ەكى تاراۋ ورتالىقتىڭ 430 ميلليون يۋان جاراتىلىستىق اپاتتان قۇتقارۋ قارجىسىن شۇعىل بوساتتى 

شينحۋا اگەنتتىگىنىڭ 7 - ايدىڭ 14 – كۇنى بەيجيڭنەن بەرگەن حابارى. ءتىلشىنىڭ قازىنا مينيسترلىگىنەن ۇعىسۋىنشا، قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى 7 - ايدىڭ 14 - كۇنى ورتالىقتىڭ جاراتىلىستىق اپاتتان قۇتقارۋ قارجىسىنان 430 ميلليون يۋان الدىن الا بوساتىپ، گۋاڭشي، جىجياڭ، حىبەي، لياۋنيڭ، تيانجين، حيلۇڭجياڭ، جياڭسۋ، انحۇي، جياڭشي، سىچۋان قاتارلى 10 ولكەنىڭ (اۆتونوميالى رايون، توتە قاراستى قالا) تاسقىننان ساقتانۋ، تايفىڭ داۋىلىنان ساقتانۋ، شۇعىل جاعدايعا توتەپ بەرۋ، اپاتتان قۇتقارۋ قىزمەتىن ورىستەتۋىنە قولداۋ كورسەتكەن.

مۇنىڭ ىشىندە الدىڭعى مەرزىمدە الدىن الا 190 ميلليون يۋان قارجى بوساتۋ نەگىزىندە، ۇستىنە 150 ميلليون يۋان قارجى قوسىپ، گۋاڭشيدىڭ اپاتقا ۇشىراعان بۇقارانى ورنالاستىرۋ، وتپەلى مەزگىلدەگى تۇرمىستىق قۇتقارۋ، سونداي - اق قۇلاعان تۇرعىن ۇيلەردى قالپىنا كەلتىرۋ سياقتى قىزمەتتەردى ۇزدىكسىز ءتۇيىندى تۇردە ويداعىداي ىستەۋىنە قولداۋ كورسەتىپ، اپات تۋىلعان رايوننىڭ ءوندىرىس، تۇرمىس ءتارتىبىن تەز ارادا قالپىنا كەلتىرۋىن ىلگەرىلەتتى؛ الدىن الا 280 ميلليون يۋان قارجى بوساتىپ، قالعان 9 ولكەنىڭ (قالا) اپاتقا ۇشىراعانداردى ىزدەۋ، قۇتقارۋ، كوشىرۋ، ورنالاستىرۋ، حاۋىپ ـ قاتەردى الاستاۋ، حاۋىپ ـ قاتەردى جويۋ قاتارلى شۇعىل ءبىر جاقتى ەتۋ، اپات كومەسكى قاتەرىن تەكسەرۋ جانە شۇعىل جونگە سالۋ سياقتىلاردى ءبىرتۇتاس ويداعىداي ىستەۋىنە قولداۋ كورسەتىپ، اپات زيانىن مۇمكىندىكتىڭ بارىنشا ازايتتى.

كەلۋ قاينارى: حالىق تورابى