شي جينپيڭ بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باسالقاسى ەنانيمەن كەزدەستى

5 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باسالقاسى ەنانيمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

شينحۋا اگەنتتىگى، 5 - ايدىڭ 12 - كۇنى، بەيجيڭ (ءتىلشى ۋىن شين). 5 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باسالقاسى ەنانيمەن كەزدەستى.

شي جينپيڭ بىلاي دەپ اتاپ كورسەتتى: بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمى ءار ەل حالقىنىڭ ءوزارا ءتۇسىنىسۋىن، سەنىمدىلىگىن ارتتىرۋ، تۇرلىشە وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتۋ ءۇشىن ماڭىزدى ۇلەس قوستى، سونداي - اق دۇنيە جۇزىلىك وقۋ - اعارتۋدى، عىلىمدى، مادەنيەتتى جونگە سالۋعا رەفورما جاساپ، ونى كەمەلدەندىرۋ ءۇشىن بەلسەندى رول اتقاردى. جۇڭگو جاق بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ قىزمەتىن بەلسەنە قولدايدى، ەكى جاق دۇنيە ءجۇزىنىڭ بەيبىتشىلىگىن قورعاۋ، دۇنيە ءجۇزىنىڭ دامۋىن جەبەۋ جولىندا بىرگە كوپتەگەن ءىس ىستەدى. جۇڭگو جاق بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىمەن ستراتەگيالىق سەلبەستىكتى تەرەڭدەتىپ، دۇنيە جۇزىندەگى ءار ەل حالقىن اناعۇرلىم باقىتقا كەنەلتۋدى قالايدى.

شي جينپيڭ بىلاي دەپ باسا دارىپتەدى: قازىر بەيبىتشىلىك، دامۋ، سەلبەستىك، تەڭ يگىلىككە كەنەلۋ سىندى ءداۋىر اعىمى وزگەرگەن جوق، ءبىراق قىرعي قاباقتىق وي، زورەكەرلىك، سىڭار جاقتىلىق قايتا باس كوتەرىپ، دۇنيە ءجۇزىن جونگە سالۋ جاڭا جول ايرىعىنا كەلدى.

جۇڭگو جاق باستان - اياق ناعىز كوپ جاقتىلىقتى امالياتتا ايگىلەپ، بىرلەسكەن مەملەكەتتەر ۇيىمىنىڭ بەدەلىن قولداپ جانە قورعاپ، بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمىنىڭ دۇنيە جۇزىلىك جونگە سالۋدا ماڭىزدى رول اتقارۋىن قولدايدى. جۇڭگو جاق بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىمەن بىرگە 4 ۇلكەن دۇنيە جۇزىلىك باستامانى ويداعىداي تياناقتاندىرىپ، ءار ەل حالقىن وقۋ - اعارتۋ، عىلىم، مادەنيەت دامۋىنىڭ جەتىستىكتەرىنەن بىرگە يگىلىكتەندىرىپ، ادامزات قوعامى ءدوپ كەلگەن ورتاق سىن - سايىسقا اناعۇرلىم ويداعىداي توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋدى قالايدى. ەكى جاق جاساندى زەردە، اشىق عىلىم، سيفرلى وقۋ - اعارتۋ سياقتى سەلبەستىكتەردى تەرەڭدەتىپ، دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى دارىپتەپ، تۇرلىشە وركەنيەتتىڭ ءوزارا قۇرمەت ەتۋىن، جاراسىمدى قاتار تۇرۋىن ىلگەرىلەتىپ، دۇنيە جۇزىندەگى وڭتۇستىك ەلدەرمەن سەلبەستىكتى كۇشەيتىپ، مادەنيەت مۇرالارىن قورعاۋدى جانە وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتۋى كەرەك.

ەناني مىنالاردى ءبىلدىردى: بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باس القاسى رەتىندە جۇڭگودا تۇڭعىش رەت ساپاردا بولعانىمدى ماقتانىش سەزىنەمىن. مەن مۇشە ەلدەرمەن ىنتىماقتاسىپ، پىكىرلەسۋدى، سەلبەسۋدى دارىپتەپ، ءوزارا ءتۇسىنىسۋدى جەبەپ، وركەنيەتتەردىڭ ءوزارا ۇلگى الۋىن كۇشەيتىپ، ادامزاتقا قىزمەت وتەيتىن بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمىن قۇرۋدى ءۇمىت ەتەمىن. جۇڭگو جاقتىڭ ۇزاق ۋاقىتتان بەرى بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىن زور كۇشپەن قولداپ - قۋاتتاعاندىعىنا العىس ايتامىن، ءتوراعا شي جينپيڭنىڭ 2014 - جىلى ساپارلاي كەلگەندە سويلەگەن ماڭىزدى ءسوزى كۇنى كەشەگىدەي ەسىمىزدە. بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمى جۇڭگو جاقپەن سەلبەستىكتى ۇزدىكسىز كۇشەيتىپ، دۇنيە ءجۇزىنىڭ وقۋ - اعارتۋ، مادەنيەت دەڭگەيىن جوعارىلاتىپ، عىلىم - تەحنيكا اۋىس - كۇيىسىن جەبەپ، جاساندى زەردە سەلبەستىگىن تەرەڭدەتىپ، دۇنيە جۇزىلىك 4 ۇلكەن باستامانى بىرگە تياناقتاندىرىپ، بۇكىل ادامزاتتىڭ ىرىس - قۇتىن ارتتىرۋدى ءۇمىت ەتەدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى