كوپتىڭ اقىل - پاراساتىن شوعىرلاندىرۋعا تاباندى بولۋ، جوبانى زاڭ بويىنشا بەلگىلەۋ پرينسيبىنە تاباندى بولۋ. ءتۇزىم سەنىمىن ونان ارى بەكەمدەپ، ونى جاڭا ءىس جۇزىندىكپەن ۇزدىكسىز ۇشتاستىرىپ، وسى ارتىقشىلىقتى كەڭىنەن ساۋلەلەندىرۋىمىز كەرەك.

ماقالادا مىنالار اتاپ كورسەتىلدى: پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ستراتەگيالىق ورنالاستىرۋلارىن جان - جاقتى، تەرەڭ، دالمە - ءدال ءتۇسىنۋ جانە يگەرۋ كەرەك. جان - جاقتى بولۋ دەگەنىمىز «ۇسىنىستى» جالپى جاعداي كوز اياسىنان ءتۇسىنىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ءمانى، ءدوپ كەلەتىن جاعدايلارى، جەتەكشى يدەياسى، ماڭىزدى پرينسيبى، نىسانا - مىندەتتەرى، ساياساتتىق شارالارى سياقتىلاردى تۇتاس تۇلعا رەتىندە يگەرۋ. تەرەڭ بولۋ دەگەنىمىز «ۇسىنىستىڭ» ءتۇرلى ورنالاستىرۋلارىن جانە ونىڭ سولاي ەكەندىگىن بىلۋمەن بىرگە، نە ءۇشىن سولاي بولاتىنىن ءبىلۋ، ءارى نە ەكەندىگىن ءتۇسىنۋ، ءارى نە ءۇشىن ەكەندىگىن، قالاي ىستەۋ كەرەكتىگىن ءتۇسىنۋ. دالمە - ءدال بولۋ دەگەنىمىز «ۇسىنىستىڭ» ءتۇرلى ورنالاستىرۋلارىنداعى ساياساتتىڭ شەگى مەن ولشەمىن دالمە - ءدال يگەرىپ، ىستەۋگە تيىستىلەرىن، ءسوز جوق، ىستەۋ، ىستەۋگە بولاتىندارىن قۇلشىنا ىستەۋ، ىستەمەۋگە تيىستىلەرىن استە ىستەمەۋ.

ماقالادا مىنالار اتاپ كورسەتىلدى: ەل ءىشى - سىرتىنداعى جاڭا وزگەرىستەردى قىراعىلىقپەن يگەرۋ كەرەك. ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىس قاتار ءومىر سۇرگەن، ايقىنسىز، بولجاۋ قيىن فاكتورلار كوبەيگەن مەزگىلدە تۇر. بۇل − جاعداي جونىندەگى جالپىلىق تۇجىرىم. ءبىز جاعدايعا تالداۋ جاساۋدا، ءارى ءتۇرلى فاكتورلاردى جان - جاقتى ويلاستىرۋىمىز، ءارى ونداعى كەيبىر شەشۋشى فاكتورلارداعى جاڭا وزگەرىستەردى شەبەرلىكپەن يگەرۋىمىز كەرەك، مۇنداعى ماقسات جالپى جاعدايدى كوكەيدە ساقتاپ، بيىكتە تۇرىپ الىسقا كوز جىبەرىپ، ستراتەگيا جاعىندا تاباندىلىقتى ساقتاپ، سەنىمدى نىعايتىپ، تاكتيكا جاعىندا دەن قويا جوسپارلاپ، تيىمدىلىكتەردى تولىق پايدالانىپ، تيىمسىزدىكتەردى جويىپ، ەلىمىز دامۋىنىڭ ايقىندىلىعى مەن باياندىلىعىن ۇزدىكسىز كۇشەيتۋىمىز كەرەك.

ماقالادا مىنالار اتاپ كورسەتىلدى: وسىزاماندانعان كاسىپ سالاسى جۇيەسىن ىجداعاتتىلىقپەن قۇرۋىمىز كەرەك. وسىزاماندانعان كاسىپ سالاسى جۇيەسىن قۇرۋدا كاسىپ سالاسى جۇيەسىنىڭ جالپى تۇلعالىق جوعارىلاۋىن جۇزەگە اسىرۋ كەرەك. وڭىرلەر، سالالار ورىندى ءدال تاۋىپ، زەردەلىلەندىرۋ، جاسىلداندىرۋ، توعىستىرۋ بەتالىسىنا تاباندى بولىپ، سالىستىرمالى ارتىقشىلىقتى تولىق ساۋلەلەندىرىپ، جوعارعى، تومەنگى بۋىنداعى كاسىپ سالالارى ءوزارا ۇشتاسقان، ءارقايسىسى ارتىقشىلىقتارىن ايگىلەيتىن، ءبىر باعىتتا كۇش سالاتىن جاندى جاعداي قالىپتاستىرۋى كەرەك. وسىزاماندانعان كاسىپ سالاسى جۇيەسىنىڭ تىرەگى − وزىق جاساۋ كاسىبى. جاساۋ كاسىبىنىڭ ۇيلەسىمدى ارا سالماعىن ساقتاپ، وزىق جاساۋ كاسىبىن زور كۇشپەن دامىتۋ كەرەك. وسىزاماندانعان نەگىزدىك قۇرىلعىلار − وسىزاماندانعان كاسىپ سالاسى جۇيەسىنىڭ ورگانيكالىق قۇرامداس بولىگى. ۇسىنىلىم - ءونىم ەسەبىن جاساۋعا كوڭىل ءبولىپ، ۇيلەسىمدىلىگىن جوعارىلاتۋ كەرەك. جاڭاشا وندىرگىش كۇشتەردى دامىتۋ − وسىزاماندانعان كاسىپ سالاسى جۇيەسىن ورناتۋدىڭ قاجەتتى تالابى. جەرگىلىكتى جاعدايعا قاراي ىستەۋگە تاباندى بولىپ، عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ءىس جۇزىندىكتى تياناق ەتە وتىرىپ ىلگەرىلەتۋ كەرەك.

