مەملەكەتتىك عىلىم - تەحنيكا سيلىعى جينالىسى مەن ەكى اكادەميانىڭ اكادەميكتەر جينالىسى، جۇڭگو عىلىم - تەحنيكا قوعامىنىڭ 11 - رەتكى مەملەكەتتىك قۇرىلتايى بەيجيڭدە اشىلدى

شي جينپيڭ ماڭىزدى ءسوز سويلەپ بىلاي دەپ باسا دارىپتەدى: ”15 - بەسجىلدىق“ مەزگىلى − عىلىم - تەحنيكادا قۋاتتى ەل قۇرۋدىڭ شەشۋشى قامال الۋ مەزگىلى. تاريحي ورايدى مىقتى يگەرىپ، ءداۋىردىڭ سىن - سايىسىن قارسى الىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جەدەل ىلگەرىلەتىپ، 2035 - جىلعا بارعاندا عىلىم - تەحنيكادا قۋاتتى ەل قۇرۋ نىساناسىنا قاراي نىق قادام تاستاپ، عىلىم - تەحنيكادا جاڭالىق اشۋدى جۇڭگو ۇلگىسىندەگى وسىزامانداندىرۋعا تىڭعىلىقتى تىرەك ەتۋ جانە جەتەكشىلىك ەتۋ كەرەك

لي چياڭ باسقاردى، جاۋ لىجي، ۋاڭ حۋنيڭ، ساي چي، لي شي قاتىناستى، ديڭ شۋەشياڭ سيلاۋ قارارىن وقىدى

7 - ايدىڭ 8 - كۇنى تۇستەن بۇرىن مەملەكەتتىك عىلىم - تەحنيكا سيلىعى جينالىسى، جۇڭگو عىلىم اكادەمياسىنىڭ 22 - رەتكى اكادەميكتەر جينالىسى جانە جۇڭگو ينجەنەريالىق عىلىمدار اكادەمياسىنىڭ 18 - رەتكى اكادەميكتەر جينالىسى، جۇڭگو عىلىم - تەحنيكا قوعامىنىڭ مەملەكەتتىك 11 - قۇرىلتايى بەيجيڭدەگى حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

7 - ايدىڭ 8 - كۇنى تۇستەن بۇرىن مەملەكەتتىك عىلىم - تەحنيكا سيلىعى جينالىسى، جۇڭگو عىلىم اكادەمياسىنىڭ 22 - رەتكى اكادەميكتەر جينالىسى جانە جۇڭگو ينجەنەريالىق عىلىمدار اكادەمياسىنىڭ 18 - رەتكى اكادەميكتەر جينالىسى، جۇڭگو عىلىم - تەحنيكا قوعامىنىڭ مەملەكەتتىك 11 - قۇرىلتايى بەيجيڭدەگى حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2025 - جىلعى مەملەكەتتىك ەڭ جوعارى عىلىم - تەحنيكا سيلىعىنا يە بولعان جۇڭگو عىلىم اكادەمياسى فيزيكا زەرتتەۋ ورنىنداعى چىن ليچۋان اكادەميككە (وڭدا) جانە جۇڭگو ەلەكترون عىلىم - تەحنيكا توبى 14 - زەرتتەۋ ورنىنداعى بىن دى اكادەميككە (سولدا) سيلىق بەرۋدە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

