حالىقارادا مۇناي باعاسى كورنەكتى جوعارىلادى 

ا ق ش مەن يران اراسىنداعى بەيبىتشىلىك كەلىسسوزىنىڭ ساتسىزدىككە ۇشىراۋى بازارداعى حاۋىپ – قاتەردىڭ باعاعا جاساعان ىقپالىن جوعارىلاتقاندىقتان، حالىقارادا تابيعي مۇنايدىڭ كەسىكتى باعاسى 5 - ايدىڭ 10 – كۇنى كەشتە جاڭا ءبىر اپتالىق ساۋدا باستالعاندا كورنەكتى جوعارىلادى.

ا ق ش - نىڭ شىعىس بولىك ۋاقىتى بويىنشا 5 – ايدىڭ 10 – كۇنى ساعات 19 دان 10 مينۋت وتكەنگە دەيىن، نيۋ – يورك تاۋار بيرجاسىندا 6 – ايدا تاپسىرىلاتىن جەڭىل قۇرامدى تابيعي مۇنايدىڭ كەسىكتى باعاسى 2.91 ا ق ش دوللارى جوعارىلاپ، ءار باررەلى 98.33 دوللارىنا جەتىپ، قىمباتتاۋ مولشەرى %3.05 بولدى؛ 7 – ايدا تاپسىرىلاتىن لوندون برەنت تابيعي مۇنايىنىڭ كەسىكتى باعاسى 3.13 ا ق ش دوللارى جوعارىلاپ، ءار باررەلى 104.42 دوللارعا جەتىپ، قىمباتتاۋ مولشەرى %3.09 بولدى.

ا ق ش زۇڭتۇڭى ترامپ 5 - ايدىڭ 10 - كۇنى الەۋمەتتىك جەلىدە ماقالا جاريالاپ، يران جاقتىڭ جاۋابىنا نارازى بولعاندىعىن، ونى ”بۇكىلدەي قابىلداۋعا بولمايتىنىن“ ايتقان. يران اقپارات تەلەۆيزياسىنىڭ 5 - ايدىڭ 10 - كۇنى كەشكى حابارىنا قاراعاندا، يران ا ق ش ورتاعا قويعان جوباعا تويتارىس جاساعان، بۇل جوبانى ماقۇلداۋ يران ترامپتىڭ شەكتەن اسقان تالابىنا ەرىكسىز باعىندى دەگەندىك دەپ قاراعان.

ا ق ش مەن يران بەيجيڭ ۋاقىتى بويىنشا 4 - ايدىڭ 8 - كۇنى اتىستى توقتاتقاننان كەيىن، ەكى جاق كوپ رەت قايتالاي كەلىسسوز وتكىزدى، ەكى جاقتىڭ تەز ارادا كەلىسىم جاساسۋى جانە حورمۇز بۇعازىنداعى قاتىناستىڭ قالپىنا كەلۋى جونىندە بازارداعى ۇمىتكە تولى بولجام ساتسىزدىككە ۇشىرادى.

كەلۋ قاينارى: حالىق تورابى