«شي جينپيڭنىڭ نەگىزگى ساتى قىزمەت ءادىسى جونىندەگى ماڭىزدى بايىمداۋلارىن ۇيرەنۋ وقۋلىعى» باسپادان شىعىپ تاراتىلدى

«حالىق گازەتى»، 7 - ايدىڭ 8 - كۇنى، بەيجيڭ، (ءتىلشى مىڭ شياڭفۋ). ورتالىق ۇيىمداستىرۋ ءبولىمى ۇيىمداستىرىپ قۇراستىرعان «شي جينپيڭنىڭ نەگىزگى ساتى قىزمەت ءادىسى جونىندەگى ماڭىزدى پايىمداۋلارىن ۇيرەنۋ وقۋلىعى» تاياۋدا پارتيا قۇرىلىسى وقۋلىعى باسپاسىنان باسىلىپ شىعىپ، بۇكىل ەل كولەمىندە تاراتىلدى.

باس شۋجي شي جينپيڭ _ نەگىزگى ساتىدا، بۇقارا اراسىندا ەسەيىپ - ەرجەتكەن ءىرى پارتيا، ءىرى ەل كوسەمى، حالىق بۇقاراسىنا باستان - اياق تەرەڭ سۇيىسپەنشىلىك ورناتىپ، نەگىزگى ساتى قىزمەتىنىڭ زاڭدىلىعىن تەرەڭ سەزىندى. مەيلى جەرگىلىكتى ورىندا قىزمەت ىستەگەن كەزدە بولسىن، الدە ورتالىققا بارىپ قىزمەت ىستەگەن كەزدە بولسىن شي جينپيڭ جولداس باستان - اياق نەگىزگى ساتىعا ءمان بەرىپ، نەگىزگى ساتىعا كوڭىل ءبولىپ، نەگىزگى ساتىعا ىشكەرىلەي ارالاسىپ، نەگىزگى ساتىنى قولداپ، نەگىزگى ساتىنى يگەرۋدى، نەگىز قالاۋدى ۇزاق بولاشاقتىق جوسپار جانە نەگىزدى بەكەمدەۋ شاراسى ەتۋگە تاباندى بولىپ، نازاريالىق مانگە جانە امالياتتىق قۇنعا يە ءبىر قىدىرۋ نەگىزگى ساتى قىزمەت ادىستەرىن قاراستىردى. شي جينپيڭ جولداستىڭ نەگىزگى ساتى قىزمەتى ءادىسى توڭىرەگىندە جاريالاعان ءبىر قىدىرۋ ماڭىزدى بايىمداۋلارى اسقاق مۇرات ورناتىپ، مازمۇنى باي، يدەياسى تەرەڭ بولىپ، نەگىزگى ساتى دەگەن نە، نەگىزگى ساتىعا قالاي ىشكەرىلەي ارالاسۋ، نەگىزگى ساتىعا قالاي قىزمەت وتەۋ سياقتى كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، نەگىزگى ساتى قىزمەتىنىڭ زاڭدىلىعى جونىندەگى تانىمدى تەرەڭدەتىپ، جاڭا داۋىردەگى جاڭا جورىقتاعى نەگىزگى ساتى قىزمەتىن ويداعىداي ىستەۋگە ايقىن باعدار كورسەتىپ، ماڭىزدى ولشەم ازىرلەدى. «شي جينپيڭنىڭ نەگىزگى ساتى قىزمەت ءادىسى جونىندەگى ماڭىزدى بايىمداۋلارىن ۇيرەنۋ وقۋلىعىن» باسپادان شىعارىپ تاراتۋ ءار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ شي جينپيڭ جولداستىڭ نەگىزگى ساتى قىزمەت ءادىسى جونىندەگى ماڭىزدى بايىمداۋلارىن جۇيەلى ۇيرەنۋىنە، يگەرۋىنە كومەكتەسىپ، نەگىزگى ساتى قىزمەتىن ويداعىداي ىستەۋدىڭ كەلەلى ءمانىن، ءتۇبىرلى تالابىن، عىلمي ۇستانىمىن، ءونىمدى ءتاسىلىن، ءتۇبىرلى كەپىلىن تەرەڭ ءتۇسىنىپ، نەگىزگى ساتىنى اناعۇرلىم جاقسى تانۋ، نەگىزگى ساتىعا ىشكەرىلەي ارالاسۋ، نەگىزگى ساتىعا قىزمەت وتەۋ، پارتيانىڭ بيلىك جۇرگىزۋ نەگىزىن كۇش سالا بەكەمدەۋ، جۇڭگو ۇلگىسىندەگى وسىزامانداندىرۋدىڭ نەگىزگى ساتى نەگىزىن بەكەمدەۋ توتەنشە ماڭىزدى مانگە يە.

تاياۋدا ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى ۇقتىرۋ شىعارىپ، ءار دارەجەلى پارتيا ۇيىمدارىنان «شي جينپيڭنىڭ نەگىزگى ساتى قىزمەت ءادىسى جونىندەگى بايىمداۋلارىنان ۇزىندىلەر» مەن «شي جينپيڭنىڭ نەگىزگى ساتى قىزمەت ءادىسى جونىندەگى ماڭىزدى بايىمداۋلارىن ۇيرەنۋ وقۋلىعىن» دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنىڭ ماڭىزدى ۇيرەنۋ مازمۇنى ەتىپ، شي جينپيڭنىڭ پارتيا قۇرىلىسى يدەياسىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرۋدى تالاپ ەتتى. باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرىپ، بارشا پارتيا مۇشەلەرىن، كادرلاردى مۇقيات زەرتتەپ وقۋعا، ۇيرەنۋگە، اۋىس - كۇيىس جاساۋعا ۇيىمداستىرىپ، ۇيرەنۋ مەن قولدانۋدى ۇشتاستىرۋعا تاباندى بولىپ، نەگىزگى ساتى قىزمەتىنىڭ قابىلەتىن ۇزدىكسىز كۇشەيتىپ، جاڭا داۋىردەگى جاڭا جورىقتاعى نەگىزگى ساتى قىزمەتىنىڭ جاڭا جاعدايىن قۇلشىنا اشۋىمىز كەرەك.