حالىقارادا مۇناي باعاسى، التىن باعاسى زور مولشەردە تومەندەدى 

حالىقارادا تابيعي مۇنايدىڭ كەسىكتى باعاسى 6 - ايدىڭ 9 – كۇنى كورنەكتى مولشەردە تومەندەپ، ساۋدا بارىسىندا تومەندەۋ مولشەرى ءبىر مەزەت %5 اينالاسىنا دەيىن ءتۇستى. مۇنان سىرت، ورتا شىعىس وڭىرىندەگى جاعدايدىڭ ۋشىعۋىنا بايلانىستى ا ق ش دوللارىنىڭ كۇشەيۋىنىڭ ىقپالىنا ۇشىراعاندىقتان، حالىقارالىق بازاردا التىن باعاسى دا سول كۇنى ۇزدىكسىز تومەندەدى.

سول كۇنگى ساۋدا اياقتالعانعا دەيىن، نيۋ – يورك تاۋار بيرجاسىندا 7 – ايدا تاپسىرىلاتىن جەڭىل قۇرامدى تابيعي مۇنايدىڭ كەسىكتى باعاسى 3.10 ا ق ش دوللارى تومەندەپ، ءار باررەلى 88.20 ا ق ش دوللارى بولىپ، تومەندەۋ مولشەرى %3.4 بولعان؛ 8 – ايدا تاپسىرىلاتىن لوندون برەنت مۇنايىنىڭ كەسىكتى باعاسى 2.80 ا ق ش دوللارى تومەندەپ، ءار باررەلى 91.45 ا ق ش دوللارى بولىپ، تومەندەۋ كولەمى %2.97 بولعان. بۇل ەكى ءتۇرلى كەسىكتى مۇناي باعاسى ساۋدا بارىسىندا ءبىر مەزەت ءار باررەلىنە 85. 95 ا ق ش دوللارى مەن 89.57 ا ق ش دوللارىنا دەيىن تومەندەپ، تومەندەۋ مولشەرى جەكە - جەكە %5.86 كە جانە %4.97 كە جەتكەن. وسىدان كەيىن، ا ق ش جاق ا ق ش ارمياسى يراننىڭ ا ق ش - نىڭ تىك ۇشارىن اتىپ تۇسىرگەنىنە جاۋاپ قايتاراتىندىعىن جاريالاعاندىقتان، مۇناي باعاسىنىڭ تومەندەۋى ازداپ باسەڭدەگەن.

سونىمەن بىرگە، ورتا شىعىس وڭىرىندەگى جاعدايدىڭ شيەلەنىسۋى ا ق ش دوللارىنىڭ كۇشەيۋىن ىلگەرىلەتكەنىنىڭ ىقپالىنا ۇشىراعاندىقتان، نيۋ – يورك تاۋار بيرجاسىندا 8 – ايدا تاپسىرىلاتىن التىننىڭ ءار ۋنتسياسىنىڭ كەسىكتى باعاسى 6 - ايدىڭ 9 – كۇنى ءبىر مەزەت 4230 ا ق ش دوللارىنىڭ ماڭىنا دەيىن تومەندەپ، تومەندەۋ مولشەرى شامامەن %2 بولعان؛ 7 – ايدا تاپسىرىلاتىن كۇمىستىڭ ءار ۋنتسياسىنىڭ كەسىكتى باعاسى 66 ا ق ش دوللارىنان تومەن دەڭگەيگە ءتۇسىپ، تومەندەۋ مولشەرى %4 تەن اسقان. بازارداعىلاردىڭ جالپى بەتتىك مەجەلەۋىنشە، ورتا شىعىس وڭىرىندەگى سوعىستىڭ ىقپالىنان تۋىنداعان اقشانىڭ قۇنسىزدانۋىنىڭ اسقىنۋى سالدارىنان، ا ق ش فەدەراتسيالىق قور كوميتەتى اقشامەن قامداۋ كولەمىن تەجەۋ ساياساتىن تاڭداۋى مۇمكىن، حالىقارالىق بازاردا التىن باعاسىنىڭ ارزانداۋ ءۇردىسى قىسقا مەرزىم ىشىندە ۇزدىكسىز جالعاسۋى مۇمكىن.

كەلۋ قاينارى: حالىق تورابى