شي جينپيڭ تاجىكستاننىڭ زۇڭتۇڭى راحمونمەن كەڭەس وتكىزدى

5 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەت ىستەرى ساپارىمەن كەلگەن تاجىكستاننىڭ زۇڭتۇڭى راحمونمەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

5 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەت ىستەرى ساپارىمەن كەلگەن تاجىكستاننىڭ زۇڭتۇڭى راحمونمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا راحموندى قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 5 - ايدىڭ 12 - كۇنى، بەيجيڭ (ءتىلشى ۋىن شين). مەملەكەت ءتوراعاسى شي جينپيڭ 5 - ايدىڭ 12 - كۇنى تۇستەن كەيىن بەيجيڭدەگى حالىق سارايىندا جۇڭگوعا مەملەكەت ىستەرى ساپارىمەن كەلگەن تاجىكستاننىڭ زۇڭتۇڭى راحمونمەن كەڭەس وتكىزدى.

شي جينپيڭ تاجىكستان تاۋەلسىزدىگىنىڭ 35 جىلدىعىن ءارى مەملەكەت قۇرىلىسىندا كەلەلى تابىستارعا قول جەتكىزگەندىگىن قۇتتىقتادى. شي جينپيڭ بىلاي دەپ اتاپ كورسەتتى: ءوزارا تاباندىلىقپەن قولداۋ _ جۇڭگو - تاجىكستان قارىم - قاتىناسىنىڭ وزەكتى ءمانى. سىرتقى ورتا قالاي وزگەرسە دە، جۇڭگو - تاجىكستان ەكى ەل ماڭگى ءبىر - بىرىنە قارايلاسىپ كومەكتەسەتىن جاقسى كورشىلەر، بۇكپەسىز، ءوزارا سەنەتىن جاقسى دوستار، قول ۇستاسا داميتىن جاقسى سەرىكتەر. ەكى جاق «جۇڭگو مەن تاجىكستاننىڭ ماڭگىلىك تاتۋ كورشىلىك دوستىق سەلبەستىك شارتىنا» قول قويىپ، ەكى ەلدىڭ جوعارى دەڭگەيلى ساياسي ءوزارا سەنىمدىلىگىن تولىق ايگىلەپ، جۇڭگو مەن تاجىكستاننىڭ ۇرپاقتار بويى دوستىعى ءۇشىن بەرىك قامتاماسىزدىق ازىرلەدى.

جۇڭگو جاق تاجىكستان جاقپەن بىرگە، اناعۇرلىم تىعىز جۇڭگو - تاجىكستان تاعدىرلاس ورتاق تۇلعاسىن قۇرۋدى ىلگەرىلەتىپ، ەكى ەل حالقىن اناعۇرلىم باقىتقا كەنەلتۋدى قالايدى.

شي جينپيڭ بىلاي دەپ باسا دارىپتەدى: جۇڭگو جاق تاجىكستاننىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى، تاجىكستان جاقتىڭ مەملەكەتتىڭ تاۋەلسىزدىگىن، يەلىك ۇقىعىن جانە حاۋىپسىزدىگىن قورعاۋىن قولدايدى. بيىل − جۇڭگونىڭ ”15 - بەسجىلدىعىنىڭ“ باستاما جىلى، تاجىكستان جاق تا ”2030 - جىلدان بۇرىنعى مەملەكەتتى دامىتۋ ستراتەگياسىن“ بار كۇشپەن ىلگەرىلەتۋدە. ەكى جاق ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى نەگىزگى جەلى ەتىپ، دامۋ ستراتەگيالارىن ىشكەرىلەي ۇشتاستىرىپ، وزدەرىنىڭ دامۋ نىسانالارىنا دەم بەرۋى كەرەك. ەكونوميكا - ساۋدا سەلبەستىگىنىڭ تاماشا اۋقىمىن بەكەمدەپ، سەلبەستىكتىڭ كومەسكى كۇشىن اشىپ، ساۋداعا قارجى قوسۋدىڭ كولەمى مەن ساپاسىن تەڭ قادامدا جوعارىلاتۋ؛ ءتۇيىندى نىسانداردىڭ اتقارىلۋىن قامتاماسىز ەتىپ، جاسىل ەنەرگيا، سيفرلى ەكونوميكا، زەردەلى قالا، جاساندى زەردە سياقتى سەلبەستىكتەردى كەڭەيتىپ، عىلىم - تەحنيكادا جاڭالىق اشۋدىڭ قوزعاۋشى قۋاتىن جوعارىلاتۋ؛ گۋمانيتارلىق اۋىس - كۇيىستى تەرەڭدەتىپ، جەرگىلىكتى ورىندار سەلبەستىگىنىڭ جاڭا ۇلگىسىن تۇلعالاپ، ەكى ەل حالقىنىڭ ءوزارا ءتۇسىنىسۋىن، جاقىنداسۋىن جەبەۋ؛ زاڭ اتقارۋ جانە حاۋىپسىزدىك سەلبەستىگىن كۇشەيتىپ، ”ءۇش ءتۇرلى كۇشكە“ باتىل سوققى بەرىپ، ءوڭىردىڭ ورنىقتىلىعىن بىرگە قورعاۋ كەرەك. جۇڭگو جاق تاجىكستان جاقتىڭ حالىقارالىق جاراستىرۋ مەكەمەسىنە كىرۋىن قارسى الادى، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، جۇڭگو - ورتا ازيا مەحانيزمى سياقتى جۇلگەدە سەلبەستىكتى كۇشەيتىپ، ناعىز كوپ جاقتىلىقتى امالياتتا ايگىلەپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن ورناتۋدى ىلگەرىلەتۋدى قالايدى.