7 - ايدىڭ 8 - كۇنى تۇستەن بۇرىن مەملەكەتتىك عىلىم - تەحنيكا سيلىعى جينالىسى، جۇڭگو عىلىم اكادەمياسىنىڭ 22 - رەتكى اكادەميكتەر جينالىسى جانە جۇڭگو ينجەنەريالىق عىلىمدار اكادەمياسىنىڭ 18 - رەتكى اكادەميكتەر جينالىسى، جۇڭگو عىلىم - تەحنيكا قوعامىنىڭ مەملەكەتتىك 11 - قۇرىلتايى بەيجيڭدەگى حالىق سارايىندا سالتاناتپەن اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار جينالىسقا قاتىناستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن «حالىق گازەتى»، 7 - ايدىڭ 8 - كۇنى، بەيجيڭ. مەملەكەتتىك عىلىم - تەحنيكا سيلىعى جينالىسى، جۇڭگو عىلىم اكادەمياسىنىڭ 22 - رەتكى اكادەميكتەر جينالىسى جانە جۇڭگو ينجەنەريالىق عىلىمدار اكادەمياسىنىڭ 18 - رەتكى اكادەميكتەر جينالىسى، جۇڭگو عىلىم - تەحنيكا قوعامىنىڭ 11 - رەتكى مەملەكەتتىك قۇرىلتايى 7 - ايدىڭ 8 - كۇنى تۇستەن بۇرىن حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناسىپ، مەملەكەتتىڭ ەڭ جوعارى عىلىم - تەحنيكا سيلىعىنىڭ يەگەرلەرىنە سيلىق بەردى ءارى ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار). ول بىلاي دەپ باسا دارىپتەدى: ”15 - بەسجىلدىق“ مەزگىلى − عىلىم - تەحنيكادا قۋاتتى ەل قۇرۋدىڭ شەشۋشى قامال الۋ مەزگىلى. تاريحي ورايدى مىقتى يگەرىپ، ءداۋىردىڭ سىن - سايىسىن قارسى الىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جەدەل ىلگەرىلەتىپ، 2035 - جىلعا بارعاندا عىلىم - تەحنيكادا قۋاتتى ەل قۇرۋ نىساناسىنا قاراي نىق قادام تاستاپ، عىلىم - تەحنيكادا جاڭالىق اشۋدى جۇڭگو ۇلگىسىندەگى وسىزامانداندىرۋعا تىڭعىلىقتى تىرەك ەتۋ جانە جەتەكشىلىك ەتۋ كەرەك.

جينالىستى لي چياڭ باسقاردى، جاۋ لىجي، ۋاڭ حۋنيڭ، ساي چي، لي شي جينالىسقا قاتىناستى، ديڭ شۋەشياڭ سيلاۋ قارارىن وقىدى.

تۇستەن بۇرىن ساعات 10 نان 30 مينۋت وتكەندە جينالىس باستالدى، زالداعىلار ورىندارىنان تۇرىپ، مەملەكەت گيمنىن اسقاقتاتا شىرقادى.

ديڭ شۋەشياڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2025 - جىلعى مەملەكەتتىك عىلىم - تەحنيكا سيلىعى جونىندەگى قارارىن» وقىدى (قاراردىڭ تولىق مازمۇنى بولەك جاريالاندى).

سالت كەرنايى كوتەرىلدى، شي جينپيڭ الدىمەن 2025 - جىلعى مەملەكەتتىك ەڭ جوعارى عىلىم - تەحنيكا سيلىعىنا يە بولعان جۇڭگو عىلىم اكادەمياسى فيزيكا زەرتتەۋ ورنىنداعى چىن ليچۋان اكادەميك پەن جۇڭگو ەلەكترون عىلىم - تەحنيكا توبى 14 - زەرتتەۋ ورنىنداعى اكادەميك بىن دىعا وردەن، كۋالىك تاراتتى، ولارمەن ىستىق ىقىلاسپەن قول الىسىپ، قۇتتىقتادى. وسىدان كەيىن شي جينپيڭ قاتارلى پارتيا مەن مەملەكەت باسشىلارى ەكى ەڭ جوعارى سيلىقتىڭ يەگەرلەرىمەن بىرگە مەملەكەتتىك جاراتىلىستىق عىلىم سيلىعىنا، مەملەكەتتىك تەحنيكالىق تاپقىرلىق سيلىعىنا، مەملەكەتتىك عىلىم - تەحنيكا العاباسارلىعى سيلىعىنا جانە جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىك سيلىعىنا يە بولعانداردىڭ ۋاكىلدەرىنە كۋالىك تاراتتى.

قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى.

ول مىنالاردى اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى عىلىم - تەحنيكادا جاڭالىق اشۋدى وسىزامانداندىرۋ قۇرىلىسىنىڭ كورنەكتى ورنىنا قويىپ، عىلىم - تەحنيكادا قۋاتتى ەل قۇرۋ جوباسىن جۇيەلى سىزىپ، جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى ىشكەرىلەي ىلگەرىلەتىپ، عىلىم - تەحنيكا ءتۇزىلىسى رەفورماسىن جاپپاي تەرەڭدەتىپ، عىلىم - تەحنيكا ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋىن ىلگەرىلەتتى. ەلىمىز دۇنيە جۇزىندەگى عىلىم - تەحنيكاعا ات سالىسۋشىدان، ۇلەس قوسۋشىدان ءورىس اشۋشى، باستاۋشى بولۋعا جەدەل بۇرىلىس جاساپ، جاڭالىق اشۋ قۋاتى ەڭ تەز ەلدەردىڭ بىرىنە اينالدى.

شي جينپيڭ مىنالاردى باسا دارىپتەدى: جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى ادامزاتتىڭ ءوندىرىس، تۇرمىس ءتاسىلى مەن دۇنيە ءجۇزىنىڭ دامۋ جاعدايىن تەرەڭ وزگەرتتى. ءبىز جاڭا جاعدايعا، جاڭا تالاپقا ۇيلەسىپ، اناعۇرلىم پارمەندى شارالار قولدانىپ، ەلىمىزدىڭ عىلىم - تەحنيكاسىن دامىتۋ بارىسىندا ورىن تەۋىپ وتىرعان ماسەلەلەردى شىنايى شەشىپ، پارتيا ورتالىق كوميتەتىنىڭ عىلىم - تەحنيكا ىستەرى جونىندەگى ورنالاستىرۋلارىن تياناقتاندىرۋدى بار كۇشپەن ويداعىداي يگەرۋىمىز كەرەك.

شي جينپيڭ بىلاي دەپ اتاپ كورسەتتى: عىلىم - تەحنيكادا جاڭالىق جاراتۋ جۇيەسىنىڭ قامال الۋ قابىلەتىن كۇشەيتىپ، مەملەكەتتىڭ جاڭالىق جاراتۋ جۇيەسىنىڭ جالپى تۇلعالىق ونىمدىلىگىن جوعارىلاتۋ كەرەك. ”ءتورتتى بەتكە الۋ“ ستراتەگيالىق بەتالىسىنا تاباندى بولىپ، عىلىم - تەحنيكادا ستراتەگيالىق جوبا، ساياساتتىق شارا، كەلەلى مىندەت، عىلمي زەرتتەۋ كۇشتەرى، بايلىق تۇعىرى، وڭىرلىك جاڭالىق اشۋ سياقتى جاقتاردى ءبىر تۇتاس جوسپارلاۋدى اناعۇرلىم كۇشەيتۋ كەرەك. مەملەكەتتىڭ كەلەلى عىلىم - تەحنيكادا جاڭالىق جاراتۋ مىندەتتەرىن ورنالاستىرۋ جانە ۇيىمداستىرىپ اتقارۋ مەحانيزمىن كەمەلدەندىرىپ، عىلمي زەرتتەۋدىڭ نەگىزدىك شارت - جاعدايىن دەربەس قامتاماسىزداندىرۋدى نىعايتۋ كەرەك. مەملەكەتتىڭ ستراتەگيالىق عىلىم - تەحنيكا كۇشتەرىنىڭ فۋنكتسيالىق ورنى مەن ورنالاسۋىن ساپالىلاندىرىپ، مىندەتتى سايكەستىرۋدى، بايلىقتان ورتاق يگىلىكتەنۋدى، ابزالدىقتارىمەن ءبىرىن - ءبىرى تولىقتاۋدى ىلگەرىلەتۋ كەرەك. ءار دارەجەلى عىلىم - تەحنيكا قىزمەتىنە ءبىر تۇتاس جەتەكشىلىك ەتۋدى كۇشەيتىپ، ورتالىق پەن جەرگىلىكتى ورىندار سايكەسەتىن، وڭىرلەر بىرلەسىپ قيمىلدايتىن تۇزىمدىك ورنالاستىرۋ قالىپتاستىرۋ كەرەك.

