قوعام حاۋىپسىزدىگى مينيسترلىگى قاتىناس باسقارۋ مەكەمەسى مىنانى ەسكەرتتى: جاڭبىرلى كۇندەرى اۆتوكولىكتىڭ قارقىنىن تومەندەتىپ، سۋ باسقان جول بولەكتەرىنەن اۋلاق بولۋ كەرەك

شينحۋا اگەنتتىگىنىڭ 7 - ايدىڭ 8 – كۇنى بەيجيڭ. قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى 7 - ايدىڭ 8 - كۇنى تاياۋدا قالىڭ جاڭبىردىڭ ىقپالىنا ۇشىراعان ءىشىنارا جول قاتىناس شىرعالاڭدارى مەن قاتەرلى جاعدايلاردى جاريالاپ، جۇرتشىلىققا جاڭبىرلى كۇندەرى اۆتوكولىكتىڭ قارقىنىن تومەندەتىپ، سۋ باسقان جول بولەكتەرىنەن اۋلاق بولۋدى ەسكەرتتى.

حابارعا قاراعاندا، 7 – ايدىڭ 5 - كۇنى شاڭحاي – چۇڭچيڭ جوعارى قارقىندى تاس جولىنىڭ حۋبەي بولەگىندە جاڭ x جاڭبىردا اۋىر تۇرپاتتى جارتىلاي تىركەمەلى اۆتوكولىكتى ايداپ اينالما جولدان ءوتىپ نەگىزگى جەلىگە كىرگەندە، اۆتوكولىك مەڭگەرۋگە كەلمەي سىرعىپ كەتىپ، وڭدى – سولدى تەربەلۋ بارىسىندا ورتاداعى قورعاۋ تورىن بۇزىپ، قارسى باعىتتاعى اۆتوكولىك جولىنا ٴوتىپ كەتكەن. تەكسەرۋ ارقىلى ۋاقيعا تۋىلعان اينالما جولدىڭ ەڭ جوعارى ساعاتتىق جىلدامدىعى 40 كيلومەتر، جاڭ x تىڭ قارقىنىنىڭ ولشەمنەن اسۋ مولشەرى %75 تەن جوعارى بولىپ، شىرعالاڭنىڭ بارلىق جاۋاپكەرشىلىگىن ارقالايدى دەپ تۇراقتاندىرىلادى.

قوعام حاۋىپسىزدىگى مينيسترلىگى قاتىناس باسقارۋ مەكەمەسى مىنانى ەسكەرتتى: جاڭبىرلى كۇندەرى جول بەتى تايعاق بولادى، اۆتوكولىك قارقىنى وتە تەز بولعان جاعدايدا، اۆتوكولىك دوڭگەلەگىنىڭ جەر بەتىمەن بولعان ۇيكەلىس كۇشى ءالسىز بولعاندىقتان وڭاي تايادى. ەگەر اينالما جولدا بولسا، اۆتوموبيل بۇرىلعاندا سىرتقا قاراي اۋىتقۋ جاعدايى بولادى، سونداي – اق اۆتوكولىك قىرىنان سىرعىپ، قۇيرىعى تايىپ كەتىن جاعداي تۋىلادى، جاڭبىرلى كۇندەرى اۆتوكولىك ايداعاندا، ءسوز جوق، اۆتوكولىك قارقىنىن تومەندەتۋ كەرەك؛ بۇرالاڭ جولداردان، اينالما جولداردان وتكەندە نەمەسە ايقاسپا جول اۋىزدارىنان بۇرىلعاندا، قارقىندى بارىنشا باياۋلاتىپ، اۆتوكولىك قارقىنىن حاۋىپسىز كولەمدە تىزگىندەۋ كەرەك.

قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى تاعى مىنانى جاريالادى: تاياۋدا كەيبىر جەرلەردە نوسەر جاۋىپ، سۋ جينالىپ، تاسقىن جۇرگەندىكتەن، اۆتوكولىكتەر سۋ قاپتاعان كوپىردەن وتكەندە قامالىپ قالاتىن جاعداي تۋىلادى. قاتىناس ساقشىلارى مىنانى ەسكەرتتى: جۇرتشىلىق نوسەرلى جاڭبىردا سىرتقا شىعۋ وتە قاجەتتى بولماعاندا بارىنشا سىرتقا شىقپاۋى كەرەك؛ سىرتقا شىققاندا جاۋىن - شاشىن جاعدايى كۇشتى مەزگىلدەن جانە سۋ جاعاسىنا جاقىن، سۋ وڭاي جينالاتىن كوپىر، تۋنەل سياقتى ويپاڭ جول بولەكتەرىنەن اۋلاق بولۋ، سۋعا كوزسىزدىكپەن تۇسپەۋ، تاۋ، وزەن اڭعارى قاتارلى جەر كوشكىنى، لاي تاسقىنى، تاسقىن اپاتى وڭاي تۋىلاتىن جەرلەرگە بارماۋى كەرەك.

كەلۋ قاينارى: حالىق تورابى