ماقالادا مىنالار اتاپ كورسەتىلدى: جاڭا دامۋ ارناسىن جەدەل قالىپتاستىرۋ ارقىلى ستراتەگيالىق ىرىقتىلىققا قول جەتكىزۋ كەرەك. ەلىمىزدىڭ جان سانى كوپ، بازارى ۇلكەن، كاسىپ سالاسى تولىق، دامۋ قوزعالىس قۋاتى كۇشتى، الەمدىك كاسىپ سالاسى تىزبەگىندەگى، قامداۋ تىزبەگىندەگى ورنىن باسۋ قيىن، بۇل − ەكونوميكامىزدىڭ ىشكى ارتۋىنىڭ، دەربەس دامۋىنىڭ نەگىز تياناعى. جاڭا دامۋ ارناسىن جەدەل قالىپتاستىرۋدا، ءسوز جوق، ەل ىشىندەگى ۇلكەن اينالىمدى نەگىزگى تۇلعا ەتۋگە تاباندى بولىپ، ىشكى سۇرانىستى ەلىمىز ەكونوميكاسى دامۋىنىڭ نەگىزگى قوزعاۋشى كۇشىنە اينالدىرۋ كەرەك. تۇتىنۋ مەن قارجى قوسۋدىڭ، سۇرانىس پەن قامداۋدىڭ قاتىناسىن دۇرىس ءبىر جاقتى ەتىپ، حالىق تۇرمىسىنا تيىمدىلىك جاساۋ مەن تۇتىنۋدى جەبەۋدى، زاتقا قارجى قوسۋ مەن ادامعا قارجى قوسۋدى تىعىز ۇشتاستىرۋعا تاباندى بولىپ، حالىق شارۋاشىلىعىنىڭ اينالىم ساپاسى مەن ونىمدىلىگىن قۇلشىنا جوعارىلاتۋ كەرەك. جاڭا دامۋ ارناسىن قالىپتاستىرۋدا، ءسوز جوق، ەل ءىشى، حالىقارا سىندى قوس اينالىمدى ىركىلىسسىزدەندىرۋ كەرەك. ەل ءىشى ۇلكەن اينالىمىن كۇشەيتۋ ارقىلى جوعارى دەڭگەيدە سىرتقا ەسىك اشۋداعى دەربەستىكتى جوعارىلاتىپ، حالىقارالىق اينالىمدى كەڭەيتۋ ارقىلى ەل ىشىندەگى رەفورمانىڭ، دامۋدىڭ ومىرشەڭ كۇشىن ارتتىرىپ، ىشكى - سىرتقى ۇلاسۋدى، ءوزارا جەبەپ بىرگە ىلگەرىلەۋدى شىن مانىندە جۇزەگە اسىرۋ كەرەك.

ماقالادا مىنالار اتاپ كورسەتىلدى: ەكونوميكا مەن قوعامنىڭ سايكەستى دامۋىن ىلگەرىلەتۋ كەرەك. ەكونوميكالىق دامۋ مەن قوعامدىق دامۋ ءبىر - ءبىرىن تولىقتايدى، بىرەۋىن دامىتىپ، تاعى بىرەۋىن تاستاپ قويۋعا بولمايدى. قوعامنىڭ دامۋىن جەبەۋدە حالىق تۇرمىسىن جاقسارتۋ ءتۇيىن بولىپ تابىلادى. ەكونوميكانى دامىتۋ مەن حالىق تۇرمىسىن جاقسارتۋدى ورگانيكالى ۇشتاستىرىپ، ەكونوميكالىق دامۋ ساياساتىن بەلگىلەگەندە حالىق تۇرمىسىن جاقسارتۋ تالابىن بىردەي كىرىستىرۋ، حالىق تۇرمىسى ساياساتىن بەلگىلەگەندە ەكونوميكانىڭ دامۋىن جەبەۋ اسەرىن بىردەي ەسكەرۋ كەرەك. قوعامنىڭ دامۋىن جەبەۋدە، ءسوز جوق، قوعامدىق باسقارۋدى ويداعىداي يگەرۋ كەرەك. پارتيا قۇرىلىسى ارقىلى جەتەكشىلىك ەتۋگە تاباندى بولىپ، زاڭمەن باسقارۋ قامتاماسىزدىعىن كۇشەيتىپ، نەگىزگى ساتىنىڭ نەگىزىن بەكەمدەپ، قوعامدىق باسقارۋ دەڭگەيىن شىن مانىندە جوعارىلاتۋ كەرەك. حاۋىپسىزدىك − دامۋدىڭ العى شارتى. ءسوز جوق، دامۋ مەن حاۋىپسىزدىكتى ءبىر تۇتاس جوسپارلاپ، جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، ەكونوميكا مەن قوعامنىڭ سەرپىمدىلىگىن ۇزدىكسىز كۇشەيتىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن بار كۇشپەن قورعاۋ كەرەك.

