چاۋشيانداعى مەملەكەتتىك ساپارىن اياقتاتتى

اتتانار الدىندا جين جىڭىن وتكىزگەن اتتاندىرۋ سالتىنا قاتىناستى سول جەر ۋاقىتى 6 - ايدىڭ 9 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيانداعى مەملەكەتتىك ساپارىن اياقتاتىپ پيڭراڭنان اتتاندى. چاۋشيان ەڭبەك پارتياسىنىڭ باس شۋجيى، مەملەكەت ىستەرى كەڭەسىنىڭ باستىعى جين جىڭىن جانە حانىمى لي شۋەجۋ اۋەجايعا بارىپ اتتاندىرىپ سالىپ، شي جينپيڭ مەن حانىمى پىڭ لييۋانعا سالتاناتتى اتتاندىرۋ سالتىن وتكىزدى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

«حالىق گازەتى»، 6 - ايدىڭ 9 - كۇنى، بەيجيڭ. 6 - ايدىڭ 9 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيانداعى مەملەكەتتىك ساپارىن تابىسپەن اياقتاتقاننان كەيىن بەيجيڭگە قايتىپ كەلدى.

باس شۋجي، مەملەكەت ءتوراعاسى شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلى ساپارلاستارى وسى ۇشاقپەن بىرگە قايتىپ كەلدى.

«حالىق گازەتى»، 6 - ايدىڭ 9 - كۇنى، پيڭراڭ (ءتىلشى دۋ شاڭزى). سول جەر ۋاقىتى 6 - ايدىڭ 9 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيانداعى مەملەكەتتىك ساپارىن اياقتاتىپ، پيڭراڭنان اتتاندى. چاۋشيان ەڭبەك پارتياسىنىڭ باس شۋجيى، مەملەكەت ىستەرى كەڭەسىنىڭ باستىعى جين جىڭىن جانە حانىمى لي شۋەجۋ اۋەجايعا بارىپ اتتاندىرىپ سالىپ، شي جينپيڭ مەن حانىمى پىڭ لييۋانعا سالتاناتتى اتتاندىرۋ سالتىن وتكىزدى.

اۋەجايعا بارا جاتقان جولدا، پيڭراڭداعى ءار سالا بۇقاراسى جولدىڭ ەكى جاعىنا جينالىپ، جۇڭگو مەن چاۋشياننىڭ مەملەكەت تۋى مەن گۇلدەردى بۇلعاپ، جۇڭگو مەن چاۋشياننىڭ دوستىق ۇرانىن اسقاقتاتا شىرقاپ، قىزۋ مەرەيمەن اتتاندىردى.

اۋەجايدا نەشە مىڭ بۇقارا جانە بالالار مەن ورەندەر رەتتى ساپ تۇزەپ، ىستىق ىقىلاسپەن قارسى الدى. اسقاق مۋزىكا ءۇنى ىشىندە شي جينپيڭ جين جىڭىننىڭ سەرىك بولۋىمەن قۇرمەت قاراۋىلىن كوزدەن كەشىرىپ، اتتاندىرۋعا كەلگەن چاۋشيان جاقتىڭ جوعارى دارەجەلى مانساپتىلارىمەن ءبىر - بىرلەپ قول الىسىپ، اتتاندىرىپ سالعان بۇقاراعا قول بۇلعاپ قۇرمەت ءبىلدىردى. شي جينپيڭ مەن حانىمى جين جىڭىن جانە حانىمىمەن تاعى دا قول الىسىپ، ىقىلاسپەن قوشتاسىپ، ۇشاق باسپالداعىنا شىعىپ، ارناۋلى ۇشاقپەن پيڭراڭنان اتتاندى.

ساي چي، ۋاڭ ي قاتارلىلار اتتاندىرۋ سالتىنا قاتىناستى.

كەلۋ قاينارى: حالىق تورابى