الداعى بەس جىلدا ”جاقسى ۇيلەر“ بىلاي سالىنادى 

مەملەكەتتىك كەڭەستىڭ اقپارات كەڭسەسى 6 – ايدىڭ 9 - كۇنى ساياساتتى تانىستىرۋ جونىندەگى كەزەكتى جينالىسىن اشتى. تۇرعىن ءۇي جانە قالا – اۋىل قۇرىلىسى مينيسترلىگى قاتارلى تاراۋلار «قالانى جاڭارتۋدىڭ ”15 - بەسجىلدىق“ جوسپارىنىڭ» باستى مازمۇنى مەن ءتۇيىندى مىندەتتەرىن تانىستىردى.

جاقسى ءۇي، جاقسى شاعىن اۋماق، جاقسى الەۋمەتتىك اۋماق، جاقسى قالا رايونى قۇرىلادى

حالىق تۇرمىسىنا ساياتىن ءبىر توپ ينجەنەريا جەدەل تياناقتاندىرىلادى

ورتالىق تەلەۆيزيا قازىنا – ەكونوميكا ارناسى ءتىلشىسىنىڭ جينالىستان ۇعىسۋىنشا، «قالانى جاڭارتۋدىڭ ”15 - بەسجىلدىق“ جوسپارىندا» قالا – قالاشىقتارداعى حاۋىپتى ەسكى ۇيلەردى جوندەۋ، قالا – قالاشىقتارداعى ەسكى شاعىن اۋماقتاردى جوندەۋ قاتارلى 10 ءتۇرلى جوسپار كورسەتكىشى بەلگىلەنىپ، حالىق تۇرمىسىنا ساياتىن ءبىر توپ ينجەنەريا، دامۋ ينجەنەرياسى جانە حاۋىپسىزدىك ينجەنەرياسى جونىندە ورنالاستىرۋ جاسالعان. تۇرعىن ءۇي جانە قالا – اۋىل قۇرىلىسى مينيسترلىگىنىڭ قاتىستى جاۋاپتىسى مىنانى ءبىلدىردى: جاقسى ءۇي، جاقسى شاعىن اۋماق، جاقسى الەۋمەتتىك اۋماق، جاقسى قالا رايونى سىندى ءتورت جاقتان «قالا جاڭارتۋدىڭ ”15 - بەسجىلدىق“ جوسپارىنىڭ» تياناقتاندىرىلۋى ىلگەرىلەتىلەدى.

جاقسى ءۇي قۇرىلىسى جاعىندا:

· ءبىرىنشى، جاڭا سالىناتىن ءۇيدىڭ ساپاسىن جوعارىلاتىپ، تۇرعىن ءۇي ولشەمى، جوبالاۋ، ماتەريال، سالۋ، پايدالانۋ – قورعاۋ دەڭگەيى تۇتاس تىزبەك بويىنشا جوعارىلاتىلادى؛

• ەكىنشى، ەسكى ۇيلەردى جاڭالاۋ جانە جوندەۋدى مىقتى يگەرىپ، تۇرعىنداردى تۇرعىنءۇيدى اشەكەيلەۋگە جانە وزگەرتۋگە شابىتتاندىرىپ، قۇراستىرۋ فورماسىنداعى اشەكەيلەۋ مەن قارتتارعا ۇيلەسىمدى ەتىپ، ىركىلىسسىز ەتىپ وزگەرتۋدى جالپىلاستىرىپ، ەسكى تۇرعىن ۇيلەردى ءوزى جاڭالاۋعا، بۇزعان ورنىنا قايتا سالۋعا شابىتتاندىرادى.

تۇرعىن ءۇي جانە قالا – اۋىل قۇرىلىسى مينيسترلىگىنىڭ ورىنباسار مينيسترى چين حايشياڭ: جاقسى شاعىن اۋماق جاعىندا، ”15 - بەسجىلدىق“ مەزگىلىندە قالا – قالاشىقتارداعى ەسكى شاعىن اۋماقتاردان 115 مىڭ شاعىن اۋماقتى وزگەرتىپ سالۋ نىسانى جاڭادان باستالادى. تابيعي گاز، سۋمەن قامداۋ، جىلۋمەن قامداۋ، جول قاتارلى نەگىزدىك قۇرىلعىلاردى جوندەۋگە، دارەجەسىن جوعارىلاتۋعا، شارت – جاعدايى بار عيماراتتارعا ليفت ورناتۋعا قولداۋ كورسەتىلەدى. جاقسى الەۋمەتتىك اۋماق جاعىندا، 5000 الەۋمەتتىك اۋماق سالىنادى نەمەسە وزگەرتىلەدى، الەۋمەتتىك اۋماقتاعى قارتتاردى كۇتىمدەۋ، بالانى باعۋعا اماناتتاۋ قاتارلى الەۋمەتتىك قىزمەت وتەۋ قۇرىلعىلارى كەمەلدەندىرىلەدى. جاقسى قالا رايونى جاعىندا، ساقتالعان بايلىقتان تولىق پايدالانىپ، الەۋمەتتىك قىزمەت وتەۋ قۇرىلعىلارى جاعىنداعى جەتەرسىزدىكتەر تولىقتانىپ، جول تورى قۇرىلىمى ساپالىلاندىرىلىپ، اۆتوموبيل توقتاتۋ قۇرىلعىلارى جاعىنداعى ولقىلىقتار تولىقتانادى.

كەلۋ قاينارى: حالىق تورابى