شي جينپيڭ بىلاي دەپ باسا دارىپتەدى: عىلىم - تەحنيكادا جاڭالىق جاراتۋمەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن ىلگەرىلەتىپ، عىلىم - تەحنيكانىڭ رەال وندىرگىش كۇشكە جەدەل اينالۋ ارناسىن كەڭەيتۋ كەرەك. عىلىم - تەحنيكادا جاڭالىق جاراتۋدا قولدانۋ بەتالىسىن كورنەكتىلەندىرىپ، كاسىپ سالاسىندا جاڭالىق جاراتۋدا عىلمي ماسەلەلەردى العا قويۋ كەرەك. مەملەكەتتىڭ تەحنيكانى كادەگە جاراتۋ جۇيەسى قۇرىلىسىن كۇشەيتىپ، كوپ نەگىزدى قولدانىلمالى جاعداي مەن جوعارى دەڭگەيدەگى كاسىپ سالاسى شوعىرىن قالىپتاستىرىپ، دەربەس زەرتتەپ جاساعان تەحنيكالىق ونىمدەردى جالپىلاستىرۋ، قولدانۋ جانە دارەجەسىن جوعارىلاتۋ كەرەك. ءبىلىم مەنشىك ۇقىعىن قورعاۋ ءتۇزىمىن كەمەلدەندىرۋ كەرەك. عىلىم - تەحنيكادا جاڭالىق جاراتۋعا سايكەسەتىن عىلىم - تەحنيكا فينانس ءتۇزىلىسىن ورناتۋ كەرەك.

شي جينپيڭ بىلاي دەپ اتاپ كورسەتتى: عىلىمنىڭ بولاشاعى جاستاردا، سەلبەسىپ ادام تاربيەلەۋ مەحانيزمىن ساپالىلاندىرىپ، تاڭداۋلى جاس عىلىم - تەحنيكا دارىندىلارىن كۇش سالا جەتىلدىرۋ كەرەك. عىلمي زەرتتەۋ قىزمەتكەرلەرىن قولداۋ تەبىنىن ارتتىرىپ، ءىس جۇزىندىك قيىنشىلىقتاردى شەشۋگە كومەكتەسىپ، ولاردىڭ بەرىلە زەرتتەۋىنە، الاڭسىز جۇمىس ىستەۋىنە مۇمكىندىك جاساۋ كەرەك. جاستار مەن ورەندەردىڭ قىزىعۋ ەرەكشەلىگىن، عىلمي ساپاسىن، تاجىريبە قابىلەتىن اشۋعا جانە جەتىلدىرۋگە باسا ءمان بەرىپ، عىلمي زەرتتەۋ كومەسكى قابىلەتىنە يە ءتىپتى دە كوپ جاستار مەن ورەندەردى عىلىم - تەحنيكا ىستەرىنە ات سالىسۋعا باۋراۋ كەرەك.

