جياڭشي ولكەسىنىڭ جي - ان قالاسى جيڭگاڭشان رۋحىن بارىنشا ساۋلەلەندىردى —

6 - ايدا جياڭشي ولكەسى جي - ان قالاسى جيڭگاڭشان قالاسى ماۋپيڭ قالاشىعى شىنشان قىستاعىنا بارعانىمىزدا، جاسىل بامبۇك تەربەلىپ، سارى شاپتول بۇتاقتاردا سامسىپ تۇردى.

قىستاق تۇرعىنى زو شياڭيۇننىڭ بامبۇك ونىمدەرىن مانەرلەۋ بولمەسىندە بۇكىلدەي اۆتوماتتى ويۋ ماشيناسى جىلدام جۇمىس ىستەدى، ”وسى بامبۇك بۇيىمدارىنا سۇيەنىپ، ءبىر جىلدا 100 نەشە مىڭ يۋان كىرىس كىرگىزەمىن“ دەدى زو شياڭيۇن.

”بۇرىن تاقىر تاۋ، يەن دالا قازىر وزگەرىپ كەتتى“. شىنشان قىستاعى پارتيا ياچەيكاسىنىڭ شۋجيى پىڭ جانياڭ بىلاي دەپ تانىستىردى: ەرەكشە كاسىپ سالاسى، اۋىل - قىستاق ساياحاتى سياقتىلاردى دامىتۋ ارقىلى قىستاقتىڭ كوللەكتيۆ شارۋاشىلىعى مەن تيجارات كىرىسى جىل سايىن ارتتى، ”بىلتىر قىستاق كوللەكتيۆىنىڭ كىرىسى ءبىر ميلليون 60 مىڭ يۋانعا جەتىپ، قىستاق تۇرعىندارىنىڭ قالتاسى بارعان سايىن قامپيدى“.

توڭكەرىستىك بايىرعى رايونداردىڭ دامۋى باستان - اياق باس شۋجي شي جينپيڭنىڭ تەرەڭ سۇيىسپەنشىلىكپەن قام جەۋىنەن ايرىلا المايدى. 2016 - جىلى 2 - ايدا باس شۋجي شي جينپيڭ شىنشان قىستاعىندا قىزمەت تەكسەرگەندە اۋىلداستارعا: ”پارتيامىز _ بۇكىل ىنتا - پەيىلىمەن حالىق ءۇشىن قىزمەت ىستەيتىن پارتيا، بايىرعى رايونداردىڭ دامۋىن ۇزدىكسىز زور كۇشپەن قولداپ، اۋىلداستاردىڭ تۇرمىسىن بارعان سايىن جاقسارتا ءتۇسۋ كەرەك“ دەدى. 2023 - جىلى 10 - ايدا باس شۋجي شي جينپيڭ جياڭشيدا قىزمەت تەكسەرگەندە بىلاي دەپ باسا دارىپتەدى: ”بايىرعى رايونداعى حالىقتىڭ رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىنە، باقىتتى تۇرمىس كەشىرۋىنە شىنايى كەپىلدىك ەتۋ _ جالپى حالىقتىڭ بىرگە اۋقاتتانۋىن ىلگەرىلەتۋدىڭ تومەنگى شەك مىندەتى“.

جيڭگاڭشان _ جۇڭگو توڭكەرىسىنىڭ بەسىگى. 90 نەشە جىلدىڭ الدىندا اعا بۋىن توڭكەرىسشىلەر جيڭگاڭشاندا تۇڭعىش اۋىل - قىستاق توڭكەرىستىك بازاسىن قۇرىپ، جۇڭگو توڭكەرىسىنىڭ شۇعىلاسىن قارسى الدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان جي - ان قالاسى جيڭگاڭشان رۋحىن بارىنشا ساۋلەلەندىرىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، بىرگە اۋقاتتانۋعا نىق قادام تاستاپ، توڭكەرىستىك بايىرعى رايوننىڭ تىڭ ومىرشەڭدىك كۇشىن تاسقىنداتتى.

اۋىل - قىستاقتى جاپپاي گۇلدەندىرۋدە كاسىپ سالاسىن گۇلدەندىرۋ بارىنەن ماڭىزدى. بۇگىنگى جي - ان قالاسىندا كوركەم تاۋ، تازا سۋ، تاماشا اۋىل شارۋاشىلىق ونىمدەرى بار بولعانىمەن، ءبىراق ءبىر مەزەت كاسىپ سالاسى شاعىن، بىتىراڭقى، قوسىمشا قۇنى تومەن بولۋ، ساتىلۋ جولى ورنىقسىز بولۋ سياقتى قيىن ماسەلەلەرگە ءدوپ كەلدى.

جاعدايدى قالاي وزگەرتۋ كەرەك؟ جي - ان قالاسى جەرگىلىكتى جاعدايعا قاراي ماركا جەتىلدىرىپ، باسىمدىقتى باسەكەلىك قۋاتقا اينالدىردى: ”جيڭگاڭشان“ اۋىل شارۋاشىلىق ونىمدەرىنىڭ وڭىرلىك الەۋمەتتىك ماركاسىن جاراتىپ، ماركالاندىرۋ ارقىلى ولشەمدەندىرۋدى، كولەمدەندىرۋدى، بازارلاندىرۋدى ىلگەرىلەتتى.

