ورتالىق كوميتەتتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ قىزمەتى بويىنشا جاڭا كەزەكتى اشىق تەكسەرۋ جانە جاسىرىن تەكسەرۋ ورىستەتىلەدى 

حالىق گازەتىنىڭ ءتىلشىسى ليۋ ۋىنشين 6 – ايدىڭ 9 – كۇنى بەيجيڭنەن حابارلايدى. ورتالىق كوميتەتتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ قىزمەتى بويىنشا ەكىنشى، ءۇشىنشى توقسانداعى اشىق تەكسەرۋ جانە جاسىرىن تەكسەرۋ جۋىردا ورىستەتىلەدى. 6 - ايدىڭ 8 – كۇنى، ورتالىق كوميتەتتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ قىزمەتىن ورىستەتەتىن گرۋپپا باستىقتارىنىڭ قىزمەت جونىندەگى اڭگىمە ءماجىلىسى بەيجيڭدە اشىلىپ، جۋىردا تۋىلعان شىرعالاڭداردان تەرەڭ ساباق الىپ، ماۋسىمدىق اشىق تەكسەرۋ جانە جاسىرىن تەكسەرۋ قىزمەتىن قاتاڭ، ناقتى، ەگجەي – تەگجەيلى ورىستەتۋدى، تىكەلەي جۇمىس باسىنا بارىپ، ىشكەرىلەي ۇعىسىپ، قۇنىتتىلىقپەن تەكسەرۋدى، كەن ىستەرى، حيمياعا قاتىستى سالا، تورسىلداق ءوندىرۋ، قۇرىلىس ىستەرى، ءورت ءسوندىرۋ، ونەركاسىپ – ساۋدا، ارناۋلى جابدىقتار قاتارلى ءتۇيىندى كاسىپ سالالارىندا بايقالعان اۋىر شىرعالاڭعا ساياتىن تيپتىك حاۋىپ – قاتەرلەردى ولكەلىك پارتكوم مەن ۇكىمەتكە جوتكەپ بەرىپ، جەرگىلىكتى ورىنداردى تەكسەرۋ جانە رەتكە سالۋعا، جاۋاپكەرشىلىكتى قايىرا قۋزاستىرۋعا، قاتاڭ ءبىرجاقتى ەتۋگە قۋزاستىرۋدى تالاپ ەتتى.

باقىلاۋ – باسقارۋ جانە زاڭ اتقارۋ جاعىنداعى ماسەلەلەر جونىندە ارناۋلى تەكسەرۋ ورىستەتىپ، تەكسەرۋ مەن جونگە سالۋدى ءبىرتۇلعالاندىرۋعا تاباندى بولىپ، ءوندىرىس حاۋىپسىزدىگىنە ساياتىن زاڭسىز، زاڭعا قايشى ارەكەتتەر مەن الدامكوستىككە ساياتىن ارەكەتتەردى، سونداي – اق ءوندىرىس حاۋىپسىزدىگى سالاسىنداعى شىرىكتەسكەن ستيلدەر قاتارلى كورنەكتى ماسەلەلەردى قاتاڭ تەكسەرىپ ءبىرجاقتى ەتۋ كەرەك. اقپارات قۇرالدارى اشىققا شىعارۋ، اشكەرەلەۋ جانە ۇگىتتەۋ – حابارلاۋ تەبىنىن ارتتىرىپ، اۋىر شىرعالاڭ حاۋىپ – قاتەرلەرى مەن تيپتىك زاڭعا قايشى ارەكەتتەردى اشىق جاريالاپ، اقپارات قۇرالدارىنىڭ باقىلاۋ رولىن شىنايى ساۋلەلەندىرىپ، سەسكەندىرۋ، تەجەۋ ونىمدىلىگىن پارمەندى تۇردە ساۋلەلەندىرۋ كەرەك.

كەلۋ قاينارى: حالىق تورابى