ەلىمىزدىڭ كونسۋلحاناسى شۇعىل ۇقتىرۋ جاريالادى: بۇل جەرگە بارۋدى جوسپارلاعان بارلىق ساياحاتشىلار ساپاردى كۇشىنەن قالدىرعانى ءجون 

جۋىردا، يندونەزيانىڭ شىعىس جاۆا ولكەسىندەگى يجىن جانار تاۋ قورىق رايونىندا ورمانعا جانە تاۋلى وڭىرگە ءورت كەتىپ، ءورت جانار تاۋ اۋزىنداعى جاياۋلار ساياحاتتاۋ وزەكتى لەنياسىنا دەيىن شارپىعان، ءورت ۇزدىكسىز ۇلعايىپ، ءورت كەتكەن جەردە قاتەر ءبىرشاما جوعارى بولعان.

شىعىس جاۆا ولكەلىك جاراتىلىستىق قورىق مەكەمەسىنىڭ (BBKSDA) رەسمي ۇقتىرۋىنا قاراعاندا، 2026 – جىلى 9 – ايدىڭ 4 – كۇنىنەن باستاپ، يجىن جانار تاۋى كورىنىس رايونى، تاۋعا شىعۋ جولى جابىلعان جانە بارلىق ساياحات قيمىلى ۋاقىتشا تۇگەلدەي توقتاتىلعان، قايتا اشىلاتىن ۋاقىتى ايىرىم ۇقتىرىلادى.

كونسۋلدىق وڭىردەگى جۇڭگو ازاماتتارىنىڭ باس اماندىعىن شىنايى قامتاماسىزداندىرۋ ءۇشىن، جۇڭگونىڭ سۋراباياداعى باس كونسۋلحاناسى ارنايى شۇعىل ەسكەرتۋ جاريالادى:

ءبىرىنشى، بارۋدى دەرەۋ توقتاتۋ

بانيۋاڭني، بوندوۋوسو وڭىرىندەگى يجىن جانار تاۋى كورىنىس رايونىنا بارۋدى جوسپارلاعان بارلىق جۇڭگولىق ساياحاتشىلاردىڭ، تاۋعا شىعۋ اۋەسكەرلەرىنىڭ جانە ساپار شەگۋشىلەردىڭ ساپاردى كۇشىنەن قالدىرعانى ءجون، استە، ول جەرلەرگە بارۋعا بولمايدى. ءورت اپاتى كەزىندە بۇل وڭىردە تاۋلى جەردەگى ءورتتىڭ ۇلعايۋى، قويۋ تۇتىننەن تۇنشىعۋ، جولدىڭ جابىلۋى، قۇتقارۋ جۇمىستارىنىڭ كەدەرگىگە ۇشىراۋى قاتارلى حاۋىپسىزدىككە ساياتىن كوپتەگەن كومەسكى قاتەرلەر ساقتالادى.

ەكىنشى، ساپاردى دەر كەزىندە رەتتەۋ

يجىن جانار تاۋى وڭىرىندە سەيىلدەۋ، تاۋعا شىعۋ، جەرگىلىكتى قىزمەتكەرلەردىڭ قابىلداۋى، قاتىناس جانە تۇرعىن ءۇي قاتارلى جاقتاردا الدىن – الا تاپسىرىس بەرىپ قويعان ازاماتتار، ساياحات سەرىكتەستىگىمەن، تەكشەمەن، مەيمانحانامەن دەرەۋ حابارلاسىپ، بەلەت قايتارۋ، ۋاقىتىن وزگەرتۋ نەمەسە الماستىرۋ جۇمىستارىن ورىنداپ، ايالداپ قالۋدان جانە ارتىق شىعىنعا ۇشىراۋدان ساقتانۋى كەرەك.

ءۇشىنشى، جەرگىلىكتى ورىننىڭ بەلگىلەمەلەرىنە قاتاڭ بويسۇنۋ

قازىر كورىنىس رايونى بۇكىلدەي جابىلعان، ءوز بەتىمەن اينالىپ ءوتۋ، بەلگىلەمەگە قايشىلىق جاساپ تاۋعا بارۋ، تۇندە جاياۋ ساياحاتتاۋ قاتارلى ارەكەتتەرگە قاتاڭ تيىم سالىنادى. جەرگىلىكتى ءورت ءسوندىرۋ جانە قۇتقارۋ، اپاتتان ساقتانۋ ىستەرىن باسقارۋ تاراۋلارى مەن كورىنىس رايونىنىڭ رەسمي جاريالاعان كورىنىس رايونىنا اشۋ جونىندەگى ينفورماتسياسىنا ءجىتى نازار اۋدارىپ، رەسمي اشىلعاننان كەيىن عانا ساپارعا شىعۋدى ورنالاستىرۋ كەرەك.

كەلۋ قاينارى: حالىق تورابى