شي جينپيڭ بىلاي دەپ باسا دارىپتەدى: عىلىم - تەحنيكادا جاڭالىق جاراتۋعا قوسىلىم ونىمدىلىگىن جوعارىلاتىپ، قوسىلىم كولەمىنىڭ ارتۋى مەن ونىمدىلىكتىڭ جوعارىلاۋىنىڭ بىرلىگىن جۇزەگە اسىرۋ كەرەك. ورتالىق قازىنانىڭ عىلىم - تەحنيكا قاراجاتىن ءبولۋ جانە باسقارۋ، پايدالانۋ مەحانيزمىن كەمەلدەندىرىپ، كەلەلى عىلىم - تەحنيكا مىندەتتەرىندە ورتالىق پەن جەرگىلىكتى ورىندار قوسىلىمدى بىرگە ارقالاۋ مەحانيزمىن اقاۋسىزداندىرۋ كەرەك. عىلىم - تەحنيكا جوسپارىن باسقارۋدى جاقسارتىپ، عىلىم - تەحنيكا نىساندارىن باقىلاۋ - تەكسەرۋدى جانە ناتيجەسىن باعالاۋدى كۇشەيتۋ كەرەك. كاسىپورىنداردى زەرتتەۋ - اشۋعا قوسىلىمدى ارتتىرۋعا جەتەكتەپ، ءتىپتى دە كوپ قوعامدىق كۇشتەردى عىلىم - تەحنيكادا جاڭالىق جاراتۋ ءۇشىن قولداۋ كورسەتۋگە جۇمىلدىرۋ كەرەك.

شي جينپيڭ بىلاي دەپ اتاپ كورسەتتى: عىلىم - تەحنيكالىق باعالاۋ رەفورماسىن تەرەڭدەتىپ، عىلىم - تەحنيكالىق باعالاۋ قولباسشىلىق تاياعىنان ويداعىداي پايدالانۋ كەرەك. نىسانداردى تۇراقتاندىرۋدا، قۇرىلىمداردى باعالاۋدا، دارىندىلاردى باعالاۋدا جاڭالىق جاراتۋ قابىلەتىن، ساپاسىن، ناقتى ونىمدىلىگىن، ۇلەس قوسۋ بەتالىسىن كۇشەيتۋ كەرەك. ”تورتكە عانا نەگىزدەلىپ باعالاۋ“ مەحانيزمىن وزگەرتىپ، عىلىم - تەحنيكا، وقۋ - اعارتۋ سالاسىنداعى ”قالپاق“ ماسەلەسىن وڭاۋدى ۇزدىكسىز تەرەڭدەتۋ كەرەك. عالىمدار رۋحىن بارىنشا ساۋلەلەندىرىپ، عىلمي زەرتتەۋدەگى ادالدىق قۇرىلىسىن كۇشەيتىپ، ستيلى پاك، سالتى دۇرىس عىلمي زەرتتەۋ ەكولوگياسىن قالىپتاستىرۋ كەرەك.

شي جينپيڭ بىلاي دەپ باسا دارىپتەدى: عىلىم - تەحنيكالىق ەتيكا مەن حاۋىپسىزدىكتى جونگە سالۋدى كۇشەيتىپ، عىلىم - تەحنيكانىڭ العا باسۋىن، ىزگىلىككە تالپىنۋىن، حاۋىپسىزدىكتى مەڭگەرۋىن، حالىققا باقىت جاراتۋىن ىلگەرىلەتۋ كەرەك. ساياساتتىق ءتۇزىمدى، زاڭ - ەرەجەلەردى جانە باسقارۋ ولشەمىن كەمەلدەندىرىپ، كوپ جاق ات سالىساتىن، سەلبەسىپ بىرگە باسقاراتىن ءتۇزىلىس، مەحانيزمدى اقاۋسىزداندىرۋ كەرەك. ءتۇيىندى سالالارداعى ەتيكالىق ولشەم مەن جەتەكشىلىكتى ايقىنداپ، عىلىم - تەحنيكا حاۋىپسىزدىگى حاۋىپ - قاتەرىن تۇجىرىمداۋدى، باقىلاۋ - ولشەۋدى، ساقتاندىرۋدى جانە شۇعىل جاعدايعا اڭىس ءبىلدىرۋدى كۇشەيتۋ كەرەك. دۇنيە جۇزىلىك عىلىم - تەحنيكانى باسقارۋعا ىشكەرىلەي ات سالىسىپ، جۇڭگو باستاماسى مەن جۇڭگو جوباسىن كەڭ كولەمدە ۇگىتتەۋ، تانىستىرۋ كەرەك.

