بازاردى باقىلاۋ - باسقارۋ باس مەڭگەرمەسى زاڭعا اۋىر دارەجەدە قايشىلىق جاساپ سەنىمدىلىكتەن ايرىلعانداردىڭ تىزىمدىگىن باسقارۋ ادىسىنە وزگەرىس ەنگىزدى، مىناداي ارەكەتتەردى ىستەگەندەر قاتاڭ جازالانادى 

ورتالىق تەلەۆيزيا تورابىنىڭ حابارى: 6 - ايدىڭ 16 - كۇنى تۇستەن بۇرىن، بازاردى باقىلاۋ - باسقارۋ باس مەڭگەرمەسى 2026 - جىلعى ەكىنشى توقسانداعى كەزەكتى اقپارات جاريالاۋ ءماجىلىسىن اشتى. ماجىلىستە تانىستىرۋعا قاراعاندا، بازاردى باقىلاۋ - باسقارۋ باس مەڭگەرمەسى «بازار باقىلاۋ – باسقارۋ جاعىندا زاڭعا اۋىر دارەجەدە قايشىلىق جاساپ سەنىمدىلىگىنەن ايىرىلعانداردىڭ تىزىمدىگىن باسقارۋ ادىسىنە» وزگەرىس ەنگىزگەن، ولقىلىقتى تولىقتاۋ، ءالسىز تۇستاردى كۇشەيتۋ، جاڭا بەلگىلەمە شىعارۋ جاقتارىندا ءتورت ءتۇرلى جاقتان باسا نازار اۋدارعان.

ءبىرىنشى، باقىلاۋ - باسقارۋ مەحانيزمىن كەمەلدەندىرۋ. اكىمشىلىك جازا قولدانۋ مەن سەنىمدىلىگىنەن ايرىلعاندىعىن تۇراقتاندىرۋ بارىسىن ۇشتاستىرىپ، حابارلاندىرۋ، پىكىر الۋ، قايتا قاراۋ سىندى بۇكىل بارىستى كەمەلدەندىرىپ، باقىلاۋ - باسقارۋ ونىمدىلىگىن ارتتىرۋمەن بىرگە، كاسىپورىنداردىڭ زاڭدى ۇقىق - مۇددەسىن قامتاماسىزداندىراتىن بولعان.

ەكىنشى، اشىق جاريالاۋ بارىسى جالعان بولعانداردى قاتاڭ جازالاۋ. كاسىپورىنداردىڭ ينفورماتسيانى اشىق جاريالاۋ ارەكەتىن قاتاڭ تەجەپ، ناقتى جاعدايدى جاسىرۋ، الدامكوستىك ىستەۋ ارەكەتتەرىنىڭ جاعدايى اۋىر بولعانداردى زاڭعا اۋىر دارەجەدە قايشىلىق جاساپ سەنىمدىلىگىنەن ايرىلعانداردىڭ تىزىمدىگىنە ەنگىزىپ، كاسىپورىنداردىڭ ينفورماتسيانى اشىق جاريالاۋ جاعىنداعى نەگىزگى تۇلعالىق جاۋاپكەرشىلىگىن اناعۇرلىم قاتايتىپ، كاسىپورىنداردىڭ ينفورماتسيانى اشىق جاريالاۋ ارەكەتىن قاتاڭ تەجەۋدى كۇشەيتكەن.

ءۇشىنشى، حالىق تۇرمىسىنا ساياتىن حاۋىپسىزدىككە قاداعالاي نازار اۋدارۋ. ازىق - تۇلىك اينالىمى، ارناۋلى جابدىقتار سالاسىنداعى باقىلاۋ - باسقارۋدىڭ ءالسىز تۇستارىن تولىقتاۋ، زاڭ بويىنشا كۇشكە يە رۇقسات الماي تۇرىپ ماڭىزدى سۇيىق كۇيدەگى ازىق – تۇلىكتەردى تاس جول ارقىلى قوراپسىز تيەپ تاسىمالداۋ، ارناۋلى جابدىقتا ءبىرتۇتاس ولقىلىق ساقتالعانىن انىق بىلە تۇرا ءوندىرىستى دەرەۋ توقتاتپاۋ، قايتارىپ الماۋ سىندى زاڭعا قايشى ارەكەتتەردى ىستەگەندەردى زاڭعا اۋىر دارەجەدە قايشىلىق جاساپ سەنىمدىلىگىنەن ايرىلعانداردى جازالاۋ تىزىمدىگىنە ەنگىزىپ، حالىق جۇرتشىلىعىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاعان.

ءتورتىنشى، ادىلەتتى باسەكەنى قورعاۋ. ساۋدا سالاسىنداعى پارا بەرۋ سىندى زاڭعا قايشى ارەكەت ىستەگەندەردى زاڭعا اۋىر دارەجەدە قايشىلىق جاساپ سەنىمدىلىگىنەن ايرىلعانداردىڭ تىزىمدىگىنە ەنگىزىپ باسقارىپ، ساۋدا سالاسىنداعى پارا بەرۋ سياقتى ادىلەتسىز باسەكە ارەكەتىنە سوققى بەرىپ، ادىلەتتى دە ءتارتىپتى بازار باسەكەسى ءتارتىبىن قورعاۋعا دەم بەرىپ، سەنىمدىلىككە ساياتىن جازالاۋ شاراسى ارقىلى ادىلەتسىز باسەكەنىڭ قورعانىن جويىپ، ادىلەتتى دە ءتارتىپتى، سەنىمدى دە زاڭعا بويسۇناتىن بازار ەكولوگياسىن جەتىلدىرىپ، ەكونوميكانىڭ جوعارى ساپالى دامۋىن ىلگەرىلەتكەن.

كەلۋ قاينارى: حالىق تورابى