”ولشەمدى ەگۋمەن، ايگىلى ماركا جاراتۋمەن بىرگە، شاپتولدىڭ ساتىلۋ باعاسى %20 جوعارىلادى!“ دەدى شىنشان قىستاعىنىڭ تۇرعىنى لو لينگىن. 2025 - جىلى ”جيڭگاڭشان“ اۋىل شارۋاشىلىق ونىمدەرىنىڭ وڭىرلىك الەۋمەتتىك ماركالارىنداعى ونىمدەردىڭ ساتىلۋ سوماسى 20 ميلليارد 682 ميلليون يۋانعا جەتىپ، سايكەس مەزگىلدەگىدەن %58 ارتتى. قازىر جي - ان قالاسىندا 118 وسى زامانعى اۋىل شارۋاشىلىعىن كاسىپ سالالاندىرۋ بىرىككەن تۇلعاسى قالىپتاستى.

شينگان اۋدانى حىشىڭ قالتا شەكتى سەرىكتەستىگىنىڭ سەحىندا تىگىن ماشيناسىنىڭ الدىندا چيچين قالاشىعى دۇڭگو قىستاعىندا تۇراتىن قىستاق تۇرعىنى دىڭ شياۋفىڭ قولى قولىنا تيمەي جۇمىس ىستەيدى، ”اي سايىن قوماقتى كىرىسى ەنگىزەمىن، وتباسىمىزعا دا قارايلاسا الامىن“. شينگان اۋدانىنىڭ قالتا كاسىبى 615 قاتىستى كاسىپورىندى شوعىرلاندىرىپ، ونىمدەرى 100 دەن استام مەملەكەت پەن رايونعا ساتىلىپ، 30 مىڭعا جۋىق ادامنىڭ جۇمىستانۋىنا دەم بەردى.

جيڭگاڭشان ەكونوميكالىق اشۋ رايونى جي - ان اۋدانىمەن، جيشۇي اۋدانىمەن بىرلەسىپ ەلەكتروندىق ينفورماتسيا كاسىبى شوعىرلانعان رايون قۇردى، يۇڭشين اۋدانى اسقىن تالشىقتى كۇردەلى جاڭا ماتەريال كاسىبىن دامىتتى، شياجياڭ اۋدانى بيولوگيالىق ءدارى - دارمەك كاسىبىنىڭ بيىگىن كۇش سالا قالىپتاستىردى ... جي - ان قالاسى 6 جەتەكشى كاسىپ سالاسىن بەلگىلەپ، اۋدان، رايونداردىڭ ءارقايسىسى ءوز ارتىقشىلىقتارىن ايگىلەپ، كوپ تۇيىندە ناتيجە بەردى.

بىرگە اۋقاتتانۋ جولىندا ”بىردە - ءبىر ادامنىڭ قاتاردان قالۋىنا بولمايدى“. جي - ان قالاسى ”ادام ادامدى قاداعالاۋ، وتباسى وتباسىن قاداعالاۋ“ باقىلاۋ - ولشەۋ، ساقتاندىرۋ مەحانيزمىن ورناتىپ، قايتا كەدەيلەسۋ، كەدەيلەسۋ حاۋىپ - قاتەرى بار تۇيىندەرگە ءبىر - بىرلەپ تالداۋ جاساپ، ءتۇرلى كومەكتەسۋ - سۇيەمەلدەۋ شارالارىن نىسانالى تۇردە تياناقتاندىردى؛ 2815 كاسىپ سالاسى بازاسىن سۇيەمەلدەپ، 84 مىڭ كەدەيلىكتەن ارىلعان وتباسى مەن باقىلاۋ - تەكسەرۋ جۇرگىزىلگەن وتباسىلاردىڭ كىرىسىن ارتتىرۋىنا جەتەكشىلىك ەتتى. 2025 - جىلى جي - ان قالاسىنداعى اۋىل - قىستاق تۇرعىندارىنىڭ جان باسىندىق كىرىسى 23 مىڭ 731 يۋانعا جەتىپ، 2020 - جىلداعىدان %43.9 ارتتى.

”جي - ان باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، جاڭا جورىقتا جيڭگاڭشان رۋحىن ۇزدىكسىز زور كۇشپەن ساۋلەلەندىرىپ، ىشكى دامۋدىڭ قوزعاۋشى كۇشىن ۇزدىكسىز كۇشەيتىپ، ەرەكشە اۋدان ءوڭىرى ەكونوميكاسىن دامىتىپ، زورايتىپ، جوعارى ساپالى دامۋدى بار كۇشپەن ىلگەرىلەتىپ، بايىرعى رايونداعى حالىقتىڭ اناعۇرلىم باقىتتى، تاماشا تۇرمىس كەشىرۋىنە مۇمكىندىك جاسايدى“ دەدى جي - ان قالالىق پارتكومنىڭ شۋجيى يان يۇن.

كەلۋ قاينارى: حالىق تورابى