شي جينپيڭ بىلاي دەپ اتاپ كورسەتتى: ەلىمىزدىڭ عىلىم - تەحنيكا ىستەرىنىڭ گۇلدەنىپ - كوركەيۋىن ىلگەرىلەتۋ بۇكىل پارتيانىڭ، بۇكىل قوعامنىڭ بىرگە قۇلشىنۋىن قاجەت ەتەدى. ءار دارەجەلى پارتكومدار مەن ۇكىمەتتەر عىلىم - تەحنيكا قىزمەتىن ماڭىزدى كۇن تارتىپكە قويىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، شىنايى يگەرىپ، ناقتى ىستەپ، ۇزاق ۋاقىت ۇلەس قوسىپ، ۇزدىكسىز تىڭ تابىستارعا قول جەتكىزۋى كەرەك. جۇڭگو عىلىم اكادەمياسى، جۇڭگو ينجەنەريا اكادەمياسى بۇكىل ەلدەگى عىلىم - تەحنيكا سالاسىنداعىلاردى ىنتىماقتاستىرىپ، جاڭا كەزەكتى عىلىم - تەحنيكا توڭكەرىسىنىڭ بەتالىسىن يگەرىپ، دۇنيە ءجۇزى عىلىمىنىڭ بيىك شىڭىنا ەرلىكپەن شىعۋى كەرەك. جۇڭگو عىلىم - تەحنيكا قوعامى ىزدەنىس جاساۋعا، جاڭالىق اشۋعا تاباندى بولىپ، عىلىم - تەحنيكا قىزمەتكەرلەرىنە، جاڭالىق اشۋ ارقىلى دامۋعا دەم بەرۋگە، جالپى حالىقتىڭ عىلمي ساپاسىن جوعارىلاتۋعا، پارتيا مەن ۇكىمەتتىڭ عىلمي شەشىم جاساۋىنا بار ىنتا - پەيىلىمەن قىزمەت وتەۋى كەرەك.

شي جينپيڭ مىنالاردى ءبىلدىردى: ەكى اكادەمياداعى اكادەميكتەردىڭ داڭقتى قاستەرلەپ، قاجىماي - تالماي كۇرەس جۇرگىزىپ، عىلىم - تەحنيكانىڭ الدىڭعى لەگىن اشۋ، ماڭىزدى مىندەتتەردى ارقالاۋ، جاس دارىندىلاردى جەتىلدىرۋ، عالىمداردىڭ رۋحىن امالياتتا ايگىلەۋ جاقتارىندا ۇلگىلىك، جەتەكشىلىك رول اتقارۋىن ءۇمىت ەتەمىن.

قالىڭ عىلىم - تەحنيكا قىزمەتكەرلەرىنىڭ مەملەكەتكە قىزمەت وتەۋ، حالىققا باقىت جاراتۋ تاڭداۋلى ءداستۇرىن ساۋلەلەندىرىپ، عىلىم - تەحنيكادا قۋاتتى ەل قۇرۋعا كوپتەپ تىڭ ۇلەس قوسۋىن ءۇمىت ەتەمىن.

