شينجياڭدا 2026 – جىلعى جاي جوعارى مەكتەپ ەمتيحانىنىڭ ناتيجەسى 6 – ايدىڭ سوڭىنان بۇرىن جاريالانادى 

شينجياڭدا 2026 – جىلعى جاي جوعارى مەكتەپ ەمتيحانى ورنىقتى اياقتادى، ەمتيحان تاپسىرۋشىلاردىڭ ناتيجەسى 6 – ايدىڭ سوڭىنان بۇرىن جاريالانادى دەپ مەجەلەندى

6 - ايدىڭ 8 – كۇنى، ءتىلشىنىڭ شينجياڭ وقۋ – اعارتۋ ەمتيحانى مەكەمەسىنەن ۇعىسۋىنشا، 6 – ايدىڭ 8 – كۇنى ساعات 17 دە، شينجياڭدا 2026 – جىلعى جاي جوعارى مەكتەپ ەمتيحانى ورنىقتى اياقتاعان.

قىزمەت جونىندەگى ورنالاستىرۋعا ساي، كەلەسى كەزەڭدە ەمتيحان قاعازىن جيناۋ، سكانەرلەۋ، باعالاۋ، ناتيجەنى جاريالاۋ، تالاپ كەستەسىن تولتىرۋ، وقۋشى قابىلداۋ قاتارلى قىزمەت كەزەڭدەرىنە قادام تاستايدى. ەمتيحان تاپسىرۋشىلاردىڭ ناتيجەسى، قاتارى جانە ءار قارارداعى وقۋشى قابىلداۋدىڭ ەڭ تومەنگى ارحيۆ جولداۋدى مەڭگەرۋ ءنومىر شەگى 6 – ايدىڭ سوڭىنان بۇرىن جاريالانادى دەپ مەجەلەنگەن.

شينجياڭ وقۋ – اعارتۋ ەمتيحانى مەكەمەسى بارشا ەمتيحان تاپسىرۋشىلار مەن اتا – انالارعا مىنانى ەسكەرتتى: ەمتيحان تاپسىرۋشىنىڭ ءنومىرى، ازاماتتىق كۋالىك ءنومىرى، ەمتيحانعا كىرۋ كۋالىگى قاتارلى جەكەلىك ماڭىزدى ينفورماتسيالارىن باسقالارعا الباتى بەرۋدەن نەمەسە بۇل ينفورماتسيالاردى ۋيشين قاتارلى الەۋمەتتىك تەكشەلەر ارقىلى جاريالاۋدان ساقتانىپ، ينفورماتسيانىڭ جاريا بولۋىنان ساقتانۋ كەرەك. سونىمەن قاتار، شينجياڭ وقۋ – اعارتۋ ەمتيحانى مەكەمەسىنىڭ رەسمي تورابى (https://www.xjzk.gov.cn)، ”شينجياڭ وقۋشى قابىلداۋ تەكشەسى“ (新疆招生) اتتى ۋيشين تەكشەسى، ”شينجياڭ وقۋشى قابىلداۋ تەكشەسى“ (新疆招生) اتتى ۋيشين كەسكىن تەكشەسى جاريالاعان ينفورماتسيالارعا قاداعالاي نازار اۋدارىپ، قاتىستى حابارلاندىرۋ مازمۇنىن مۇقيات وقىپ، ەمتيحانعا، وقۋشى قابىلداۋعا قاتىستى ساياساتتىق ينفورماتسيالاردى رەسمي ارنالار ارقىلى ۇعىسقان ءجون، وقۋشى قابىلداۋ، مەكتەپكە شاقىرۋ قاتارلى جاقتارداعى ءتۇرلى جالعان ۇگىتتەرگە سەنبەۋ، الدانىپ قالۋدان ساقتانۋ كەرەك.

كەلۋ قاينارى: حالىق تورابى