جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى «تاسقىننان ساقتانىپ، قۋاڭشىلىققا قارسى اتتانۋ قىزمەتىن كۇش سالا جاقسى ىستەۋ جونىندەگى ۇقتىرۋدى» باسىپ تاراتتى

شينحۋا اگەنتتىگى، 7 - ايدىڭ 9 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى «تاسقىننان ساقتانۋ، قۋاڭشىلىققا قارسى اتتانۋ قىزمەتىن كۇش سالا ويداعىداي ىستەۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتىپ، تاسقىننان ساقتانۋ، قۋاڭشىلىققا قارسى اتتانۋ، قاتەردەن اراشالاۋ، اپاتتان قۇتقارۋدىڭ ءتۇرلى قىزمەتتەرىن كۇش سالا ويداعىداي ىستەۋ جونىندە ورنالاستىرۋ جاسادى.

«ۇقتىرۋدا» مىنالار تالاپ ەتىلدى: وڭىرلەر، قاتىستى تاراۋلار جانە ورىندار پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىن، تالاپتارىن ىشكەرىلەي دايەكتىلەندىرىپ، تاسقىن، سەل، قۋاڭشىلىق اپاتىنىڭ قاتەرلىلىگى مەن كۇردەلىلىگىن جەتە تانىپ، اۋىر تاسقىننان ساقتانۋدى، اۋىر قۋاڭشىلىققا قارسى اتتانۋدى، كۇشتى تايفىڭ داۋىلىنان ساقتانۋدى تياناق ەتىپ، تومەنگى شەكتە ويلاۋدى، سوڭعى شەكتە ويلاۋدى مىقتاپ ورناتىپ، ساياسي جاۋاپكەرشىلىكتى جان - جاقتى قاتايتۋى كەرەك. سالعىرتسۋ يدەياسى مەن باق سىناۋ پسيحيكاسىن باتىل جويىپ، جەرگىلىكتى پارتكومدار مەن ۇكىمەتتەردىڭ تۇلعالىق جاۋاپكەرشىلىگىن، كاسىپتىك تاراۋلاردىڭ باقىلاۋ - باسقارۋ جاۋاپكەرشىلىگىن بەكەمدەپ، قاتىستى كاسىپورىن، ءىسورىنداردىڭ نەگىزگى جاۋاپتىلارىنىڭ تاسقىننان ساقتانۋ، حاۋىپسىزدىككە كەپىلدىك ەتۋ ءبىرىنشى جاۋاپتى ادام جاۋاپكەرشىلىگىن ناقتىلاندىرۋ كەرەك. ءار دارەجەلى تاسقىننان ساقتانۋ، قۋاڭشىلىققا قارسى اتتانۋ قولباسشىلىق قۇرىلىمدارى ءبىر تۇتاس جوسپارلاپ سايكەستىرۋدى جانە قولباسشىلىق ەتۋدى، سەپتەۋدى كۇشەيتۋ، ءارقايسى قاتىستى تاراۋلار مەن ورىندار مىندەت اتقارىپ، جاۋاپكەرشىلىكتى ادا ەتۋى، جوعارى ونىمدىلىكپەن سايكەسۋى كەرەك.

نەگىزگى ساتى پارتيا ۇيىمدارى مەن قالىڭ پارتيالى كادرلار جاۋىنگەر قامالدىق رولى مەن وزىق ۇلگىلىك رولىن تولىق ساۋلەلەندىرىپ، تاسقىننان ساقتانىپ، قۋاڭشىلىققا قارسى اتتانۋدىڭ، قاتەردەن اراشالاپ، اپاتتان قۇتقارۋدىڭ ءبىرىنشى شەبىندە باتىلدىقپەن اۋىر مىندەت ارقالاپ، اتويلاپ الدا ءجۇرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن پارمەندى قورعاۋى كەرەك.

