سۋىق اعىس جۇرەدى! كوپ جەردە قالىڭ جاڭبىر نەمەسە قار جاۋادى! شينجياڭ اۋا رايى ستانسياسىنىڭ ەڭ جاڭا ەسكەرتۋى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (10 – ايدىڭ 12 – كۇنىنەن 18 – كۇنىنە دەيىن) شينجياڭدا ىلگەرىندى ـ كەيىندى 2 رەت سۋىق اعىس جۇرەدى.

سۋىق اعىستىڭ اسەرىنەن سولتۇستىك شينجياڭنىڭ باسىم كوپ بولەگى، شىعىس شينجياڭ قاتارلى جەرلەردە ەڭ تومەنگى تەمپەراتۋرا 5 تە 8 سەلتسي گرادۋس تومەندەيدى، ۇقساماعان دارەجەدە قىراۋ ۇسىگى جۇرەدى، سولتۇستىك شينجياڭنىڭ سولتۇستىگى، تيانشاننىڭ سولتۇستىك بوكتەرى، قۇمىل قالاسى قاتارلى وڭىرلەردىڭ ءىشىنارا جەرلەرىندە تەمپەراتۋرانىڭ تومەندەۋ مولشەرى 8 سەلتسي گرادۋستان اسادى، سۋىق اعىس جۇرەدى.

الدىن الا مالىمەتتە كورسەتىلۋىنشە، ءبىرىنشى رەتكى سۋىق اعىستىڭ ىقپال جاساۋ ۋاقىتى 10 – ايدىڭ 12 – كۇنى كۇندىزدەن 14 – كۇنى كۇندىزگە دەيىن بولادى. وڭتۇستىك شينجياڭنىڭ باتىس بولەگى مەن سولتۇستىك شينجياڭنىڭ باتىس بولەگى، سولتۇستىك بولەگىندەگى تاۋلى ءوڭىر، تارباعاتاي ايماعىنىڭ وڭتۇستىك بولەگىندەگى تاۋلى ءوڭىر، شىحىزى قالاسىنىڭ وڭتۇستىك بولەگىندەگى تاۋلى ءوڭىر، ءۇرىمجى قالاسىنىڭ وڭتۇستىگىندەگى تاۋلى ءوڭىر، سانجى حۇيزۋ اۆتونوميالى وبلىسىنىڭ تاۋلى ءوڭىرى، بايىنعولىن موڭعۇل اۆتونوميالى وبلىسىنىڭ تاۋلى ءوڭىرى، قۇمىل قالاسىنىڭ سولتۇستىك بولەگىندەگى تاۋلى ءوڭىر قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، ورتاشا، بيىك تاۋلى وڭىرلەردە جاڭبىر ارالاس قار نەمەسە قار جاۋادى، جۇيەدەن ىلە اڭعارىنداعى تاۋلى وڭىرلەر، وڭتۇستىك شينجياڭنىڭ باتىس بولەگىندەگى تاۋلى وڭىرلەر، حوتان ايماعىنىڭ وڭتۇستىك بولەگىندەگى تاۋلى وڭىرلەر، اقسۋ ايماعىنىڭ باتىس بولەگىندەگى تاۋلى وڭىرلەر قاتارلى جەرلەردىڭ ءىشىنارا جەرلەرىندە ورتاشادان باستاپ قالىڭ جاڭبىر نەمەسە قار جاۋادى. سولتۇستىك شينجياڭ، شىعىس شينجياڭنىڭ ءىشىنارا وڭىرلەرىندە باتىس سولتۇستىكتەن 4 تە 5 بال جەل سوعادى، جەل وتىندە 9 دا 10 بالعا جەتەدى؛ سولتۇستىك شينجياڭنىڭ باتىس بولەگى، سولتۇستىك بولەگى، وڭتۇستىك شينجياڭنىڭ باتىس بولەگى قاتارلى جەرلەردىڭ تەمپەراتۋراسى 3 تە 5 سەلتسي گرادۋس تومەندەيدى.

ەكىنشى رەتكى سۋىق اعىستىڭ ىقپال جاساۋ ۋاقىتى 10 – ايدىڭ 14 – كۇنى تۇننەن 16 - كۇنى تۇنگە دەيىن. سولتۇستىك شينجياڭ، شىعىس شينجياڭ، وڭتۇستىك شينجياڭنىڭ باتىس بولەگىندەگى تاۋلى ءوڭىر، كۇنلۇن تاۋىنىڭ سولتۇستىك بەتكەيى، اقسۋ ايماعىنىڭ تاۋلى ءوڭىرى، بايىنعولىن وبلىسى قاتارلى وڭىرلەردىڭ ءىشىنارا جەرلەرىندە سەبەزگى جاڭبىر جاۋىپ سوڭىنان جاڭبىر ارالاس قار نەمەسە قار جاۋادى، جۇيەدەن سولتۇستىك شينجياڭنىڭ باتىس بولەگىندەگى تاۋلى وڭىرلەر، تارباعاتاي ايماعى، التاي ايماعى، شىحىزى قالاسى، ءۇرىمجى قالاسى، سانجى وبلىسى، قاشقار ايماعىنىڭ وڭتۇستىك بولەگىندەگى تاۋلى وڭىرلەر، حوتان ايماعىنىڭ تاۋلى وڭىرلەرى، بايىنعولىن وبلىسىنىڭ تاۋلى وڭىرلەرى، تۇرپان قالاسىنىڭ تاۋلى وڭىرلەرى، قۇمىل قالاسى قاتارلى وڭىرلەردىڭ ءىشىنارا جەرلەرىندە ورتاشادان باستاپ قالىڭ جاڭبىر نەمەسە قار جاۋادى، جوعارىدا ايتىلعان تاۋلى وڭىرلەردىڭ ءىشىنارا جەرلەرىندە ەرەكشە قالىڭ قار جاۋادى. سولتۇستىك شينجياڭنىڭ باسىم كوپ بولەگى، وڭتۇستىك شينجياڭنىڭ باتىس بولەگى، بايىنعولىن وبلىسىنىڭ سولتۇستىك بولەگى، شىعىس شينجياڭنىڭ ءىشىنارا وڭىرلەرىندە باتىس سولتۇستىكتەن 6 بال اينالاسىندا بوران سوعادى، جەل وتىندە 10 دا 11 بالعا جەتەدى، مەزەتتىك جەل كۇشى 12 بال بولادى؛ 10 – ايدىڭ 16 – كۇنى، وڭتۇستىك شينجياڭ ويپاتىنىڭ ورتا، شىعىس بولەگىندە شىعىستان 5 بال اينالاسىندا بوران سوعادى، كەي وڭىرلەردە تۇرلىشە دارەجەدە قۇمدى بوران سوعادى. سۋىق اۋا اعىسىنا ىلەسە، سولتۇستىك شينجياڭنىڭ كوپ بولەگى، شىعىس شينجياڭ قاتارلى ورىنداردا تەمپەراتۋرا نەداۋىر تومەندەيدى.

كەلۋ قاينارى: حالىق تورابى