راحمون مىنالاردى ءبىلدىردى: جاڭا داۋىردەگى تاجىكستان مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسى ۇزدىكسىز تەرەڭدەپ، دامىپ، ساۋدا، قارجى قوسۋ، قاتىناس، اۋىل شارۋاشىلىعى سياقتى سالالارداعى سەلبەستىگى اسا ناتيجەلى بولدى، كەلەلى نىساندار ءساتتى ىلگەرىلەپ، گۋمانيتارلىق اۋىس - كۇيىس كۇن سايىن جيىلەپ، ەكى ەل حالقىنا ىرىس - قۇت اكەلدى. ەكى جاق بۇگىن قول قويعان «تاجىكستان مەن جۇڭگونىڭ ماڭگىلىك بەرەكەلى كورشىلىك، دوستق سەلبەستىك شارتى» ەكى ەل قارىم - قاتىناسىنىڭ جاڭا تاريحي باسقىشقا قادام قويعاندىعىنان دەرەك بەرەدى، ەكى ەلدىڭ ۇزاق مەرزىمدىك سەلبەستىگىنە جاڭا بولاشاق اشادى. تايۋان _ جۇڭگونىڭ ايرىلماس ءبىر بولىگى، تاجىكستان جاق ءبىر جۇڭگو پرينسيبىن باتىل اتقارادى. تاجىكستان جاق جۇڭگو جاقپەن شەشۋشى كەن ونىمدەرى، جاساندى زەردە، عىلىم - تەحنيكادا جاڭالىق اشۋ سياقتى سالالارداعى ناقتى سەلبەستىكتى كۇشەيتىپ، ادامداردىڭ بارىس - كەلىسىنە قولايلىلىق جاساپ، وقۋ - اعارتۋ اۋىس - كۇيىسىن كۇشەيتىپ، ەكى ەل قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى ءۇمىت ەتەدى. ءتوراعا شي جينپيڭنىڭ دۇنيە جۇزىلىك جونگە سالۋ باستاماسىن العا قويۋى دۇنيە ءجۇزى جونىنەن كەلەلى ماڭىز الادى. تاجىكستان جاق جۇڭگونىڭ حالىقارالىق قولامتالى ماسەلەلەردى ساياسي جولمەن شەشۋ ءۇشىن قاجىماي - تالماي قۇلشىنىپ، ورتا شىعىس جاعدايىن باسەڭدەتۋدە ماڭىزدى رول اتقارعاندىعىن بارىنشا القايدى. تاجىكستان جاق جۇڭگو جاقپەن كوپ جاقتى سەلبەستىكتى كۇشەيتىپ، ”ءۇش ءتۇرلى كۇشكە“ جانە مەملەكەت اتتاعان قىلمىسقا بىرگە سوققى بەرىپ، ءوڭىردىڭ ورنىقتىلىعىن قورعاۋدى قالايدى.

كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن تاجىكستان رەسپۋبليكاسىنىڭ ماڭگىلىك بەرەكەلى كورشىلىك، دوستق سەلبەستىك شارتىنا»، «جۇڭحۋا حالىق رەسپۋبليكاسى مەن تاجىكستان رەسپۋبليكاسىنىڭ جاڭا داۋىردەگى جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋ جونىندەگى بىرلەسكەن مالىمدەمەسىنە» قول قويدى جانە ونى جاريالادى، ساياسي پارتيالاردىڭ اۋىس - كۇيىسى، ەكونوميكا - ساۋدا، قارجى قوسۋ، جاساندى زەردە، جاسىل كەن ونىمدەرى، اقپارات قۇرالدارى سياقتى سالالارداعى 10 نان استام سەلبەستىك قۇجاتىنا قول قويۋعا كۋا بولدى.

ساپار كەزىندە ەكى جاق تاعى اۋىل شارۋاشىلىعى، مادەنيەت، وقۋ - اعارتۋ، تۇرعىن ءۇي قۇرىلىسى، تەكسەرۋ - كارەنتيندەۋ، بازار باقىلاۋ سياقتى سالالارداعى 10 نەشە سەلبەستىك قۇجاتىنا قول قويدى.

كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا راحموندى قارسى الۋ سالتىن وتكىزدى.

راحمون كەلگەندە قۇرمەت قاراۋىلى ساپ تۇزەپ قۇرمەت ءبىلدىردى.

ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن تاجىكستان ەكى ەلدىڭ مەملەكەت اندەرىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى.

راحمون شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى كەشتە شي جينپيڭ حالىق سارايىنىڭ التىن ءتۇستى زالىندا راحمونعا ارناپ قارسى الۋ قوناعاسىن بەردى.

ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى