«شي جينپيڭ ەل باسقارۋ جونىندە» 5 - تومىنىڭ قىرعىزستانداعى تانىستىرۋ ءماجىلىسى بىشكەكتە وتكىزىلدى

«حالىق گازەتى»، 7 - ايدىڭ 13 - كۇنى، بىشكەك (ءتىلشى چۇي سۇڭ). «شي جينپيڭ ەل باسقارۋ جونىندە» 5 - تومىنىڭ قىرعىزستانداعى تانىستىرۋ ءماجىلىسى 7 - ايدىڭ 13 - كۇنى قىرعىزستاننىڭ استاناسى بىشكەكتە وتكىزىلدى.

ماجىلىسكە قاتىناسقان سيلى قوناقتار بىلاي دەپ قارادى: شاڭحاي سەلبەستىك ۇيىمى قۇرىلعاندىعىنىڭ 25 جىلدىعى قارساڭىندا، جۇڭگو مەن قىرعىزستاننىڭ ءار سالا قايراتكەرلەرىنىڭ، سونداي - اق شاڭحاي سەلبەستىك ۇيىمى ۇلى شاڭىراعى ۋاكىلدەرىنىڭ «شي جينپيڭ ەل باسقارۋ جونىندەنىڭ» 5 - تومىن ارقاۋ ەتىپ، اۋىس - كۇيىس جاساپ، زەرتتەۋ - تالقى ورىستەتۋى ماڭىزدى مانگە يە. وسى ماڭىزدى كىتاپ جۇڭگو ۇلگىسىندەگى وسىزامانداندىرۋدىڭ نازارياسى مەن امالياتىن جۇيەلى بايىمداپ، جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدەگى بولاشاعى مەن جوباسىن جاندى بەينەلەدى، بۇل جۇڭگو ۇلگىسىندەگى وسىزامانداندىرۋدى ءتۇسىنۋ، زامانىمىزداعى جۇڭگونىڭ بەدەلدى كىتاپتارىن ءتۇسىنۋ، سونداي - اق جۇڭگو مەن قىرعىزستاننىڭ ەل باسقارۋ تاجىريبەلەرى جونىندەگى اۋىس - كۇيىستى تەرەڭدەتۋ، دامۋ ستراتەگياسىن ۇشتاستىرۋدى كۇشەيتۋ ءۇشىن ماڭىزدى تياناق ازىرلەدى.

قىرعىزستاننىڭ بۇرىنعى زۇڭتۇڭى وتۋنبايەۆا بىلاي دەپ اتاپ كورسەتتى: ادامزاتتىڭ تاعدىرلاس ورتاق تۇلعاسىن قۇرۋ ۇستانىمى — ءتوراعا شي جينپيڭ العا قويعان دۇنيە جۇزىلىك ىقپالعا يە يدەيا جانە قۋاتتاما، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ بىزگە جاڭا دامۋ ورايىن الا كەلىپ، قىرعىزستاننىڭ بىرتىندەپ ەۆروپا - ازيا ۇلى قۇرلىعىنىڭ ماڭىزدى تورابىنا اينالۋىنا دەم بەردى.

ول مىنانى ءبىلدىردى: جۇڭگو دامۋىنىڭ ىشكى لوگيكاسىن، جونگە سالۋ مەحانيزمىن جانە ۇزاق ۋاقىتتىق جوباسىن ىشكەرىلەي زەرتتەۋ ماڭىزدى امالياتتىق قۇنعا يە.

قىرعىزستاننىڭ مەملەكەت ىستەرى حاتشىسى كويچيەۆ ارناۋ سوزىندە مىنالاردى ءبىلدىردى: جۇڭگو — ماركسيزمنىڭ جەرگىلىكتەنۋى ەڭ تابىستى بولعان مەملەكەت، ماركسيزمدى ءوز ەلىنىڭ مەملەكەت جاعدايىمەن ۇشتاستىرۋ جولىندا مول تاجىريبەلەر توپتادى.

21 - عاسىرداعى ماركسيزمدى تۇسىنۋدە ءتوراعا شي جينپيڭنىڭ شىعارمالارىن مۇقيات زەرتتەپ وقۋ كەرەك. «شي جينپيڭ ەل باسقارۋ جونىندە» دەگەن كىتاپتى وقۋ قىرعىزستاننىڭ جۇڭگومەن، دۇنيە جۇزىمەن قارىم - قاتىناسى جونىندە ىشكەرىلەي وي جۇگىرتۋگە پايدالى، ءبىزدىڭ ناقتى سەلبەستىك ارقىلى وركەنيەتتەردىڭ ءوزارا ۇلگى الۋىن ىلگەرىلەتۋىمىزگە، دامۋدى، گۇلدەنۋدى ىلگەرىلەتۋىمىزگە شابىت بەرەدى.

شاڭحاي سەلبەستىك ۇيىمى باس حاتشىسىنىڭ ورىنباسارى پۋ ياڭفان بىلاي دەدى: جۇڭگو مەن قىرعىزستان شاڭحاي سەلبەستىك ۇيىمىن قۇرۋشى مۇشە ەل رەتىندە، ”شاڭحاي بەستىگى“ مەحانيزمىنىڭ قۇرىلىسى مەن دامۋىنا ەرەكشە ۇلەس قوستى. بۇل ماڭىزدى كىتاپقا ءتوراعا شي جينپيڭنىڭ جۇڭگو - ورتا ازيا تاعدىرلاس ورتاق تۇلعاسىن جانە شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋعا قاتىستى ماڭىزدى ءسوزى ەنگىزىلىپ، وڭىردەگى ءار ەلدىڭ ىنتىماقتاسا سەلبەسۋىن تەرەڭدەتۋگە، حاۋىپسىز، ورنىقتى ورتانى بەكەمدەۋگە، دامۋ ستراتەگياسىن ۇشتاستىرۋدى كۇشەيتۋگە، حالىق تىلەگىنىڭ توعىسۋىن جەبەۋگە ايقىن باعدار كورسەتتى.

قيمىلدا جۇڭگو جاق قىرعىزستاندىق سيلى قوناقتارعا «شي جينپيڭ ەل باسقارۋ جونىندەنىڭ» 3 - تومىنىڭ قىرعىز تىلىندەگى جانە 5 - تومىنىڭ ورىس تىلىندەگى كىتاپتارىن تارتۋ ەتتى. قىرعىزستان جاقتىڭ ەمدەۋ - كۇتىمدەۋ جانە ءتىلشى ۋاكىلدەرى ەكى ەلدىڭ حالىقتى بارىنەن جوعارى قويۋ ۇستانىمىن قول ۇستاسا امالياتتا ايگىلەۋ سەلبەستىك حيكاياسىن ورتاقتاستى. جينالىسقا قاتىناسقان ماماندار نازاردى جۇڭگو ۇلگىسىندەگى وسىزامانداندىرۋ، ادامزاتتىڭ تاعدىرلاس ورتاق تۇلعاسىن قۇرۋ، دۇنيە جۇزىلىك جونگە سالۋ باستاماسى، ”ءبىر بەلدەۋ، ءبىر جولدى“ بىرگە قۇرۋ، وركەنيەتتەردىڭ اۋىس - كۇيىسى، ءوزارا ۇلگى الۋى سياقتى كەڭەستىك تاقىرىپتارعا شوعىرلاندىرا وتىرىپ پىكىر اۋىستىرىپ، زەرتتەۋ - تالقى ورىستەتتى.

بۇل رەتكى قيمىلدى جۇڭگو مەملەكەتتىك كەڭەسىنىڭ اقپارات كەڭسەسى، جۇڭگو شەتەل تىلدەرى مەكەمەسى جانە جۇڭگونىڭ قىرعىزستاندا تۇراتىن باس ەلشىحاناسى بىرگە وتكىزدى.

جۇڭگو - قىرعىزستان ەكى ەلدىڭ ساياسي پارتيالارىنان، اقپارات قۇرالدارىنان، اقىل - پاراسات قويماسىنان 300 دەي ادام قيمىلعا قاتىناستى.