«ۇقتىرۋدا» مىنالار باسا دارىپتەلدى: حالىقتى بارىنەن جٶعارى قويۋعا، ءومىردى بارىنەن جوعارى قويۋعا تاباندى بولىپ، وتكەلدەردى الدىعا جىلجىتىپ، ساقتانۋدى الدىڭعى ورىنعا قويۋ كەرەك. باقىلاۋ - ولشەۋ، الدىن الا مالىمەت بەرۋدىڭ دالدىگىن جوعارىلاتىپ، تاۋلى وڭىرلەردەگى شاعىن اعارلار سياقتى ءتۇيىندى وڭىرلەردى جانە تۇنگى، كۇشتى جاۋىن - شاشىن سياقتى ءتۇيىندى ۋاقىت كەزەڭدەرىنىڭ قىسقا مەرزىمدىك الدىن الا مالىمەت بەرۋ، ساقتاندىرۋ قابىلەتىن جوعارىلاتۋ كەرەك. الدىن الا سيگنال بەرۋ جانە سايكەسۋ ارەكەتىن كۇشەيتىپ، اپات تۋىلعاندا ”ساقتاندىرۋ“ جانە ءىز قۋالاپ اڭىس قايتارۋ مەحانيزمىن تياناقتاندىرۋ ارقىلى، ساقتاندىرۋ ينفورماتسياسىنىڭ نەگىزگى ساتىداعى جاۋاپتى ادامدار مەن حاۋىپ - قاتەرگە ۇشىراعان بۇقاراعا دەر كەزىندە تىكە جەتۋىنە كەپىلدىك ەتۋ كەرەك. تاۋ اۋزى، تار وزەن ارناسى، بەتكەيگە، جارتاسقا جاقىن جەر سياقتى حاۋىپ - قاتەرى جوعارى وڭىرلەرگە، قۇرىلىس ورنى، حالىقتىق تۇسەلحانا، ساياحات كورىنىس رايونى سياقتى جىلجىمالى ادامدار كوپ جەرلەرگە، سونداي - اق قارتتاردى كۇتىمگە الۋ قۇرىلىمى، مەكتەپ، شيپاحانا سياقتى ءتۇيىندى ورىندارعا قاراتا ، ”ءبىر - بىرلەپ شارا قولدانىپ“، حاۋىپتەن ساقتانۋ ورنى مەن شارالارىن تياناقتاندىرۋ كەرەك، اسىرەسە، قارتتار، اۋرۋ - سىرقاۋلار، جۇكتى ايەلدەر سياقتى ءتۇيىندى قاۋىمعا الدىن الا باتىل شارا قولدانىپ، مۇمكىندىكتىڭ بارىنشا جوتكەپ ورنالاستىرۋعا تيىستىلەرىن جوتكەپ ورنالاستىرۋعا كەپىلدىك ەتۋ كەرەك.

«ۇقتىرۋدا» مىنالار تالاپ ەتىلدى: جۇيە كوزقاراسىنا تاباندى بولىپ، وزەندەردىڭ جوعارعى، تومەنگى اعارىن، ەكى ارناسىن، نەگىزگى اعارلارىن ءبىر تۇتاس جوسپارلاپ، ءوڭىر اتتاپ بىرلەسىپ قيمىلداپ، تاسقىننان ساقتانۋ تىرەكتى ينجەنەرياسىن عىلمي، دالمە - ءدال ورنالاستىرىپ، تاسقىننان ساقتانۋ ينجەنەرياسى جۇيەسىنىڭ اپاتتان ساقتانۋ، اپات زيانىن ازايتۋ رولىن تولىق ساۋلەلەندىرىپ، وزەن اعارلارىندا تۇتاس تۇلعالىق تاسقىن تۋىلۋ قاتەرىن تومەندەتىپ، وزەن - داريالاردىڭ تاسقىن اپاتىنان ساقتانۋ جانە وعان توتەپ بەرۋ قىزمەتىن بار كۇشپەن ويداعىداي ىستەۋ كەرەك. توسپانى تەسىپ وتەتىن قۇرىلىستار، قاتەرلى جۇمىس بولەكتەرى، تاريحي قاتەرلى تۇيىندەر، سۋ قويماسى توسپاسى، تاسقىن اعىزۋ جولى سياقتى ءتۇيىندى ورىنداردى ارالاپ تەكسەرۋدى كۇشەيتىپ، ارالاپ تەكسەرۋ، قورعانۋ ساپاسىن، ونىمدىلىگىن جوعارىلاتىپ، بايقالعان ماسەلەلەردىڭ كومەسكى قاتەرىن دەر كەزىندە ءبىر جاقتى ەتۋ كەرەك. وزەن - كولدەردىڭ تاسقىن اعىزۋ، تاسقىن ىركۋ كەڭىستىگىن باسقارۋ - مەڭگەرۋدى كۇشەيتىپ، تاسقىن ىركۋ رايونىنان پايدالانۋ دايىندىعىن ويداعىداي ىستەۋ كەرەك. تاسقىن سۋدان قورعانۋ، تاسقىن سۋدى ىعىستىرۋ نىساندارى قۇرىلىستارىن ءبىر تۇتاس جوسپارلاپ ىلگەرىلەتىپ، تاسقىننان ساقتانۋدىڭ شەشۋشى مەزگىلىندە نوسەر، تاسقىن اپاتىنان ساقتانۋ، وعان توتەپ بەرۋدى ويداعىداي ىستەۋ كەرەك.

