شي جينپيڭ كانادانىڭ جاڭادان تاعايىندالعان گۋبەرناتورى لۋيس ابەرگە قۇتتىقتاۋ تەلەگرامماسىن جولدادى

شينحۋا اگەنتتىگى، 6 - ايدىڭ 9 - كۇنى، بەيجيڭ. 6 - ايدىڭ 8 - كۇنى مەملەكەت ءتوراعاسى شي جينپيڭ لۋيس ابەرگە تەلەگرامما جولداپ، ونىڭ كانادانىڭ 31 - كەزەكتى گۋبەرناتورلىعىنا تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن كانادا قاتىناسىنىڭ اقاۋسىز، ورنىقتى دامۋى ەكى ەلدىڭ ورتاق مۇددەسىنە ۇيلەسەدى ءارى دۇنيە ءجۇزىنىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنۋىنە ءتيىمدى. مەن جۇڭگو - كانادا قاتىناسىنىڭ دامۋىنا ايرىقشا ءمان بەرەمىن، ابەر گۋبەرناتورمەن بىرگە قۇلشىنىپ، ءوزارا قۇرمەت ەتۋ، ءوزارا پايدا جەتكىزىپ، تەڭ يگىلىككە كەنەلۋ، پارىقتاردى ساقتاپ، ورتاقتىققا ۇمتىلۋ رۋحى بويىنشا جۇڭگو مەن كانادانىڭ جاڭاشا ستراتەگيالىق سەرىكتەستىك قاتىناسىنىڭ اقاۋسىز، ورنىقتى، باياندى ارنامەن العا قاراي دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى