قورعانىس مينيسترلىگى: 2026 – جىلى بۇكىل ارمياداعى مەكتەپتەر 17 مىڭ 500 ادەتتەگى ورتا مەكتەپ بىتىرگەن وقۋشىنى قابىلداۋدى جوسپارلادى

جۇڭگو اقپارات تورابىنىڭ 6 – ايدىڭ 9 – كۇنى بەرگەن حابارى. قورعانىس مينيسترلىگى تورابىنىڭ حابارىنا قاراعاندا، 6 – ايدىڭ 9 - كۇنى تۇستەن كەيىن قورعانىس مينيسترلىگىنىڭ اقپارات مالىمدەمەشىسى جاڭ شياۋگاڭ داشياۋ تاياۋداعى ارمياعا ساياتىن ماسەلەلەر جونىندە حابار جاريالادى.

جاڭ شياۋگاڭ بىلاي دەدى: 2026 – جىلى بۇكىل ارمياداعى 22 مەكتەپ 17 مىڭ 500 ادەتتەگى ورتا مەكتەپ بىتىرگەن وقۋشىنى قابىلداۋدى جوسپارلادى. اسكەري مەكتەپتەردىڭ وقۋشى قابىلداۋ قىزمەتى ساياسي رەتتەۋ ـ جاتتىعۋدى تەرەڭدەتۋ تالابىن جاپپاي تياناقتاندىرىپ، اسكەري بولىمدەردىڭ سوعىس جۇرگىزۋ، قۇرىلىس جۇرگىزۋ، زاپاس ساقتاۋ، جونگە سالۋ دارىندىلارىنىڭ قاجەتىن دالمە - ءدال ۇشتاستىرىپ، جاڭا اسكەري مەكتەپتەردىڭ تاربيەلەۋ، باۋلۋ مىندەتى جوباسىنا ساي، وقۋشى قابىلداۋ جوسپارىن عىلىمي جاسادى، مۇنىڭ باستى 3 ەرەكشەلىگى بار:

ءبىرىنشى، –وقۋ بىتىرگەن سوڭ وفيتسەر بولاتىن وقۋشىلاردى تۇتاستىرىپ تاربيەلەۋدى ورنالاستىرىپ، تولىق كۋرس وقۋ - اعارتۋ ساتىسىندا تاربيەلەنۋشىلەردىڭ عىلىم، مادەنيەت، اسكەري - اكىمشىلىك ساپاسى مەن كاسىپتىك نەگىزىن بەكەمدەپ، قولباسشىلىق ساپاسىن جەتىلدىرۋگە ءمان بەرىپ، ۇزاق بولاشاقتىق دامۋ كومەسكى كۇشىن بەكەمدەپ، اسكەري بولىمدەردىڭ قىزمەتكە شىعۋدان بۇرىنعى كۋرسىنا بەرىك نەگىز قالاۋ كەرەك.

ەكىنشى، ساياسي وفيتسەرلەردى باعىتتامالى تاربيەلەۋدى كۇشەيتىپ، مەملەكەت قورعانىسى عىلىم ـ تەحنيكا داشۋەسىنە سۇيەنىپ، ماركسيزم نازارياسى، يدەيالىق ـ ساياسي تاربيە سىندى 2 كاسىپتى اشىپ، جاس وقۋشىلاردى قابىلداپ، ارميامىزدىڭ ساياسي وفيتسەرلەر قوسىنىن تۋ باستان بەكەمدەۋ، كۇشەيتۋ كەرەك.

ءۇشىنشى، كلينيكالىق مەديتسينا ”3+5“ ءبىر تۇلعالانعان باۋلۋدى ورىستەتىپ، بيىلدان باستاپ قۇرلىق ارمياسى، تەڭىز ارمياسى، اۋە ارمياسى سىندى 3 اسكەري مەديتسينا داشۋەسىندە 5 جىلدىق مەديتسينالىق تولىق كۋرس تاربيەسى مەن 3 جىلدىق ماگيسترلىق كاسىپتىك عىلىمي اتاق اسپيرانتتىق تاربيەسى، بالنيتسا شيپاگەرلەرىن جۇيەلى باۋلۋ ءوزارا ۇشتاسقان ءبىر تۇلعالانعان باۋلۋ جۇيەسىن ورناتىپ، جوعارى ساپالى، ماماندانعان دەنساۋلىق ساقتاۋ قىزمەت وتەۋ ەمدەۋ قوسىنىن جەتىلدىرۋ، شىڭداۋ كەرەك. بۇدان سىرت، جوعارى مەكتەپتەردىڭ ەرەكشە ابزال پاندەرىنە سۇيەنىپ، جاڭادان گۇلدەنگەن تەحنيكا سالاسىنداعى دارىندىلاردى تاربيەلەۋدى ۇزدىكسىز ورىستەتۋ كەرەك.

جاڭ شياۋگاڭ بىلاي دەپ تانىستىردى: قورعانىس مينيسترلىگى ءتىپتى دە كوپ جىگەرلى جاستاردىڭ اسكەري مەكتەپكە ەمتيحان بەرىپ، جالىندى اسكەري كازارمادا جاستىق جىرىن اسقاقتاتىپ، دۇنيە جۇزىندەگى ماڭداي الدى ارميانى جەدەل قۇرۋعا سارقىلماس قوزعاۋشى كۇش قوسۋىن ءۇمىت ەتەدى. ەندى ەمتيحان بەرۋشىلەر مەن اتا - انالاردى اسكەري مەكتەپتەردىڭ رەسمي وقۋشى قابىلداۋ حابارلاندىرۋىنا نازار اۋدارۋعا ۇسىنىس ەتەمىز، سونداي - اق توراپتا وقۋشى قابىلداۋ الدامشىلىعى مەن جالعان ينفورماتسيالاردان قىراعى بولۋدى ەسكەرتەمىز.

كەلۋ قاينارى: حالىق تورابى