«ۇقتىرۋدا» مىنالار تالاپ ەتىلدى: ءتۇيىندى سالالارداعى نەگىزدىك قۇرىلعىلاردىڭ كومەسكى حاۋىپ - قاتەرىن اۋقىمدىق تەكسەرۋدى كۇشەيتىپ، قاتىناس قۇرىلعىلارىنىڭ بيىك بەتكەي، شۇعىل بۇرىلۋ بەتكەيى، سۋعا، وزەنگە جاقىن جول سياقتى ءتۇيىندى ورىنداردى، سونداي - اق قالالاردىڭ وزەكتى قۇرىلعىلارى ورنالاسقان ويپاڭ جەرلەردەگى پۋنكتتەرى، جەر استى قۇبىر تورابى، كونە قۇبىر جەلىسى سياقتى ءالسىز بۋىنداردى كورنەكتى تەكسەرۋ كەرەك. نەگىزدىك قۇرىلعىلاردىڭ اينالىمىن باقىلاۋ - تەكسەرۋدى، ساقتاندىرۋدى كۇشەيتىپ، شەشۋشى كەزەڭدە شارلاۋ - تەكسەرۋ جيىلىگىن ارتتىرىپ، حاۋىپ - قاتەر نىشاندارىن دەر كەزىندە بايقاۋ ءارى ساقتاندىرۋ كەرەك. وڭتۇستىكتىڭ سۋىن سولتۇستىككە جەتكىزۋ، گازدى باتىستان شىعىسقا جەتكىزۋ سياقتى كەلەلى نەگىزدىك قۇرىلعىلار ينجەنەريالارىنىڭ تاسقىننان ساقتانۋ حاۋىپسىزدىگىن باسقارۋدى كۇشەيتىپ، كەلەلى نەگىزدىك قۇرىلعىلار مەن سالىنىپ جاتقان ينجەنەريالاردىڭ تاسقىننان امان وتۋىنە كەپىلدىك ەتۋ كەرەك.

«ۇقتىرۋدا» مىنالار دارىپتەلدى: قاتەردەن اراشالاۋ، اپاتتان قۇتقارۋ قىزمەتىن تەز، ءونىمدى ورىستەتۋ كەرەك. قاتەردەن اراشالاۋ، قۇتقارۋ كۇشتەرى مەن جابدىق، زات دايىندىعىن كۇشەيتىپ، ءبىر تۇتاس ورنالاستىرۋ مەن الدىن الا ورنالاستىرۋدى كۇشەيتىپ، شۇعىل جاعدايعا توتەپ بەرۋ زاتتارىنا جەدەل ءۇن قوسۋ جانە جوتكەۋ مەحانيزمىن اقاۋسىزداندىرىپ، جەدەل جەتكىزۋ قابىلەتىن جوعارىلاتۋ كەرەك. مەملەكەتتىڭ ءورت ءوشىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنى، ازاتتىق ارميا جانە قارۋلى ساقشى بولىمدەرى، ورتالىق كاسىپورىندارىنىڭ كاسىپتىك كۇشتەرى سياقتى ءتۇرلى كۇشتەردىڭ رولىن ويداعىداي ساۋلەلەندىرىپ، وڭىرلىك شۇعىل جاعدايعا توتەپ بەرۋ، قۇتقارۋ - كومەكتەسۋ ورتالىعىنىڭ ناقتى شايقاس قابىلەتىن جوعارىلاتىپ، دەر كەزىندە عىلمي جولمەن قاتەردەن اراشالاۋ، قۇتقارۋ كەرەك. حابارلاسۋدىڭ تومەنگى شەگىن ساقتاۋ جابدىقتارىن الدىن الا ورنالاستىرۋ تەبىنىن ارتتىرىپ، جول ءۇزىلۋ، توراپ ءۇزىلۋ، ەلەكتر ءۇزىلۋ سياقتىلارعا توتەپ بەرۋ ساپاسىن، ونىمدىلىگىن جوعارىلاتۋ كەرەك. اپاتتان قۇتقارۋ، كومەك بەرۋدى دەن قويا، سۇيىسپەنشىلىكپەن ويداعىداي ىستەپ، اپاتتان قۇتقارۋ قارجىسىن دەر كەزىندە الدىن الا بوساتىپ، اپات قامسىزداندىرۋىن سايكەستىرىپ، تەز تولەم بەرىپ، اپاتقا ۇشىراعان بۇقارانىڭ نەگىزگى تۇرمىسىن شىنايى قامتاماسىز ەتۋ كەرەك.

«ۇقتىرۋدا» مىنالار تالاپ ەتىلدى: بايلىقتى نەگىزگى ساتىعا بەيىمدەۋگە، كۇشتى ءبىرىنشى شەپكە تۇسىرۋگە تاباندى بولىپ، نەگىزگى ساتىنىڭ اپات حاۋىپ - قاتەرىن پارىقتاۋ، كومەسكى قاتەرلەردى ءبىر - بىرلەپ تەكسەرۋ، دايىندىق جاتتىعۋى سياقتىلارعا كاسىپتىك جەتەكشىلىك ەتۋدى، قىزمەت وتەۋدى كۇشەيتىپ، نەگىزگى ساتىنىڭ تاسقىننان ساقتانۋ، اپات زيانىن ازايتۋ، اپاتتان قۇتقارۋ قابىلەتىن كۇش سالا جوعارىلاتۋ كەرەك. نەگىزگى ساتى كادرلارىن، اسىرەسە، جاڭادان مىندەتكە تاعايىندالعان كادرلاردى كاسىپتىك ونەرگە باۋلۋدى ويداعىداي ىستەپ، نەگىزگى ساتىنىڭ ءوز جەرىنىڭ اپات ەرەكشەلىگىنە باعىتتاي وتىرىپ، قولدانىلمالى شۇعىل جاعدايعا توتەپ بەرۋ جوباسىن كەمەلدەندىرۋىنە جەتەكشىلىك ەتۋ كەرەك. بۇقارالىق ساقتانۋ، بۇقارالىق جونگە سالۋ كۇشتەرىن تولىق جۇمىلدىرىپ، بۇقارانى ماڭايىنداعى حاۋىپ - قاتەرلەردى، كومەسكى قاتەرلەردى دەر كەزىندە بايقاۋعا، مالىمدەۋگە شابىتتاندىرۋ كەرەك. عىلىم جالپىلاستىرۋ ۇگىتى، شۇعىل جاعدايعا توتەپ بەرۋ، بىتىراتۋ جاتتىعۋىن ىشكەرىلەي ورىستەتىپ، بۇقارانىڭ اپاتتان ساقتانۋ، حاۋىپتەن ساقتانۋ تانىمى مەن قابىلەتىن جوعارىلاتۋ كەرەك.

«ۇقتىرۋدا» سونىمەن بىرگە بىلاي دەپ اتاپ كورسەتىلدى: قۋاڭشىلىق، سۋ باسۋ، شۇعىل جاعدايعا توتەپ بەرۋ حاۋىپ - قاتەرىنە باسا ءمان بەرىپ، تاسقىننان ساقتانۋ، قۋاڭشىلىققا قارسى اتتانۋ سىندى ەكى جاقتى يگەرۋگە تاباندى بولىپ، قۋاڭشىلىققا قارسى اتتانۋ جوباسى مەن شۇعىل جاعدايعا توتەپ بەرۋ، سۋمەن قامداۋ جوباسىن كەمەلدەندىرىپ، شۇعىل جاعدايعا توتەپ بەرۋ شارالارىن اشالاپ، كوپ ءتۇرلى شارانى قاتار قولدانىپ، قۋاڭشىلىقتان ساقتانۋ، اپات زيانىن ازايتۋ قىزمەتىن شىنايى يگەرۋ كەرەك.

«ۇقتىرۋدا» مىنالار باسا دارىپتەلدى: جەر - جەر، قاتىستى تاراۋلار جانە ورىندار تاسقىننان ساقتانۋ، قۋاڭشىلىققا قارسى اتتانۋ قىزمەت ءتارتىبىن قاتايتىپ، تاسقىن مەزگىلىندەگى كەزەكشىلىك بەلگىلەمەسىن قاتاڭ اتقارىپ، 24 ساعات ارناۋلى ادام كەزەكشىلىك ىستەۋدى تياناقتاندىرىپ، شەشۋشى قىزمەت ورىندارىنداعى كەزەكشىلىك كۇشىن كۇشەيتىپ، شۇعىل جاعدايعا توتەپ بەرۋ، اتتانىسقا كەلۋ مەزگىلىندە جاعدايعا قاراي كوپ تاراۋدى بىرلەسىپ كەزەكشىلىك ىستەۋگە ۇيىمداستىرىپ، حاۋىپ - قاتەردى، اپات جاعدايىن دەر كەزىندە جوعارى ونىمدىلىكپەن ءبىر جاقتى ەتۋگە شىنايى كەپىلدىك ەتۋ كەرەك. ءار دارەجەلى باسشى كادرلار دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، كەزەكشىلىكتى، الدىڭعى شەپتە قولباسشىلىق ەتۋدى كۇشەيتۋى كەرەك. ينفورماتسيا جولداۋ جاۋاپكەرشىلىگىن قاتايتىپ، ناقتىلاندىرىپ، اۋىر ءولىم - ءجىتىم، حاۋىپ - قاتەر جانە ماڭىزدى قىزمەت ينفورماتسيالارىن دەر كەزىندە جوعارىعا مالىمدەپ، كەشىكتىرىپ مالىمدەۋدى، مالىمدەمەي قالۋدى، جاسىرۋدى باتىل تيۋ كەرەك.