مەملەكەتتىڭ نەگىزگى ٴدارى - دارمەك تىزىمدىگىنە رەتتەۋ جۇرگىزىلدى

7 ـ ايدىڭ 9 ـ كۇنى مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك جۇڭگوشا ەمدەۋ جانە ٴدارى ـ دارمەك مەكەمەسى، مەملەكەتتىك اۋرۋدى تىزگىندەۋ مەكەمەسى سىندى 3 تاراۋ 2026 ـ جىلعى مەملەكەتتىك نەگىزگى ٴدارى ـ دارمەك تىزىمدىگىن جاريالادى. جاڭا باسىلىمداعى مازمۇن بۇرىنعى 685 ٴتۇرلى ٴدارى - دارمەكتىڭ جاڭالانۋىنان 794 تۇرگە رەتتەلدى، مۇنىڭ ىشىندە حيميالىق ٴدارى - دارمەك پەن بيولوگيالىق ٴونىم 476 ٴتۇرلى، جۇڭگوشا دايىن ٴدارى 318 ٴتۇرلى بولىپ، بۇقارانىڭ اۋرۋدان ساقتانۋ جانە ونى ەمدەۋ جاعىنداعى نەگىزگى ٴدارى ىستەتۋ قاجەتىن اناعۇرلىم ويداعىداي قاناعاتتاندىردى.

تانىستىرۋعا قاراعاندا، قاتىستى تاراۋلار نەگىزگى دارىلەردى دايىنداۋ - پايدالانۋدى باسقارۋدى اناعۇرلىم ىلگەرىلەتىپ، نەگىزگى دارىلەردى جۇيەلى پايدالانۋ قابىلەتىن جوعارىلاتىپ، ٴار دارەجەلى ەمدەۋ، دەنساۋلىق ساقتاۋ قۇرىلىمدارىنىڭ ويداعىداي دايىندالۋىنا، ويداعىداي پايدالانۋىنا مۇمكىندىك جاساپ، ٴدارى ىستەتۋدىڭ ۇشتاسۋىن جەبەپ، بۇقارانىڭ جاقىن ماڭداعى نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ دا ۇلكەن شيپاحانالارمەن ۇقساس ٴدارى ىستەتۋىنە مۇمكىندىك جاسايدى.

كەلۋ قاينارى: حالىق تورابى