شي جينپيڭ چاۋشيان ەڭبەك پارتياسى ورتالىق كادرلار مەكتەبىنە ساپارلاي باردى

سول جەر ۋاقىتى 6 - ايدىڭ 9 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىننىڭ سەرىك بولۋىندا پيڭراڭداعى چاۋشيان ەڭبەك پارتياسى ورتالىق كادرلار مەكتەبىنە ساپارلاي باردى. سۋرەتتە: شي جينپيڭ مەن جين جىڭىن وقىتۋ عيماراتىنىڭ اراسىنداعى ورماندى جەرگە ءبىر ءتۇپ سامىرسىن اعاشىن ەككەننەن كەيىن قول الىسىپ سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 6 - ايدىڭ 9 - كۇنى، پيڭراڭ (ءتىلشى گۇڭ حان). سول جەر ۋاقىتى 6 - ايدىڭ 9 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىننىڭ سەرىك بولۋىندا پيڭراڭداعى چاۋشيان ەڭبەك پارتياسى ورتالىق كادرلار مەكتەبىنە ساپارلاي باردى.

ساعات 11 مولشەرىندە شي جينپيڭ اۆتوكولىكپەن جەتتى. جين جىڭىن مەكتەپتىڭ بەلگى سيپاتتى قۇرىلىسى چاۋشيان ەڭبەك پارتياسى سيمۆولدىق مۇناراسىنىڭ الدىندا قارسى الدى. نەشە جۇزدەگەن وقىتۋشى - وقۋشى جول - جونەكەي قارسى الدى، وقىتۋشى - وقۋشىلاردىڭ ۋاكىلدەرى شي جينپيڭگە گۇل ۇسىندى.

جين جىڭىننىڭ سەرىك بولۋىندا شي جينپيڭ مەكتەپتىڭ ساتىلى ساباقحاناسىنا كىردى. كلاستا تاربيەلەنۋشىلەر رەتتى وتىردى، وقىتۋشى چاۋشياننىڭ سىرتقى قاتىناسى ساباعىنداعى جۇڭگو - چاۋشيان قاتىناسىنا قاتىستى مازمۇنداردى سويلەۋدە. جۇڭگو، چاۋشيان ەكى پارتيانىڭ باس شۋجيلەرى كەلگەن كەزدە وقىتۋشى - وقۋشىلار بىرگە تۇرىپ، ەكى پارتيانىڭ باس شۋجيلەرىنە قىزۋ شاپالاق سوقتى. شي جينپيڭ مەن جين جىڭىن ايالداپ ساباق ءوتۋ جاعدايىن بايقاپ، ءالسىن - ءالى باس يزەپ القادى.

ساتىلى ساباقحانادان شىققاننان كەيىن شي جينپيڭ مەن جين جىڭىن ەلەكترلى اۆتوموبيلمەن مەكتەپ اۋلاسىن ەكسكۋرسيالاپ، جول بويى مەكتەپتىڭ نەگىزدىك قۇرىلعىلارى، وقىتۋ ورنالاستىرۋى سياقتى تانىستىرۋلاردى تىڭدادى.

وقىتۋ عيماراتىنىڭ اراسىنداعى ورماندى جەرگە كەلگەندە، شي جينپيڭ مەن جين جىڭىن بىرگە كۇرەك الىپ توپىراق ءۇيىپ، سۋ تاسىپ اعاش سۋارىپ، ءبىر ءتۇپ قىل سامىرسىن اعاشىن ەكتى. سامىرسىن اعاشى ماڭگى جاسىل جەلەك جامىلىپ تۇرادى، جۇڭگو مەن چاۋشيان دوستىعىنىڭ ماڭگى وشپەيتىندىگىنىڭ سيمۆولى. وسىدان كەيىن ەكى پارتيانىڭ، ەكى ەلدىڭ ەڭ جوعارى باسشىلارىنىڭ كۋا بولۋىندا ساي چي مەن چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتىنىڭ شۋجيى جين سايلۇڭ اعاش ەگۋ ەسكەرتكىشىنىڭ جامىلعىسىن بىرگە اشتى. ەسكەرتكىشتىڭ وڭ بەتىنە جۇڭگو، چاۋشيان تىلدەرىندە ”جۇڭگو - چاۋشيان دوستىعى ماڭگى جاسايدى“ دەگەن سوزدەر ويىلعان. ەكى جاقتىڭ سەرىك بولۋشىلارى مەن چاۋشيان جاقتىڭ تاربيەلەنۋشىلەرىنىڭ قىزۋ قول شاپالاق ءۇنى ىشىندە شي جينپيڭ مەن جين جىڭىن اعاش ەگۋ ەسكەرتكىشى الدىندا قول الىسىپ سۋرەتكە ءتۇستى.

ساي چي، ۋاڭ ي قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى