قاتەردەن اراشالاۋ، قۇتقارۋ - كومەكتەسۋ، جارالىلاردى قۇتقارۋ - ەمدەۋ، بۇقارانى ورنالاستىرۋدى كۇش سالا ۇيىمداستىرىپ، اپاتتان ساقتانۋ، اپاتتان قۇتقارۋ قىزمەتتەرىن تىڭعىلىقتى، ويداعىداي ىستەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك

«حالىق گازەتى» (2026 - جىلى 7 - ايدىڭ 8 - كۇنى، 1 - بەت)شينحۋا اگەنتتىگى، 7 - ايدىڭ 7 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى.

شي جينپيڭ بىلاي دەپ اتاپ كورسەتتى: جۋىقتا گۋاڭشي، حۋبەي، گانسۋ سياقتى جەرلەردە نوسەر جاۋىپ، بوران سوعىپ، سۋ قويمالارىندا توسپا جىرىلۋ، تاۋ كوشكىنى سياقتى اپاتتار ارت - ارتىنان تۋىلىپ، اۋىر ءولىم - ءجىتىم جانە ەكونوميكالىق زيان تۋدىردى. قاتەردەن اراشالاۋ، قۇتقارۋ - كومەكتەسۋ، جارالىلاردى قۇتقارۋ - ەمدەۋ، بۇقارانى ورنالاستىرۋ سياقتى قىزمەتتەردى بار كۇشپەن ۇيىمداستىرىپ، ءولىم - ءجىتىمدى مۇمكىندىكتىڭ بارىنشا ازايتىپ، قوسالقى اپاتتاردىڭ تۋىلۋىنان ساقتانۋ كەرەك.

شي جينپيڭ بىلاي دەپ باسا دارىپتەدى: قازىر تاسقىننان ساقتانۋ جاعدايى قاتاڭ دا كۇردەلى، جەر - جەر، قاتىستى تاراۋلار بەلگىلەنگەن ورنالاستىرۋلاردىڭ تياناقتانۋىن ويداعىداي يگەرىپ، سالعىرتسۋ يدەياسى مەن باق سىناۋ پسيحيكاسىن باتىل جەڭىپ، اپاتتان ساقتانۋ، اپاتتان قۇتقارۋ جاۋاپكەرشىلىگىن قاداعالاپ، ناقتىلاندىرىپ، داريا، وزەن، كول، قاتەرلى سۋ قويماسى، گەولوگيالىق اپات وڭاي تۋىلاتىن ءوڭىر سياقتى حاۋىپ - قاتەر كومەسكى كىناراتتارىن ءبىر - بىرلەپ تەكسەرۋدى، رەتتەۋ - وڭاۋدى ىشكەرىلەي ورىستەتىپ، باقىلاۋ - ولشەۋ، ساقتاندىرۋ جانە شۇعىل جاعدايعا توتەپ بەرۋ، قۇتقارۋ دايىندىعىن كۇشەيتىپ، اپاتتان ساقتانۋ، اپاتتان قۇتقارۋ قىزمەتتەرىن تىڭعىلىقتى ويداعىداي ىستەپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىنە شىنايى كەپىلدىك ەتۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: تاياۋدا سۇركەيلى اۋا رايى جاعدايى كوپ تۋىلدى، مەملەكەتتىك تاسقىننان ساقتانۋ كەڭسەسى، مەملەكەتتىك اپاتتان ساقتانۋ كەڭسەسى جەر - جەردىڭ جاۋىن - شاشىن جاعدايىن، تاسقىن جاعدايىن قاداعالاي نازار اۋدارۋىنا جەتەكشىلىك ەتىپ، حاۋىپ - قاتەر جاعدايىن باقىلاۋ - تەكسەرۋدى، ساقتاندىرۋدى كۇشەيتىپ، قاتەردەن اراشالاۋ، قۇتقارۋ - كومەكتەسۋدى بار كۇشپەن ورىستەتىپ، اپات حاۋىپ - قاتەرى مەن كومەسكى قاتەرىن ىشكەرىلەي ءبىر - بىرلەپ تەكسەرىپ، تاسقىننان ساقتانۋ، اپاتتان قۇتقارۋ شارالارىن ناقتى، ەگجەي - تەگجەيلى تياناقتاندىرىپ، اۋىر قوسالقى اپات تۋىلۋىنان باتىل ساقتانۋى كەرەك.