ءبىرىنشى توقساندا مەملەكەت بويىنشا تۇتىنۋشىلار بىرلەستىگى ۇيىمدارى تۇتىنۋشىلار ءۇشىن 216 ميلليون يۋان ەكونوميكالىق زياننىڭ ورنىن تولتىردى 

ءتىلشىنىڭ بۇگىن جۇڭگو تۇتىنۋشىلار بىرلەستىگىنەن ۇعىسۋىنشا، بيىلعى ءبىرىنشى توقساندا مەملەكەت بويىنشا تۇتىنۋشىلار بىرلەستىگى ۇيىمدارى تۇتىنۋشىلاردان جيىنى 470 مىڭ 100 دانا ارىز قابىلداپ، 277 مىڭ 267 داناسىن شەشىم ەتىپ، تۇتىنۋشىلار ءۇشىن 216 ميلليون يۋان ەكونوميكالىق زياننىڭ ورنىن تولتىرعان.

ارىز بەرۋ سيپاتىنا نەگىزدەلىپ تالداۋ جاساعاندا، سالىستىرماسى الدىڭعى ءۇش ورىندى يەلەگەندەر مىنالار: زاتتى ساتقاننان كەيىنگى قىزمەت وتەۋگە ساياتىن ماسەلە %27.82، توقتامعا ساياتىن ماسەلە %22.34، ساپاعا ساياتىن ماسەلە %19.34.

2025 - جىلعى ءبىرىنشى توقسانداعىمەن سالىستىرعاندا، زاتتى ساتقاننان كەيىنگى قىزمەت وتەۋ، جالعان ۇگىت جاساۋ، باعا ماسەلەسى جونىندەگى ارىز سالىستىرماسى ارتقان، توقتام، ساپا، ولشەۋ ماسەلەسى جونىندەگى ارىز سالىستىرماسى تومەندەگەن.

مۇندا، بارلىق ارىز ىشىندە، تاۋار تۇرىندەگىلەر جونىندەگى ارىز 237 مىڭ 224 دانا بولىپ، جالپى ارىز مولشەرىنىڭ %50.46 ىن ۇستاپ، 2025 - جىلعى ءبىرىنشى توقسانداعىمەن سالىستىرعاندا، سالىستىرماسى 2.81 پايىز تومەندەگەن؛ قىزمەت وتەۋ تۇرىندەگى ارىز 213 مىڭ 99 دانا بولىپ، جالپى ارىز مولشەرىنىڭ %45.33 ىن ۇستاپ، سالىستىرماسى 4.10 پايىز ارتقان.

تاۋار تۇرىندەگىلەر جونىندەگى ارىزدار اراسىندا، ارىز مولشەرى الدىڭعى بەس ورىندى يەلەگەندەر جەكە – جەكە: كيىم - كەشەك، جاي ازىق - تۇلىك، حابارلاسۋ تۇرىندەگى بۇيىمدار، اياق كيىم، اۆتوموبيل جانە بولشەكتەرى بولدى. قىزمەت وتەۋگە ساياتىن ارىزدار اراسىندا، ارىز مولشەرى الدىڭعى بەس ورىندى يەلەگەندەر جەكە – جەكە: تيجاراتتىق ينتەرنەت قىزمەتى، اس - سۋ، كۋرس، الىس ارالىقتان ساتىپ الۋ، اجارلاندىرۋ جانە شاش ساندەۋ بولدى.

(باس ستانسيانىڭ ورتالىق تەلەۆيزيا ءتىلشىسى گاۋ جيە)

كەلۋ قاينارى: حالىق تورابى