شي جينپيڭ مەن حانىمى جين جىڭىن مەن حانىمى وتكىزگەن شاعىن كولەمدى تۇسكى قوناعاسىعا قاتىناستى

سول جەر ۋاقىتى 6 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان پيڭراڭ جينشيۋشان يىڭبيڭ قوناق ۇيىندە چاۋشيان ەڭبەك پارتياسىنىڭ باس شۋجيى، مەملەكەت ىستەرى كەڭەسىنىڭ باستىعى جين جىڭىن مەن حانىمى لي شۋەجۋ وتكىزگەن شاعىن كولەمدى تۇسكى قوناعاسىعا قاتىناستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 6 - ايدىڭ 9 - كۇنى، پيڭراڭ (ءتىلشى حۋ زىشي). سول جەر ۋاقىتى 6 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان پيڭراڭداعى جينشيۋشان يىڭبيڭ قوناق ۇيىندە چاۋشيان ەڭبەك پارتياسىنىڭ باس شۋجيى، مەملەكەت ىستەرى كەڭەسىنىڭ باستىعى جين جىڭىن مەن حانىمى لي شۋەجۋ وتكىزگەن شاعىن كولەمدى تۇسكى قوناعاسىعا قاتىناستى.

ساعات 12 دەن 30 مينۋت وتكەندە جين جىڭىن مەن حانىمى شي جينپيڭ مەن حانىمى تۇسكەن جينشيۋشان يىڭبين قوناق ۇيىنە كەلىپ، سەبەزگىلەگەن جاڭبىردا ەلەكترلى اۆتوموبيلگە وتىرىپ جينشيۋشان يىڭبين قوناق ءۇيىنىڭ قوناعاسى زالىنا بىرگە باردى.

قوناعاسىدا ەكى پارتيانىڭ، ەكى ەلدىڭ ەڭ جوعارى باسشىلارى جۇڭگو مەن چاۋشياننىڭ ءداستۇرلى دوستىعىن بەكەمدەۋ، جالعاستىرۋ جونىندە ىشكەرىلەي پىكىر اۋىستىردى.

شي جينپيڭ جين جىڭىننىڭ وسى رەتكى ساپاردى دەن قويا جان - جاقتى ورنالاستىرعانىنا العىس ايتىپ، مىنالاردى ءبىلدىردى: وسى رەتكى ساپار ارقىلى چاۋشيان پارتياسىنىڭ، ۇكىمەتىنىڭ جانە حالقىنىڭ جۇڭگو پارتياسىنا، ۇكىمەتىنە جانە حالقىنا دەگەن ىستىق ىقىلاسى مەن دوستىعىن ونان ارى سەزىندىم. مەن باس شۋجي جين جىڭىنمەن جاڭا داۋىردەگى جۇڭگو - چاۋشيان قاتىناسىن دامىتۋ جونىندە ماڭىزدى ورتاق تانىمعا كەلدىم ءارى ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ جونىندە ىشكەرىلەي پىكىر اۋىستىردىم. جۇڭگو مەن چاۋشياننىڭ ءوزارا تۇسىنىستىگى اناعۇرلىم تەرەڭ، جان - جاقتى بولدى، بولاشاقتاعى دامۋ بەتالىسى اناعۇرلىم ايقىندالدى. مەن باس شۋجي جين جىڭىنمەن بىرگە جۇڭگو - چاۋشيان قاتىناسىنىڭ اناعۇرلىم زور دامۋدى جۇزەگە اسىرۋىنا بىرگە جەتەكشىلىك ەتىپ، ەكى ەلدىڭ سوتسياليزم ىستەرىنە جاڭا، قۋاتتى قوزعاۋشى كۇش ۇستەۋدى قالايمىن.

جين جىڭىن مىنالاردى ءبىلدىردى: باس شۋجي شي جينپيڭنىڭ وسى رەتكى ساپارى تولىق تابىستى بولىپ، دۇنيە جۇزىنە چاۋشيان مەن جۇڭگو دوستىق سەلبەستىكتى ونان ارى كۇشەيتەدى دەيتىن بەلسەندى ينفورماتسيا جەتكىزىپ، ءار جاقتىڭ نازارىن ايرىقشا اۋداردى. وسى رەتكى ساپار ەكى ەل قاتىناسىندا جانە وسى ءوڭىردىڭ بولاشاق دامۋىندا توتەنشە كەلەلى ماڭىزعا يە. چاۋشيان جاق وسى رەتكى ساپاردا كەلىسكەن ماڭىزدى ورتاق تانىمداردى مۇقيات ويداعىداي تياناقتاندىرىپ، ەكى ەلدىڭ سەلبەستىگىندە جاڭا شىنايى جەتىستىكتەرگە قول جەتكىزۋدى جەبەپ، چاۋشيان - جۇڭگو قاتىناسىنىڭ تاعى دا تىڭ بيىكتەرگە كوتەرىلۋىن ىلگەرىلەتۋدى قالايدى.

كەلۋ قاينارى: حالىق تورابى