ءتۇرلى حاۋىپ - قاتەرلەردى، كومەسكى كىناراتتاردى ىشكەرىلەي ءبىر - بىرلەپ تەكسەرىپ، رەتتەپ - وڭاپ، ءوندىرىس حاۋىپسىزدىگى شارالارىن ناقتى، ەگجەي - تەگجەيلى يگەرىپ، تياناقتاندىرىپ، ەلەۋلى، ەرەكشە ءىرى شىرعالاڭداردىڭ تۋىلۋىنان باتىل ساقتانۋ كەرەك

شينحۋا اگەنتتىگى، 7 - ايدىڭ 9 - كۇنى، بەيجيڭ. 7 - ايدىڭ 9 - كۇنى ساعات 12 مولشەرىندە فۋجيان چۋانجوۋ جينجياڭ قالاسىنداعى ءبىر اياق كيىم زاۆودىنا ءورت كەتىپ، اۋىر ءولىم - ءجىتىم تۋىلدى.

شىرعالاڭ تۋىلعاننان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ بىلاي دەپ اتاپ كورسەتتى: فۋجيان چۋانجوۋ جينجياڭ قالاسىنداعى ءبىر اياق كيىم زاۆودىندا ءورت كەتىپ، اۋىر ءولىم - ءجىتىم تۋىلدى. ادامداردى ىزدەۋ، قۇتقارۋ، سوڭعى جۇمىستاردى ىڭعايلاستىرۋ سياقتى قىزمەتتەردى كۇش سالا ويداعىداي ىستەپ، شىرعالاڭنىڭ سەبەبىن تەز ارادا انىقتاۋ ءارى جاۋاپكەرشىلىگىن قاتاڭ قۋزاۋ كەرەك.

شي جينپيڭ بىلاي دەپ باسا دارىپتەدى: بيىل جىل باسىنان بەرى ەل ىشىندە كوپتەگەن اۋىر ءوندىرىس حاۋىپسىزدىگى شىرعالاڭى تۋىلدى، جەر - جەر، قاتىستى تاراۋلار تەرەڭ ساباق الىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ءوندىرىس حاۋىپسىزدىگى سىندى ارقاۋدى قاشاندا مىقتاپ شيراتىپ، ءتۇرلى حاۋىپ - قاتەرلەردى، كومەسكى كىناراتتاردى ىشكەرىلەي ءبىر - بىرلەپ تەكسەرىپ، رەتتەپ - وڭاپ، ءوندىرىس حاۋىپسىزدىگى شارالارىنىڭ تياناقتانۋىن ناقتى، ەگجەي - تەگجەيلى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنالاردى اتاپ كورسەتتى: ىزدەۋ - قۇتقارۋدى بار كۇشپەن ۇيىمداستىرىپ، سوڭعى جۇمىستاردى ءبىر جاقتى ەتۋدى ويداعىداي ىستەپ، قوسالقى شىرعالاڭداردىڭ تۋىلۋىنان ساقتانۋ، سونىمەن بىرگە، سەبەبىن تەز ارادا انىقتاپ، جاۋاپكەرشىلىكتى زاڭ بويىنشا قاتاڭ قۋزاۋ كەرەك. مەملەكەتتىك كەڭەس ءوندىرىس حاۋىپسىزدىگى كوميتەتى كەڭسەسى جەر - جەردىڭ تومەنگى شەكتە ويلاۋدى، سوڭعى شەكتە ويلاۋدى بەرىك ورناتىپ، ءوندىرىس حاۋىپسىزدىگى حاۋىپ - قاتەرىن، كومەسكى قاتەرىن جاپپاي ءبىر - بىرلەپ تەكسەرىپ، جاۋاپكەرشىلىك شارالارىنىڭ تياناقتانۋىن مىقتى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان قاتاڭ ساقتانۋى كەرەك.

شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناق مايدانعا بارىپ جەتەكشىلىك ەتۋگە جىبەردى.

فۋجيان ولكەسى كۇش ۇيىمداستىرىپ جارالىلاردى قۇتقارۋ جانە ناق مايداندا ءبىر جاقتى ەتۋ سياقتى قىزمەتتەردى بار كۇشپەن ويداعىداي ىستەدى. قازىر ءتۇرلى قىزمەتتەر جۇرگىزىلۋدە.