ماقالادا مىنالار اتاپ كورسەتىلدى: جوبانى عىلمي جاساۋدا، ءسوز جوق، ورنىن ءدال بەلگىلەۋ، شەكاراسى ايقىن بولۋ، فۋنكتسيا ارقىلى ءبىرىن - ءبىرى تولىقتاۋ، ءبىر تۇتاس ۇشتاسۋ تالابىن دايەكتىلەندىرىپ، عىلمي شەشىم جاساۋعا، دەموكراتيالى شەشىم جاساۋعا، زاڭ بويىنشا شەشىم جاساۋعا تاباندى بولۋ كەرەك. جەرگىلىكتى ورىننىڭ جوباسى مەن قاتىستى سالالاردىڭ ارناۋلى جوبالارىن مەملەكەتتىڭ جالپى تۇلعالىق جوباسىمەن ويداعىداي ۇشتاستىرىپ، مەملەكەتتىڭ جالپى تۇلعالىق جوباسىنىڭ رۋحى مەن تالابىن ايگىلەۋ، سونىمەن بىرگە جەرگىلىكتى جاعدايعا، ءىستىڭ جاعدايىنا قاراي ىستەپ، قاجەت پەن مۇمكىندىكتى بىرلىككە كەلتىرىپ، تۇراقتاندىرىلعان ەكەن ورىندالۋىنا، تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك.

ماقالادا مىنالار اتاپ كورسەتىلدى: پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن ورەسىن كۇش سالا جوعارىلاتۋ كەرەك. ءبىرىنشى، ۇيرەنۋدى ونان ارى كۇشەيتۋ كەرەك. پارتيانىڭ جاسامپازدىق نازارياسىن ۇڭىلە زەرتتەپ، پارتيا ورتالىق كوميتەتىنىڭ كەلەلى باعىت - ساياساتتارى مەن شەشىم - ورنالاستىرۋلارىن جەتە ءتۇسىنىپ، ساياسي قابىلەت پەن ستراتەگيالىق ويلاۋ قابىلەتىن جوعارىلاتىپ، كاسىپتىك جەتىلىمدى جوعارىلاتىپ، اماليات بارىسىندا وسىزامانداندىرۋ قۇرىلىسى قابىلەتىن ۇزدىكسىز كۇشەيتۋ كەرەك. ەكىنشى، دۇرىس ناتيجە كوزقاراسىن ورناتۋ جانە امالياتتا ايگىلەۋ كەرەك. ءىس جۇزىندىكتى شىعار ءتۇيىن ەتۋگە، زاڭدىلىق بويىنشا ىستەۋگە تاباندى بولىپ، عىلمي شەشىم جاساۋ جانە ناقتى ىستەۋ، قاجىرلىلىقپەن ىستەۋ ارقىلى اماليات پەن تاريحتىڭ سىنىنان وتە الاتىن، حالىقتى ناعىز باقىتقا كەنەلتەتىن، بۇقارا مويىندايتىن ناتيجە جاراتۋ كەرەك. ءۇشىنشى، كۇرەسكەرلىك رۋحتى زور كۇشپەن اسقاقتاتۋ كەرەك. باتىلدىقپەن كۇرەس جاساپ، شەبەرلىكپەن كۇرەس جاساپ، حاۋىپ - قاتەرلەردى، كومەسكى كىناراتتاردى دەر كەزىندە باتىلدىقپەن جويىپ، ءتيىمسىز فاكتورلاردى جاۋدى جەڭىپ، جەڭىسكە جەتۋدەگى ۇتىمدى شارت - جاعدايعا قۇلشىنا اينالدىرۋ كەرەك. ءتورتىنشى، شىرىكتەسۋدى بۇلجىماي جازالاۋ - جونگە سالۋ كەرەك. شىرىكتەسۋگە قارسى تۇرۋدىڭ تەگەۋرىندى كۇيىن باستان - اياق ساقتاپ، ءبىر قادام دا ايالداماي، جارتى قادام دا جول بەرمەي، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، ۇقىقتى شىن مانىندە ءتۇزىم قاپاسىندا ۇستاپ، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايىن كۇش سالا جويۋ كەرەك.