لي چياڭ جينالىستى باسقارعاندا مىنانى اتاپ كورسەتتى: باس شۋجي شي جينپيڭنىڭ ماڭىزدى سوزىندە سوڭعى جىلداردان بەرى ەلىمىزدىڭ عىلىم - تەحنيكا ىستەرىندە قول جەتكەن كەلەلى تابىستار تولىق تۇراقتاندىرىلىپ، عىلىم - تەحنيكانى دامىتۋدا ءدوپ كەلگەن جاڭا جاعدايلارعا ىشكەرىلەي تالداۋ جاسالىپ، جاۋاپكەرشىلىك سەزىمدى، كوكەي تەستىلىك سەزىمدى، بورىشتىلىق سەزىمدى ونان ارى كۇشەيتۋ، پارتيا ورتالىق كوميتەتىنىڭ ”15 - بەسجىلدىق“ مەزگىلىندەگى عىلىم - تەحنيكا ىستەرى جونىندەگى ءتۇرلى ورنالاستىرۋلارىنىڭ تياناقتانۋىن بار كۇشپەن ويداعىداي يگەرۋ جونىندە ايقىن تالاپتار قويىلدى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، يدەياسى تەرەڭ، مازمۇنى باي، اسا كۇشتى ساياسي سيپاتقا، ستراتەگيالىق سيپاتقا، جەتەكشىلىك سيپاتقا يە بولىپ، جاڭا داۋىردەگى عىلىم - تەحنيكا قىزمەتىن ويداعىداي ىستەۋگە العا باسۋ بەتالىسىن كورسەتىپ، ءتۇبىرلى تياناق ازىرلەدى. ءبىز ىشكەرىلەي ۇيرەنىپ، ءتۇسىنىپ، باتىل دايەكتىلەندىرىپ، تياناقتاندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، عىلىم - تەحنيكا قىزمەتىن ويداعىداي ىستەۋ بەكىمى مەن سەنىمىن ونان ارى كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋىمىز كەرەك.

ماجىلىستە چىن ليچۋان مەن بىن دى بارلىق سيلىق يەگەرلەرى اتىنان ءسوز سويلەدى.

جينالىستان ىلگەرى شي جينپيڭ قاتارلى باسشى جولداستار مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرىمەن ىقىلاستى تۇردە كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق كوميتەت شۋجيچۋىنىڭ ءىشىنارا شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار جينالىسقا قاتىناستى.

ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى نەگىزگى جاۋاپتى جولداستار، ورتالىق عىلىم - تەحنيكا كوميتەتىنىڭ مۇشەلەرى، مەملەكەتتىك عىلىم - تەحنيكا سيلىعى كوميتەتىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ قاتىستى جاۋاپتى جولداستارى، مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرى، ەكى اكادەميانىڭ اكادەميكتەرى، ءبىر ءبولىم شەتەلدىك اكادەميكتەر، جۇڭگو عىلىم - تەحنيكا قوعامىنىڭ مەملەكەتتىك 11 - قۇرىلتايىنىڭ ۋاكىلدەرى قاتارلىلاردان 4300 دەي ادام جينالىسقا قاتىناستى.

2025 - جىلعى مەملەكەتتىك عىلىم - تەحنيكا سيلىعى بويىنشا 258 نىسان جانە 11 عىلىم - تەحنيكا مامانى باعالاندى. مۇنىڭ ىشىندە مەملەكەتتىك ەڭ جوعارى عىلىم - تەحنيكا سيلىعىنىڭ يەگەرىنەن 2 ادام بار؛ مەملەكەتتىك جاراتىلىستىق عىلىم سيلىعى 51 ءتۇر، مۇنىڭ ىشىندە 1 - دارەجەلى سيلىق ءۇش ءتۇر، 2 - دارەجەلى سيلىق 48 ءتۇر؛ مەملەكەتتىك تەحنيكالىق تاپقىرلىق سيلىعى 58 ءتۇر، مۇنىڭ ىشىندە 1 - دارەجەلى سيلىق 3 ءتۇر، 2 - دارەجەلى سيلىق 55 ءتۇر؛ مەملەكەتتىك عىلىم - تەحنيكا العاباسارلىعى سيلىعى 149، مۇنىڭ ىشىندە ەرەكشە دارەجەلى سيلىق ۇشەۋ، 1 - دارەجەلى سيلىق 13، 2 - دارەجەلى سيلىق 133؛ شەتەلدىك 9 مامانعا جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىك سيلىعى بەرىلدى.